ಅಜರೆಂಕಾ ಮುಡಿಗೆ ಮಿಯಾಮಿ ಓಪನ್ ಗರಿ

ಫ್ಲೋರಿಡಾ: 2 ಬಾರಿ ಗ್ರಾಂಡ್ ಸ್ಲಾಮ್ ವಿಜೇತೆ ವಿಕ್ಟೋರಿಯಾ ಅಜರೆಂಕಾ ಮಿಯಾಮಿ ಓಪನ್ ಪ್ರಶಸ್ತಿಯನ್ನು ತಮ್ಮ ಮುಡಿಗೇರಿಸಿಕೊಂಡಿದ್ದಾರೆ.

ಶನಿವಾರ ಫ್ಲೋರಿಡಾದಲ್ಲಿ ನಡೆದ ಟೂರ್ನಿಯ ಫೈನಲ್ ನಲ್ಲಿ ರಷ್ಯಾದ ಸ್ವೆಟ್ಲಾನಾ ಕುಝೆಂಟ್ಸೋವಾರನ್ನು 6-3, 6-2 ಅಂತರದ ನೇರ ಸೆಟ್ ಗಳಿಂದ ಮಣಿಸಿದ ಅಜರೆಂಕಾ ಮಿಯಾಮಿ ಓಪನ್ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡಿದ್ದಾರೆ. 13ನೇ ಶ್ರೇಯಾಂಕದ ಅಂಜರಂಕಾಗೆ 15ನೇ ಶ್ರೇಯಾಂಕದ ಸ್ವೆಟ್ಲಾನಾ ಕುಝೆಂಟ್ಸೋವಾ ಮೊದಲ ಸೆಟ್ ನಲ್ಲಿ ಪ್ರಭಾವಿಯಾಗಿ ಪರಿಣಮಿಸಿದರೂ, ಬಳಿಕ ಚೇತರಿಸಿಕೊಂಡ ಅಜರೆಂಕಾ ಅವರ ಮೇಲೆ ಸವಾರಿ ಮಾಡಿದರು.

ಆರಂಭದಿಂದಲೂ ಅಕ್ರಮಣಕಾರಿ ಆಟದಲ್ಲಿ ತೊಡಗಿದ ಅಜರೆಂಕಾ ಅಂತಿಮವಾಗಿ ಸ್ವೆಟ್ಲಾನಾ ಕುಝೆಂಟ್ಸೋವಾ ವಿರುದ್ಧ 6-3, 6-2 ಅಂತರದ ಗೆಲುವು ಸಾಧಿಸಿದರು. ಆ ಮೂಲಕ 2016ನೇ ಸಾಲಿನ ಮಿಯಾಮಿ ಓಪನ್ ಟೂರ್ನಿಯ ಪ್ರಶಸ್ತಿಗೆ ಮುತ್ತಿಟ್ಟರು.