5ನೇ ಏಕದಿನ ಪಂದ್ಯ: ಇಂಗ್ಲೆಂಡ್ ಗೆಲುವಿಗೆ 227 ರನ್ ಗುರಿ

ಧರ್ಮಶಾಲಾ: ಪ್ರವಾಸಿ ಇಂಗ್ಲೆಂಡ್ ವಿರುದ್ಧ ಧರ್ಮಶಾಲಾದಲ್ಲಿ ನಡೆಯುತ್ತಿರುವ ಐದನೇ ಏಕದಿನ ಕ್ರಿಕೆಟ್ ಪಂದ್ಯದಲ್ಲಿ ಅತಿಥೇಯ ಭಾರತ ತಂಡ 227ರನ್ ಗಳ ಸಾಧಾರಣ ಗುರಿ ನೀಡಿದೆ.

ಟಾಸ್ ಗೆದ್ದ ಇಂಗ್ಲೆಂಡ್ ತಂಡ ಭಾರತ ತಂಡವನ್ನು ಮೊದಲು ಬ್ಯಾಟಿಂಗ್ ನಡೆಸಲು ಆಹ್ವಾನ ನೀಡಿತು. ಬ್ಯಾಟಿಂಗ್ ಗೆ ಇಳಿದ ಭಾರತ ತಂಡದ ಆರಂಭ ಉತ್ತಮಮವಾಗಿರಲಿಲ್ಲ. ಆರಂಭಿಕ ಆಟಗಾರರಾದ ರೋಹಿತ್ ಶರ್ಮಾ 4, ವಿರಾಟ್ ಕೊಹ್ಲಿ 0, ಯುವರಾಜ್ ಸಿಂಗ್ 0ಕ್ಕೆ ಔಟಾದರು. ನಂತರ ಬಂದ ಸುರೇಶ್ ರೈನಾ ಮತ್ತು ಗಂಭೀರ್ ಜೋಡಿ ಇಂಗ್ಲೆಂಡ್ ಬೌಲರ್ ಗಳ ಆರ್ಭಟಕ್ಕೆ ಕೊಂಚ ತಡೆವೊಡ್ಡಿತು. ಈ ಹಂತದಲ್ಲಿ ಬಿರುಸಿನ ಆಟವಾಡಲು ಮುಂದಾದ ಗಂಭೀರ್, ಟ್ರೆಡ್ ವೆಲ್ ಬೌಲಿಂಗ್ ನಲ್ಲಿ ಇಯಾನ್ ಬೆಲ್ ಗೆ ಕ್ಯಾಚ್ ನೀಡಿದರು. ಈ ಹಂತದಲ್ಲಿ ಗಂಭೀರ್ 24 ರನ್ ಗಳಿಸಿದ್ದರು.

ಧೋನಿ ಜೊತೆಗೂಡಿದ ರೈನಾ ಆಕರ್ಷಕ 83 ರನ್ಗಳಿಸಿದರು. ನಾಯಕ ಧೋನಿ 15, ರವೀಂದ್ರ ಜಡೇಜಾ 39, ಆರ್ ಅಶ್ವಿನ್ 19, ಭುವನೇಶ್ವರ್ 31 ರನ್ ಗಳಿಸಿದ್ದರು.

ಬ್ಯಾಟಿಂಗ್ ಆರಂಭಿಸಿರುವ ಇಂಗ್ಲೆಂಡ್ 2 ವಿಕೆಟ್ ಕಳೆದುಕೊಂಡು 107 ರನ್ಗಳಿಸಿದೆ. ಅರ್ಧಶತಕ ಪೂರೈಸಿರುವ ಇಯಾನ್ ಬೆಲ್ ಮತ್ತು 20 ರನ್ ಗಳಿಸಿರುವ ಜೋ ರೂಟ್ ಬ್ಯಾಟಿಂಗ್ ಮುಂದುವರೆಸಿದ್ದಾರೆ.