'ಹಾಕಿಗೆ ಹಿಂದಿನ ವೈಭವ ಬರಲಿದೆ'

ಲಕ್ನೌ: ಐದು ತಂಡಗಳನ್ನೊಳಗೊಂಡ ಎಚ್‌ಐಎಲ್ ಪಂದ್ಯಾವಳಿಯು ಹಾಕಿ ಕ್ರೀಡೆಗೆ ಈ ಹಿಂದಿನ ವೈಭವವನ್ನು ತರಲಿದೆ ಎಂದು ಭಾರತ ಹಾಕಿ ತಂಡದ ನಾಯಕ ಹಾಗೂ ಎಚ್‌ಐಎಲ್‌ನ ಡೆಲ್ಲಿ ತಂಡದ ಮುಂದಾಳತ್ವ ವಹಿಸಿರುವ ಸರ್ದಾರ್ ಸಿಂಗ್ ಅಭಿಪ್ರಾಯ ಪಟ್ಟಿದ್ದಾರೆ. ಈ ಹಿಂದೆ ಪ್ರಿಮಿಯರ್ ಹಾಕಿ ಲೀಗ್ ತಮ್ಮನ್ನು ಸೇರಿದಂತೆ ಹಲವಾರು ಇತರೆ ಆಟಗಾರರಿಗೆ ರಾಷ್ಟ್ರೀಯ ತಂಡದಲ್ಲಿ ಸ್ಥಾನ ಪಡೆಯುವ ಅವಕಾಶ ಕಲ್ಪಿಸಿಕೊಟ್ಟಿದ್ದು, ಇದಕ್ಕೆ ಎಚ್‌ಐಎಲ್ ಹೊಸ ರೂಪ ನೀಡಲಿದೆ ಎಂದು ಸರ್ದಾರ್ ತಿಳಿಸಿದರು. ಈ ಪಂದ್ಯಾವಳಿಯಲ್ಲಿ ಜ್ಯಾಮಿ ಡ್ವೇರ್ ತೈನ್ ಡೆ ನ್ಯೂಜೆರ್ ಅವರಂತಹ ವಿಶ್ವದ ಪ್ರಮುಖ ಆಟಗಾರರು ಭಾಗವಹಿಯುತ್ತಿದ್ದು, ಈ ಪಂದ್ಯಾವಳಿ ವಿಶ್ವದ ಹಾಕಿ ಪಂದ್ಯಾವಳಿಗಳಲ್ಲಿ ಉತ್ತಮ ಪಂದ್ಯಾವಳಿಯಾಗಿದೆ ಎಂದು ಅವರು ತಿಳಿಸಿದರು. ಎಚ್‌ಐಎಲ್‌ನಲ್ಲಿ ಸುಮಾರು 50 ಒಲಿಂಪಿಯನ್ಸ್ ಹಾಗೂ ಎಲ್ಲಾ ಹಿರಿಯ ಆಟಗಾರರು ಭಾಗವಹಿಸುತ್ತಿದ್ದಾರೆ. ಹಾಲೆಂಡ್, ಜರ್ಮನಿ ಮತ್ತು ಆಸ್ಟ್ರೇಲಿಯಾದ ಪ್ರಮುಖ ಆಟಗಾರರು ಈ ಪಂದ್ಯಾವಳಿಯಲ್ಲಿ ಭಾಗವಹಿಸುತ್ತಿದ್ದು, ಇಂತಹ ಆಟಗಾರರ ಜತೆ ಆ ಡುವ ಅವಕಾಶ ಸಿಗುವುದು ಕೇವಲ ದೊಡ್ಡ ಪಂದ್ಯಾವಳಿಗಳಲ್ಲಿ ಮಾತ್ರ. ಈ ಅವಕಾಶಗಳಿಂದ ನಮ್ಮ ಆಟಗಾರರಿಗೆ ಕಲಿಯಲು ಹೆಚ್ಚಿನ ಅವಕಾಶ ಸಿಗಲಿದೆ ಎಂದು ಸರ್ದಾರ್ ಅಭಿಪ್ರಾಯ ಪಟ್ಟರು.