60 ಸೆಕೆಂಡುಗಳಲ್ಲಿ 426 ಪಂಚು ಕೊಟ್ಟು ಗಿನ್ನೆಸ್ ವಿಶ್ವ ದಾಖಲೆ ಸೃಷ್ಟಿಸಿದ ಭಾರತದ ಪಂಚ್ ವೀರ

ಕೊಚ್ಚಿ: ಬಾಕ್ಸಿಂಗ್ ಕ್ರೀಡೆಯಲ್ಲಿ ಪಂಚ್ ಕೊಡುವುದನ್ನು ನೀವು ನೋಡಿರಬಹುದು. ಇನ್ನು ಕೆಲ ಸನ್ನಿವೇಶಗಳಲ್ಲಿ ಹಾದಿ ಬೀದಿಗಳಲ್ಲಿ ಗುದ್ದಾಡಿಕೊಳ್ಳುವುದನ್ನೂ ನೋಡಿರಬಹುದು. ಅವರು ಯಾರೂ ಕೇರಳದ ಕೋಝಿಕ್ಕೋಡ್ ನಗರದ ರಫಾನ್ ಉಮ್ಮರ್ ಗೆ ಸರಿಸಮಾನರಾಗರು. 

ಇದನ್ನೂ ಓದಿ: ಡಯೆಟ್, ಸೆಕ್ಸ್, ಕೊಕೇನ್: ಪ್ರಖ್ಯಾತ ಇನ್ನರ್ ವೇರ್ ಸಂಸ್ಥೆಯ ಸೂಪರ್ ಮಾಡೆಲ್ ಬಿಚ್ಚಿಟ್ಟ ರಹಸ್ಯ

26ರ ಹರೆಯದ ರಫಾನ್ 60 ಸೆಕೆಂಡುಗಳಲ್ಲಿ 426 ಪಂಚುಗಳನ್ನು ನೀಡುವ ಮೂಲಕ ಗಿನ್ನೆಸ್ ವಿಶ್ವ ದಾಖಲೆ ಸೃಷ್ಟಿಸಿದ್ದಾರೆ. ಈ ದಾಖಲೆ ಈ ಹಿಂದೆ ಸ್ಲೊವಾಕಿಯಾ ದೇಶದ ಕಿಕ್ ಬಾಕ್ಸರ್ ಮತ್ತು ಕರಾಟೆ ಪಟು ಪಾವೆಲ್ ಎನ್ನುವವರ ಹೆಸರಲ್ಲಿತ್ತು. ಇದೀಗ ಆ ದಾಖಲೆಯನ್ನು ಭಾರತದ ರಫಾನ್ ಮುರಿದಿದ್ದಾರೆ.

ಇದನ್ನೂ ಓದಿ:  ಜಿಂಕೆಗಳಿಗಾಗಿ 45 ಎಕರೆ ಭೂಮಿ ಮೀಸಲಿಟ್ಟ ರೈತ: ಕಳೆದ 20 ವರ್ಷಗಳಲ್ಲಿ ಜಿಂಕೆಗಳ ಸಂಖ್ಯೆ ಮೂರು ಪಟ್ಟು ಹೆಚ್ಚಳ

ರಫಾನ್ ಗೆ ತಾನು ಈ ಪರಿಯಾಗಿ ಪಂಚ್ ನೀಡುವುದಾಗಿ ಗೊತ್ತಿರಲಿಲ್ಲವಂತೆ. ಅವರ ಈ ಕೌಶಲವನ್ನು ಮೊದಲು ಗುರುತಿಸಿದ್ದು ಅವರ ಸ್ನೇಹಿತರು. ನಂತರ ಪರೀಕ್ಷೆ ಮಾಡುವ ಸಲುವಾಗಿ 15 ಸೆಕೆಂಡುಗಳ ವಿಡಿಯೋವನ್ನು ಸ್ನೇಹಿತರು ಮಾಡಿದ್ದರು. ಅದರಲ್ಲಿ 15 ಸೆಕೆಂಡುಗಳಲ್ಲಿ 100 ಪಂಚುಗಳನ್ನು ರಫಾನ್ ನೀಡಿದ್ದರು. ಈ ಸಾಧನೆಗಾಗಿ ಯಾವುದೇ ವಿಶೇಷ ತರಬೇತಿಯನ್ನು ರಫಾನ್ ಪಡೆದಿಲ್ಲ ಎನ್ನುವುದು ವಿಶೇಷ.