ಕ್ಲಿಂಟನ್ ಟ್ರಂಪ್ ಗಿಂತ 15 ಅಂಕಗಳ ಮುನ್ನಡೆ: ಸಮೀಕ್ಷೆ
ಇತ್ತೀಚಿನ ವರದಿ ಪ್ರಕಾರ, ಅಮೆರಿಕ ಅಧ್ಯಕ್ಷ ಪದವಿಯ ಡೆಮಾಕ್ರಟಿಕ್ ಅಭ್ಯರ್ಥಿ ಹಿಲರಿ ಕ್ಲಿಂಟನ್ ತಮ್ಮ ಪ್ರತಿಸ್ಪರ್ಧಿ ರಿಪಬ್ಲಿಕನ್...
Published On :
ವಾಷಿಂಗ್ಟನ್: ಇತ್ತೀಚಿನ ವರದಿ ಪ್ರಕಾರ, ಅಮೆರಿಕ ಅಧ್ಯಕ್ಷ ಪದವಿಯ ಡೆಮಾಕ್ರಟಿಕ್ ಅಭ್ಯರ್ಥಿ ಹಿಲರಿ ಕ್ಲಿಂಟನ್ ತಮ್ಮ ಪ್ರತಿಸ್ಪರ್ಧಿ ರಿಪಬ್ಲಿಕನ್ ಅಭ್ಯರ್ಥಿ ಡೊನಾಲ್ಡ್ ಟ್ರಂಪ್ ಅವರಿಂದ ಶೇಕಡಾ 15 ಮತಗಳಿಂದ ಮುಂದಿದ್ದಾರೆ.
ಹಿಲರಿ ಕ್ಲಿಂಟನ್ ಅವರಿಗೆ ಶೇಕಡಾ 48ರಷ್ಟು ಮತಗಳಿದ್ದರೆ, ಡೊನಾಲ್ಡ್ ಟ್ರಂಪ್ ಅವರಿಗೆ ಶೇಕಡಾ 33ರಷ್ಟು ಮತಗಳ ಬೆಂಬಲವಿದೆ ಎಂದು ಮೆಕ್ ಕ್ಲಾಚಿ-ಮರಿಸ್ಟ್ ಮತದಾನ ಸಮೀಕ್ಷೆ ತಿಳಿಸಿದೆ.
ಇನ್ನೊಂದೆಡೆ ವಾಲ್ ಸ್ಟ್ರೀಟ್ ಜರ್ನಲ್/ಎನ್ ಬಿಸಿ ನ್ಯೂಸ್ ನಡೆಸಿದ ಸಮೀಕ್ಷೆಯಲ್ಲಿ ಹಿಲರಿ ಕ್ಲಿಂಟನ್ ಡೊನಾಲ್ಡ್ ಟ್ರಂಪ್ ಅವರಿಗಿಂತ 9 ಅಂಕಗಳಿಂದ ಮುಂದಿದ್ದಾರೆ.
ಕ್ಲಿಂಟನ್ ಅವರಿಗೆ ಮಹಿಳೆಯರ ಮತ ಹೆಚ್ಚು ಬಿದ್ದಿದೆ. ಅವರಿಗೆ ಮಹಿಳೆಯರು ಶೇಕಡಾ 51ರಷ್ಟು ಬೆಂಬಲ ಸೂಚಿಸಿದರೆ ಡೊನಾಲ್ಡ್ ಟ್ರಂಪ್ ಗೆ ಶೇಕಡಾ 35ರಷ್ಟು ಮಹಿಳೆಯರ ಬೆಂಬಲ ಸಿಕ್ಕಿದೆ. ಪುರುಷರ ಮತ ಬೆಂಬಲದಲ್ಲಿ ಕ್ಲಿಂಟನ್ ಗೆ ಶೇಕಡಾ 43ರಷ್ಟು ಮತ್ತು ಟ್ರಂಪ್ ಗೆ ಶೇಕಡಾ 42ರಷ್ಟು ಬೆಂಬಲ ಸಿಕ್ಕಿದೆ.
ಅಮೆರಿಕದ ಪ್ರಮುಖ ರಾಷ್ಟ್ರ ಚುನಾವಣೆಯ ಬಗ್ಗೆ ಗಮನಹರಿಸುವ ರಿಯಲ್ ಕ್ಲಿಯರ್ ಪೊಲಿಟಿಕ್ಸ್ ಪ್ರಕಾರ, ಹಿಲರಿ ಕ್ಲಿಂಟನ್ ಅವರು ಡೊನಾಲ್ಡ್ ಟ್ರಂಪ್ ಅವರಿಗಿಂತ ಸರಾಸರಿ ಶೇಕಡಾ 6.8 ರಷ್ಟು ಮತಗಳ ಬೆಂಬಲದಿಂದ ಮುಂದಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.