ವಿಶ್ವ ಸೂಪರ್ ಸೀರಿಸ್: ಭಾರತ ಹೋರಾಟ ಅಂತ್ಯ

ದುಬೈ: ಭಾರತದ ಸೈನಾ ನೆಹ್ವಾಲ್ ಬಿಡಬ್ಲೂಎಫ್ ವಿಶ್ವ ಸೂಪರ್ ಸೀರಿಸ್ ಫೈನಲ್ಸ್ ಟೂರ್ನಿಯಿಂದ ಹೊರಬಿದ್ದಿದ್ದಾರೆ. ಈ ಮೂಲಕ, ಭಾರತಕ್ಕೆ ಪದಕದ ಆಶಾಕಿರಣವೊಂದು ಹೊರಬಿದ್ದಿದ್ದಾರೆ.

ಈ ಮೂಲಕ, ಭಾರತಕ್ಕೆ ಪದಕದ ಆಶಾಕಿರಣವೊಂದು ಕಮರಿ ಹೋಗಿದೆ. ಶನಿವಾರ ನಡೆದ ಮಹಿಳೆಯರ ಸಿಂಗಲ್ಸ್‌ನ ಸೆಮಿಫೈನಲ್ ಪಂದ್ಯದಲ್ಲಿ ಅವರು ಚೈನೀಸ್ ತೈಪೇನ ತೈ ತುಂಗ್ಸ್ ವಿರುದ್ಧ 21-11, 13-21, 9-21 ಅಂತರದ ಸೋಲನುಭವಿಸಿದರು.

ಶನಿವಾರ ಇಲ್ಲಿನ ಹಮ್ದನ್ ಸ್ಪೋರ್ಟ್ಸ್ ಕ್ಲಬ್‌ನಲ್ಲಿ ನಡೆದ ಪಂದ್ಯ ತೀವ್ರ ಹಣಾಹಣಿಯಿಂದ ಕೂಡಿತ್ತು. ಮೊದಲ ಗೇಮ್‌ನಲ್ಲಿ ತೀವ್ರ ಪೈಪೋಟಿ ನೀಡಿದ ಸೈನಾ, ವೇಗವಾಗಿ ಅಂಕಗಳನ್ನು ಪೇರಿಸುತ್ತಾ ಸಾಗಿದರು.

ಪಂದ್ಯ ಆರಂಭಗೊಂಡ ಕೆಲವೇ ನಿಮಿಷಗಳಲ್ಲಿ 8-2 ಅಂತರದ ಮುನ್ನಡೆ ಪಡೆದುಕೊಂಡ ಅವರು, ಬ್ರೇಕ್‌ನ ವೇಳೆಗೆ 11-5ರಷ್ಟು ಮುನ್ನಡೆ ಸಾಧಿಸಿದ್ದರು. ನಂತರ, ತಮ್ಮ ಎಂದಿನ ಸ್ಟೈಲಿಶ್ ಆಟ ಆರಂಭಿಸಿದ ಅವರು, ಉತ್ತಮ ಸ್ಮಾಶ್ ಹೊಡೆತಗಳಿಂದ ಐದು ನೇರ ಅಂಕಗಳನ್ನು ಪೇರಿಸಿದ ಅವರು, ಇದೇ ವೇಗದಲ್ಲಿ ಅಂಕಗಳನ್ನು ಪೇರಿಸುತ್ತಾ ಸಾಗಿ ಮೊದಲ ಗೇಮ್ಸ್‌ನಲ್ಲಿ 21-11ರ ಗೆಲುವು ಪಡೆದರು.

ನಂತರ ಪಂದ್ಯದಲ್ಲಿ ಫಿನಿಕ್ಸ್‌ನಂತೆ ಹೋರಾಟ ನಡೆಸಿದ ತ್ಸುಂಗ್ ಅಂತಿಮ ಎರಡು ಗೇಮ್‌ನ್ನು ಕ್ರಮವಾಗಿ 21-13, 21-9 ಅಂಕಗಳಿಂದ ತಮ್ಮದಾಗಿಸಿಕೊಂಡರು.