ಡೇವಿಸ್ ಕಪ್ ತಂಡಕ್ಕೆ ಪೇಸ್ ಪುನರಾಗಮನ

ನವದೆಹಲಿ: ಮುಂದಿನ ತಿಂಗಳು ನಡೆಯಲಿರುವ ಡೇವಿಸ್ ಕಪ್ ವಿಶ್ವ ಪ್ಲೇ ಆಫ್ ಪಂದ್ಯಾವಳಿಗಾಗಿ ಭಾರತ ತಂಡವನ್ನು ಪ್ರಕಟಿಸಲಾಗಿದ್ದು, ಹಿರಿಯ ಆಟಗಾರ ಲಿಯಾಂಡರ್ ಪೇಸ್ ತಂಡಕ್ಕೆ ಮರು ಸೇರ್ಪಡೆಗೊಂಡಿದ್ದಾರೆ.

ಜೆಕ್ ಗಣರಾಜ್ಯ ಹಾಗೂ ಭಾರತ ನಡುವಿನ ಈ ಪಂದ್ಯಾವಳಿ ಸೆಪ್ಟಂಬರ್ 18ರಿಂದ 20ರವರೆಗೆ ದೆಹಲಿಯಲ್ಲಿ ನಡೆಯಲಿದೆ. ಇದೇ ವರ್ಷ ಮಾಚ್ರ್ ನಲ್ಲಿ ನಡೆದಿದ್ದ ಡೇವಿಸ್ ಕಪ್ ಟೂರ್ನಿಯಲ್ಲಿ ನ್ಯೂಜಿ ಲೆಂಡ್ ತಂಡದ ವಿರುದ್ಧ ಭಾರತ ತಂಡ 3-2 ಅಂತರದಲ್ಲಿ ಜಯ ಸಾಧಿಸಿತ್ತು.

 ಆ ಟೂರ್ನಿಯಲ್ಲಿ ಪೇಸ್ ಆಡಿರಲಿಲ್ಲ. ಇದೀಗ, ಪುನಃ ಅವರು ಭಾರತ ತಂಡಕ್ಕೆ ವಾಪಸ್ಸಾಗಿರುವುದು ತಂಡದ ಬಲವನ್ನು ಹೆಚ್ಚಿಸಿದೆ. ಇನ್ನುಳಿದಂತೆ ತಂಡದಲ್ಲಿ ಅನುಭವಿ ರೋಹನ್ ಬೋಪಣ್ಣ, ಸೋಮ್ದೇವ್ ದೇವವರ್ಮನ್ ಹಾಗೂ ಯೂಕಿ ಭಾಂಬ್ರಿ ಇದ್ದಾರೆ.

ಸಾಕೇತ್ ಜಾಗಕ್ಕೆ ಪೇಸ್: ಮಾರ್ಚ್‍ನಲ್ಲಿ ನಡೆದಿದ್ದ ಡೇವಿಸ್ ಕಪ್ ಟೂರ್ನಿಯ ಡಬಲ್ಸ್‍ನಲ್ಲಿ ಸೆಣಸಿದ್ದ ಸಾಕೇತ್ ಮೈನೇನಿ ಅವರನ್ನು ಬದಿಗೆ ಸರಿಸಿ ಅವರ ಜಾಗಕ್ಕೆ ಪೇಸ್ ಸೇರ್ಪಡೆಗೊಂಡಿದ್ದಾರೆ. ಆದರೂ, ಸಾಕೇತ್ ಅವರು ಮೀಸಲು ಆಟಗಾರರಾಗಿರುತ್ತಾರೆ. ಅವರೊಂದಿಗೆ ಯುವ ಆಟಗಾರ ರಾಮ್ಕುಮಾರ್ ಸಹ ಮೀಸಲು ಆಟಗಾರ ಆಗಿರಲಿದ್ದಾರೆ.