ಫಿಫಾ ವಿಶ್ವಕಪ್‍ಗೆ ಗಂಗೂಲಿ ರಾಯಭಾರಿ

ನವದೆಹಲಿ: ಮುಂದಿನ ವರ್ಷ ಭಾರತದಲ್ಲಿ ನಡೆಯಲಿರುವ 17 ವರ್ಷದೊಳಗಿನವರ ಫಿಫಾ ಫುಟ್ಬಾಲ್ ವಿಶ್ವಕಪ್ ಪಂದ್ಯಾವಳಿಯ ಪ್ರಚಾರ ರಾಯಭಾರಿಯಾಗಿ ಮಾಜಿ ಕ್ರಿಕೆಟಿಗ ಸೌರವ್ ಗಂಗೂಲಿ ಆಯ್ಕೆಯಾಗಿದ್ದಾರೆ.

ಈ ಪಂದ್ಯಾವಳಿಯ ಅಧಿಕೃತ ಪ್ರಾಯೋಜಕತ್ವದ ಹಕ್ಕುಗಳನ್ನು ಪಡೆದಿರುವ ಕೋಕಾಕೋಲಾ ಕಂಪನಿಯ ಆಸ್ಥೆಯಂತೆ ಗಂಗೂಲಿಯವರನ್ನು ರಾಯಭಾರಿಯಾಗಿ ಆಯ್ಕೆ ಮಾಡಲಾಗಿದೆ. ಕೋಕಾ ಕೋಲಾ ಕಂಪನಿಯು ಗಂಗೂಲಿಯವರನ್ನು ತಮ್ಮ ಉತ್ಲಾದನೆಗಳ ಸಾಮಾಜಿಕ ರಾಯಭಾರಿಯನ್ನಾಗಿ ಮುಂದಿನ ಮೂರು ವರ್ಷಗಳ ಕಾಲಾವಧಿವರೆಗೆ ಆಯ್ಕೆ ಮಾಡಿದೆ.

ಅದರಂತೆ, ಸೌರವ್ ಅವರ ಸೇವೆಯನ್ನು ಫಿಫಾ ವಿಶ್ವಕಪ್‍ಗೂ ಬಳಸಿಕೊಳ್ಳಲಿದೆ ಎಂದು ಎನ್‍ಡಿಟಿವಿ ವರದಿ ಮಾಡಿದೆ. ಫುಟ್ಬಾಲ್ ಕ್ರೀಡೆಯೊಂದಿಗೆ ನಂಟನ್ನೂ ಹೊಂದಿರುವ ಗಂಗೂಲಿ, ಭಾರತದಲ್ಲಿ ನಡೆಯಲಿರುವ ಇಂಡಿಯನ್ ಸೂಪರ್ ಲೀಗ್ (ಐಎಸ್ ಎಲ್)ನ ತಂಡವಾದ ಅಟ್ಲೆಟಿಕೊ ಡಿ ಕೋಲ್ಕತಾ ತಂಡದ ಮಾಲೀಕತ್ವವನ್ನು ಹೊಂದಿದ್ದಾರೆ.