ಅಮಾನತ್ತಿನಲ್ಲಿದ್ದರೂ ಶುಲ್ಕ ಪಾವತಿ!

ನವದೆಹಲಿ: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್)ನಿಂದ ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್‍ಕೆ) ಹಾಗೂ ರಾಜಸ್ಥಾನ ರಾಯಲ್ಸ್ (ಆರ್ ಆರ್) ತಂಡಗಳು, ಮುಂದಿನ ಎರಡು ವರ್ಷಗಳವರೆಗೆ ಅಮಾನತುಗೊಂಡಿದ್ದರೂ, ಆ ಟೂರ್ನಿಗಳಿಗೆ ಸಹಭಾಗಿತ್ವ ಶುಲ್ಕವನ್ನು ನೀಡಬೇಕಿದೆ ಎಂದು ಐಬಿಎನ್ ಲೈವ್ ವರದಿ ಮಾಡಿದೆ.

2016 ಹಾಗೂ 2017ರ ಐಪಿಎಲ್ ಟೂರ್ನಿ ಗಳಿಗೆ ಈ ಎರಡೂ ತಂಡಗಳು ಕ್ರಮವಾಗಿ ರು. 72 ಕೋಟಿ, ರು. 56 ಕೋಟಿ ಕಟ್ಟಬೇಕಿದೆ. 2008ರಲ್ಲಿ ಈ ತಂಡಗಳ ಫ್ರಾಂಚೈಸಿಗಳನ್ನು ಕೊಳ್ಳಲು ಸಂಬಂಧಪಟ್ಟ ಮಾಲೀಕರು ಡಾಲರ್ ಮೊತ್ತದಲ್ಲಿ ನೀಡಿದ ಹಣದ 10ನೇ ಒಂದು ಭಾಗವನ್ನು ಈ ತಂಡಗಳು 2018ರವರೆಗೂ ಸಹಭಾಗಿತ್ವ ಶುಲ್ಕದ ರೂಪದಲ್ಲಿ ಬಿಸಿಸಿಐಗೆ ಕಡ್ಡಾಯವಾಗಿ ಪಾವತಿಸಲೇಬೇಕಿದೆ.