ಫ್ಲಿಪ್ ಕಾರ್ಟ್ ಗೆ ೨೦ ಲಕ್ಷ ರೂ ಮೋಸ ಮಾಡಿದ ಹೈದರಾಬಾದ್ ಯುವಕ

ಇ ಕಾಮರ್ಸ್ ದೈತ್ಯ ಫ್ಲಿಪ್ ಕಾರ್ಟ್ ಸಂಸ್ಥೆಯಿಂದ ಉತ್ಪನ್ನಗಳನ್ನು ಕೊಂಡ ಹೈದರಾಬಾದಿನ ಯುವಕ ಸಂಸ್ಥೆಗೆ ೨೦ ಲಕ್ಷ ರೂ ಮೋಸ ಮಾಡಿದ್ದಾನೆ ಎಂದು ಆರೋಪಿಸಲಾಗಿದೆ.

ಸಂಸ್ಥೆಯಿಂದ ಹಲವಾರು ವಿದ್ಯುನ್ಮಾನ ಉಪಕರಣಗಳನ್ನು ಕೊಳ್ಳುತ್ತಿದ್ದ ವೀರಸ್ವಾಮಿ, ನಂತರ ಅವುಗಳು ಕೆಟ್ಟಿವೆ ಎಂದು ಹಿಂದಿರುಗಿಸುತ್ತಿದ್ದನಂತೆ. ವರದಿಗಳ ಪ್ರಕಾರ, ಕೆಟ್ಟಿವೆ ಎಂದು ಹೇಳು ಹಿಂದಿರುಗಿಸುವಾಗ, ಪ್ಯಾಕಿನಲ್ಲಿ ನಕಲಿ ಉತ್ಪನ್ನಗಳನ್ನು ತುಂಬಿ ಕಳುಹಿಸುತ್ತಿದ್ದನಂತೆ.

ಈ ೩೨ ವರ್ಷದ ಯುವಕ ಉತ್ಪನ್ನಗಳನ್ನು ಕೊಳ್ಳಲು ಹಲವಾರು ನಕಲಿ ಈಮೇಲ್ ಐಡಿಗಳನ್ನು ಬಳಸಿರುವುದಲ್ಲದೆ, ಹಣವನ್ನು ಕೂಡ ಬೇರೆ ಬೇರೆ ಖಾತೆಗಳಿಂದ ತುಂಬಿದ್ದಾನೆ. ಸಂಸ್ಥೆಯ ಪಾಲಿಸಿಯ ಪ್ರಕಾರ ಉತ್ಪನ್ನವನ್ನು ಹಿಂತಿರುಗಿಸಿದ ನಂತರ ಹಣವನ್ನು ಖಾತೆಗೆ ಹಿಂದಿರುಗಿಸಲಾಗುತ್ತದೆ.

ಫ್ಲಿಪ್ ಕಾರ್ಟ್ ನಿಂದ ಸುಮಾರು ೨೦೦ ಉತ್ಪನ್ನಗಳನ್ನು ಕೊಂದು, ಈ ಮಾರ್ಗದಲ್ಲಿ ಸಂಸ್ಥೆಗೆ ಮೋಸ ಮಾಡಿ ಸುಮಾರು ೨೦ ಲಕ್ಷ ನಷ್ಟ ಉಂಟುಮಾಡಿದ್ದಾನೆ ಎಂದು ದೂರಲಾಗಿದೆ.

ಪೊಲೀಸರು ಈ ದೂರಿನ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ.