ಯುವ ಆಟಗಾರರು ಸ್ಪಿನ್ ದಾಳಿ ಎದುರಿಸಬಲ್ಲರು: ದ್ರಾವಿಡ್

ನವದೆಹಲಿ: ಭಾರತದ ಯುವ ಆಟಗಾರರು ಸ್ಪಿನ್ ಬೌಲರ್‍ಗಳನ್ನು ಎಧುರಿಸಬಲ್ಲ ಸಾಮರ್ಥ್ಯ ಹೊಂದಿದ್ದಾರೆ ಎಂದು ಭಾರತ ಎ ಹಾಗೂ 19 ವರ್ಷದೊಳಗಿನ ತಂಡದ ಕೋಚ್ಆಗಿರುವ ರಾಹುಲ್  ದ್ರಾವಿಡ್ ಅಭಿಪ್ರಾಯಪಟ್ಟಿದ್ದಾರೆ.

ಇತ್ತೀಚೆಗಷ್ಟೇ ಆಸ್ಟ್ರೇಲಿಯಾ ಹಾಗೂ ದಕ್ಷಿಣ ಆಫ್ರಿಕಾ ಎ ವಿರುದ್ಧದ ಸರಣಿಯಲ್ಲಿ ಯುವ ಆಟಗಾರರನ್ನು ಮಾರ್ಗದರ್ಶಿಸಿದ್ದ ರಾಹುಲ್ ದ್ರಾವಿಡ್, ಸ್ಪಿನ್ ಬೌಲಿಂಗ್ ದಾಳಿಯನ್ನು ಸಮರ್ಥವಾಗಿ ಎದುರಿಸಬಲ್ಲ ಆಟಗಾರರು ಯುವ ತಂಡದಲ್ಲಿದ್ದಾರೆ ಎಂದು ತಿಳಿಸಿದ್ದಾರೆ. ಪ್ರಸಕ್ತ ಸರಣಿಯಲ್ಲಿ ನಾವು ಕೆಲ ಬಾರಿ ಹಿನ್ನಡೆ ಅನುಭವಿಸಿದೆವು.  ಸಿಂಗಲ್ ರನ್ ಗಳಿಸಲು ಪರದಾಡಿ  ಸ್ಟ್ರೈಕ್ ರೊಟೇಟ್ ಮಾಡಲು ಸಾಧ್ಯವಾಗಲಿಲ್ಲ. ಆಗ ತಕ್ಷಣವೇ ಎರಡು ಮೂರು ವಿಕೆಟ್ ಕಳೆದುಕೊಂಡಿತ್ತು.

ಅಂದ ಮಾತ್ರಕ್ಕೆ ಭಾರತದ ಆಟಗಾರರು ಸ್ಪಿನ್ ದಾಳಿಯನ್ನು ಎದುರಿಸಲು ಸಮರ್ಥರಲ್ಲ ಎಂದು ಭಾವಿಸಲು ಸಾಧ್ಯವಿಲ್ಲ. ಒತ್ತಡದ ಸಂದರ್ಭದಲ್ಲಿ ಅವರು ಎಡವಿರಬಹುದು. ಅದಾಗ್ಯೂ ಈ  ತಲೆಮಾರಿನ ಆಟಗಾರರು ಸ್ಪಿನ್ ಬೌಲಿಂಗ್‍ಗೆ ದೊಡ್ಡ ಹೊಡೆತಗಳು ಅತ್ಯದ್ಭುತವಾಗಿವೆ ಎಂದರು.