ಅಂಡರ್ 23 ವಿಶ್ವ ಕುಸ್ತಿ: ಜ್ಯೋತಿ ಸೆಮಿಫೈನಲ್ಸ್ ಗೆ

ನವದೆಹಲಿ: ಹಂಗೇರಿಯ ಬುಡಾಪೆಸ್ಟ್ ನಲ್ಲಿ ನಡೆಯುತ್ತಿರುವ ಅಂಡರ್-23 ವಿಶ್ವ ಕುಸ್ತಿ ಚಾಂಪಿಯನ್ ಶಿಪ್ ನ ಮಹಿಳಾ ವಿಭಾಗದಲ್ಲಿ ಜ್ಯೋತಿ ಅವರು ಬುಧವಾರ ಸೆಮಿಫೈನಲ್ಸ್ ನಲ್ಲಿ ಪ್ರವೇಶ ಪಡೆದಿದ್ದು, ನಾಲ್ಕು ಕುಸ್ತಿ ಪಟುಗಳು ಆರಂಭದಲ್ಲಿ ಸೋಲು ಕಂಡಿದ್ದಾರೆ.

ಜ್ಯೋತಿ ಪ್ರಿ ಕ್ವಾರ್ಟರ್ ಫೈನಲ್ಸ್ ನಲ್ಲಿ ಬೆಲಾರೂಸ್ ನ ತಾಸ್ತಿಯಾನಾ ಯಾಫರೆಮೆನಕಾ ವಿರುದ್ಧ ಭರ್ಜರಿ ಜಯ ಸಾಧಿಸಿದರು. ಎಂಟರ ಘಟ್ಟದ ಪಂದ್ಯದಲ್ಲಿ ಮಾರಿಯಾ ಲಿರ್ಯಾದ ಅವರನ್ನು 12-2 ರಿಂದ ಮಣಿಸಿ ಉಪಾಂತ್ಯ ಪ್ರವೇಶಿಸಿದರು. 

ಸೆಮಿಫೈನಲ್ಸ್ ನಲ್ಲಿ ಜ್ಯೋತಿ ಅವರು ಜಪಾನ್ ನ ಕಿಕಾ ಕಗಾತಾ ಹಾಗೂ ರಷ್ಯಾದ ನಾದೆಜದಾ ಇವರ ಪಂದ್ಯದಲ್ಲಿ ಗೆದ್ದ ಆಟಗಾರ್ತಿಯ ವಿರುದ್ಧ ನಡೆಯಲಿದೆ.

55 ಕೆ.ಜಿ ವಿಭಾಗದಲ್ಲಿ ರಾಣಿ ಅರ್ಹತಾ ಸುತ್ತಿನ ಪಂದ್ಯದಲ್ಲಿ ಅಮೆರಿಕದ ಡಾಮಿನಿಕ್ ಅವರ ವಿರುದ್ಧ ಸೋಲು ಕಂಡರು. 59 ಕೆ.ಜಿ ವಿಭಾಗದಲ್ಲಿ ಪೂಜಾ, 68 ಕೆ.ಜಿ ವಿಭಾಗದಲ್ಲಿ ಸುಮನ್, 76 ಕೆ.ಜಿ ವಿಭಾಗದಲ್ಲಿ ಪೂಜಾ ನಿರಾಸೆ ಕಂಡರು.