ನಕಲಿ ಹೆಸರಿಂದ ವಿಶ್ವವನ್ನೇ ಬೇಸ್ತು ಬೀಳಿಸಿದ ಭೂಪ
ತನ್ನ ವಿಚಿತ್ರ ಹೆಸರಿನ ಕಾರಣಕ್ಕೆ ಎರಡು ದಿನಗಳ ಹಿಂದೆ ಜಗತ್ತಿನಾದ್ಯಂತ ಮಾಧ್ಯಮಗಳಲ್ಲಿ ಸುದ್ದಿಯಾಗಿದ್ದ...
Published On :
ವಿಯೇಟ್ನಾಂ: ತನ್ನ ವಿಚಿತ್ರ ಹೆಸರಿನ ಕಾರಣಕ್ಕೆ ಎರಡು ದಿನಗಳ ಹಿಂದೆ ಜಗತ್ತಿನಾದ್ಯಂತ ಮಾಧ್ಯಮಗಳಲ್ಲಿ ಸುದ್ದಿಯಾಗಿದ್ದ ಫೇಸ್ ಬುಕ್ ಖಾತೆಯೊಂದು ಇದೀಗ ನಕಲಿ ಎಂದು ಸಾಬೀತಾಗಿದೆ.
ಆಸ್ಟ್ರೇಲಿಯದ ಫ್ಯೂ ದಟ್ ಬಿಕ್ ಎಂಬ ಹೆಸರಿನ ವ್ಯಕ್ತಿ ಅದು ತನ್ನ ಅಸಲಿ ನಾಮವೆಂದೂ ಆದರೆ ಅದನ್ನು ಇಂಗ್ಲೀಷ್ ಅಕ್ಷರಗಳಲ್ಲಿ ಬರೆದು ಓದಿಕೊಂಡಾಗ ಅದು ಅಶ್ಲೀಲ ಬಯ್ಗುಳದ ಅರ್ಥ ನೀಡುವುದು ಕೇವಲ ಕಾಕತಾಳೀಯವೆಂದೂ ಗೋಳು ಹೇಳಿಕೊಂಡಿದ್ದ, ಆದರೆ ಇದೀಗ ಅದು ನಕಲಿ ಹೆಸರೆಂದು ಆತನೇ ಖುದ್ದು ಹೇಳಿಕೊಂಡಿದ್ದಾನೆ.
ಆ ಮೂಲಕ ಮಾಧ್ಯಮ ಗಳನ್ನು ಹಾಗೂ ಫೇಸ್‍ಬುಕ್ ವ್ಯವಸ್ಥೆಯನ್ನು ಬೇಸ್ತು ಬೀಳಿಸಿದ್ದಾನೆ. ತನ್ನ ವಿಚಿತ್ರ ಕಾರಣ ದಿಂದಲೇ ಹತ್ತಾರು ಬಾರಿ ಪ್ರಯತ್ನಿಸಿದರೂ ಖಾತೆ ಬ್ಲಾಕ್ ಆಗಿತ್ತೆಂದೂ, ಕೊನೆಗೆ ಪಾಸ್ ಪೋರ್ಟ್ ಪ್ರತಿಯನ್ನು ಸಾಕ್ಷಿ ಯನ್ನಾಗಿ ನೀಡಿ ಖಾತೆಯನ್ನು ಅಧಿಕೃತಗೊಳಿಸಿ ಕೊಂಡೆ ಎಂದು ಕಥೆ ಕಟ್ಟಿದಾತ ಈಗ ಆ ಹೆಸರಿನ ಖಾತೆಯನ್ನು ಶಾಶ್ವತವಾಗಿ ಮುಚ್ಚಿದ್ದಾನೆ.
ತನ್ನ ಅಸಲಿ ನಾಮ ಜೋಯೆಲ್ ಕಾರ್ ಹೆಸರಿನಲ್ಲಿ ಖಾತೆಯನ್ನೂ ತೆರೆದಿದ್ದಾನೆ.
ಫೇಸ್‍ಬುಕ್‍ನ ನೇಮ್ ಪಾಲಿಸಿ ಮತ್ತು ಮಾಧ್ಯಮಗಳ ಸುದ್ದಿದಾರಿದ್ರ್ಯ ಜಾಹೀರು ಮಾಡಲು ಹೀಗೆ ಮಾಡಿದ್ದೆನೆಂದೂ ಹೇಳಿಕೊಂಡಿದ್ದಾನೆ! ಆದರೆ ಈತನ ಈ ಹುಚ್ಚಾಟಕ್ಕೆ ಟೀಕೆಗಳು ವ್ಯಕ್ತವಾಗಿವೆ. ಏತನ್ಮಧ್ಯೆ ಅದೇ ಹೆಸರಿನ ಇನ್ನೆರಡು ಖಾತೆಗಳೂ ಫೇಸ್ ಬುಕ್‍ನಲ್ಲಿ ಚಾಲನೆಗೊಂಡಿವೆ. ಅವುಗಳ ಅಧಿಕೃತತೆ ಇನ್ನಷ್ಟೇ ಸಾಬೀತಾಗಬೇಕಿದೆ ಎಂದು `ದ ಇಂಡಿಪೆಂಡೆಂಟ್' ವರದಿ ಮಾಡಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.