ಕಿರಿಯರ ವಿಶ್ವಕಪ್: ಆತಿಥೇಯ ಬಾಂಗ್ಲಾದೇಶ ಶುಭಾರಂಭ

ಚಿತ್ತಗಾಂಗ್: ಬುಧವಾರ ಶುರುವಾದ ಟೂರ್ನಿಯಲ್ಲಿ ಆತಿಥೇಯ ಬಾಂಗ್ಲಾದೇಶ, ಪ್ರವಾಸಿ ದಕ್ಷಿಣ ಆಫ್ರಿಕಾ ತಂಡವನ್ನು 49 ರನ್ ಗಳಿಂದ ಮಣಿಸಿತು.

ಎ ಗುಂಪಿನ ಪಂದ್ಯದಲ್ಲಿ ಗೆಲ್ಲಲು 241 ರನ್ ಗುರಿ ಪಡೆದಿದ್ದ ದಕ್ಷಿಣ ಆಫ್ರಿಕಾ 48.4 ಓವರ್ ಗಳಲ್ಲಿ 197 ರನ್ ಗಳಿಗೆ ಆಲೌಟ್ ಆಯಿತು. ಆರಂಭಿಕ ಲಿಯಾಮ್ ಆಯಿತು. ಆರಂಭಿಕ ಲಿಯಾಮ್ ಸ್ಮಿತ್ ಶತಕದ ಹೊರತಾಗಿ ಮಿಕ್ಕವರು ಸ್ಥಿರ ಪ್ರದರ್ಶನದ ಅಭಾವ ಎದುರಿಸಿದರು. ಇದಕ್ಕೂ ಮುನ್ನ ಬ್ಯಾಟ್ ಮಾಡಿದ ಬಾಂಗ್ಲಾದೇಶ 50 ಓವರ್ ಗಳಲ್ಲಿ 7 ವಿಕೆಟ್ ಗೆ 240 ರನ್ ಮಾಡಿತು. ನಜ್ಮುಲ್ ಹುಸೇನ್ ಅವರ ಅರ್ಧಶತಕದ ಜತೆಗೆ ಮೇಲಿನ ಕ್ರಮಾಂಕದಲ್ಲಿ ಪಿನಾಕ್ ಘೋಷ್ ಮತ್ತು ಜಾಯ್ ರಾಜ್ ಶೇಖ್ 46 ರನ್ ಗಳಿಸಿ ಸ್ಪರ್ಧಾತ್ಮಕ ಮೊತ್ತಕ್ಕೆ ನೆರವಾದರು. ಬಾಂಗ್ಲಾ ಪರ ಅರ್ಧಶತಕ ಬಾರಿಸಿದ ನಜ್ಮುಲ್ ಹುಸೇನ್ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.

ಮೆಹೆದಿ ಹಸನ್ ಮಿರಾಜ್, ಮೊಹಮ್ಮದ್ ಶಫೀಯುದ್ದೀನ್ ತಲಾ 3 ವಿಕೆಟ್ ಪಡೆದರೆ, ಸಯೀದ್ ಸರ್ಕಾರ್ ಹಾಗೂ ಸಾಲೆಹ್ ಅಹಮ್ಮದ್ ತಲಾ 2 ವಿಕೆಟ್ ಪಡೆದು ಹರಿಣಗಳನ್ನು ನಿಯಂತ್ರಿಸಿದರು.