ಬಾಂಗ್ಲಾದೇಶದಲ್ಲಿ 20 ಹಿಂದೂಗಳ ಮನೆಗಳಿಗೆ ಬೆಂಕಿ

ಢಾಕಾ: ಬಾಂಗ್ಲಾದೇಶದಲ್ಲಿ 20 ಹಿಂದೂಗಳ ಮನೆಗಳಿಗೆ ಬೆಂಕಿ ಹಚ್ಚಲಾಗಿರುವ ಘಟನೆ ದಿಂಜಾಪುರದ ಬೋಚಾಗಂಜ್‌ ನಲ್ಲಿ ನಡಿದೆ.

ಹಿಂದೂಗಳ ಮನೆಗೆ ಬೆಂಕಿ ಹಚ್ಚಲಾಗಿರುವ ಬಗ್ಗೆ ದಿ ಡೇಲಿ ಸ್ಟಾರ್ ವರದಿ ಪ್ರಕಟಿಸಿದ್ದು, ರೈಲ್ವೆ ಕಾಲೋನಿಯಲ್ಲಿರುವ ಏಳು ಹಿಂದೂ ಕುಟುಂಬಗಳ ಮನೆಗಳಿಗೆ ಬೆಂಕಿ ಹಚ್ಚಲಾಗಿದೆ ಎಂದು ಹೇಳಿದೆ. ದುಷ್ಕೃತ್ಯ ಎಸಗಿರುವ ವ್ಯಕ್ತಿ ಜ್ಯುವೆಲ್ ಎಂಬಾತನನ್ನು ಸ್ಥಳೀಯರು ಹಿಡಿದ್ದಾರೆ. 

ದುರ್ಗಾಪೂಜಾ ಸಂದರ್ಭದಲ್ಲಿ ಎರಡು ಗುಂಪುಗಳ ನಡುವೆ ಮಾರಾಮಾರಿ ಉಂಟಾದಾಗಿನಿಂದಲೂ ಜ್ಯುವೆಲ್ ಎಂಬಾತ ಸ್ಥಳೀಯ ಹಿಂದೂಗಳಿಗೆ ಬೆದರಿಕೆ ಹಾಕುತ್ತಿದ್ದ ಎಂಬ ಆರೋಪವಿದೆ. ಬೆಂಕಿ ಅವಗಢದಲ್ಲಿ ಅದೃಷ್ಟವಶಾತ್ ಯಾವುದೇ ಹಾನಿ ಸಂಭವಿಸಿಲ್ಲ. ಅಕ್ಟೋಬರ್ ತಿಂಗಳಲ್ಲೂ ಸಹ ಬಾಂಗ್ಲಾದೇಶದಲ್ಲಿ ಇಂಥಹದ್ದೇ ಘಟನೆ ನಡೆದಿದ್ದ ಬಗ್ಗೆ ವರದಿಗಳು ಪ್ರಕಟವಾಗಿದ್ದವು, ಎರಡು ತಿಂಗಳ ಹಿಂದೆ 15 ಹಿಂದೂ ದೇವಾಲಯಗಳಿಗೆ ಬೆಂಕಿ ಹಚ್ಚಲಾಗಿತ್ತು. ಇದಲ್ಲದೇ 100 ಕ್ಕೂ ಹೆಚ್ಚು ಹಿಂದೂಗಳ ಮನೆಗಳಲ್ಲಿ ಲೂಟಿಯನ್ನೂ ಮಾಡಲಾಗಿತ್ತು.