ಕೊರೊನಾ ಮಣಿಸಿದ 116 ವರ್ಷದ ಮುದುಕಿ: ಮೂರು ವಾರ ಐಸಿಯುನಲ್ಲಿ ಹೋರಾಟ!

ಅಂಕಾರ: ಅಚ್ಚರಿಯ ಘಟನೆಯೊಂದರಲ್ಲಿ 116 ವರ್ಷದ ವೃದ್ಧ ಮಹಿಳೆಯೋರ್ವಳು ಕೊರೊನಾದಿಂದ ಗುಣಮುಖರಾಗಿರುವ ಸ್ಪೂರ್ತಿದಾಯಕ ಘಟನೆ ಟರ್ಕಿ ದೇಶದಲ್ಲಿ ನಡೆದಿದೆ. ಆಕೆಯನ್ನು ಸದ್ಯ ಐಸಿಯುನಿಂದ  ನಾರ್ಮಲ್ ವಾರ್ಡಿಗೆ ಸ್ಥಳಾತರಿಸಲಾಗಿದ್ದು, ಆಕೆಯ ಜೊತೆ ಮಗ ಇದ್ದಾನೆ. 

ಇದನ್ನೂ ಓದಿ: ಮೂಗಿನಿಂದ ಟೈಪಿಂಗ್ ಮಾಡಿ 9 ಗಿನ್ನೆಸ್ ದಾಖಲೆ ನಿರ್ಮಿಸಿದ ಜೆಎನ್ಯು ಕಂಪ್ಯೂಟರ್ ಆಪರೇಟರ್ ವಿನೋದ್​ ಕುಮಾರ್​ ಚೌಧರಿ!

ಆಯ್ಸೆ ಕರಾಟೆ ಎಂಬ ಹೆಸರಿನ ವೃದ್ಧ ಮಹಿಳೆ ನಿಜಕ್ಕೂ ಕೊರೊನಾ ಜೊತೆ ಕರಾಟೆ ಮಾಡಿ ಜೀವ ಉಳಿಸಿಕೊಂಡಿರುವ ಕಥೆ ಹಲವರಿಗೆ ಸ್ಫೂರ್ತಿ. ಕೊರೊನಾ ಸೋಂಕಿಗೆ ತುತ್ತಾಗಿ ಭಯದಿಂದ ಆತ್ಮಹತ್ಯೆಗೆ ಶರಣಾಗುತ್ತಿರುವ ಮಂದಿಗೆ ಈ ವೃದ್ಧ ಮಹಿಳೆಯ ಜೀವನ ಪ್ರೇರಣೆಯಾಗಬಲ್ಲುದು.

ಈ ಹಿಂದೆ 117 ವರ್ಷದ ಫ್ರೆಂಚ್ ಕ್ರೈಸ್ತ ಸನ್ಯಾಸಿನಿ ಆಂಡ್ರೆ ಎಂಬುವವರು ಕೊರೊನಾದಿಂದ ಗುಣಮುಖರಾಗಿದ್ದು ದೊಡ್ಡ ಸುದ್ದಿಯಾಗಿತ್ತು. ಕೊರೊನಾದಿಂದ ಗುಣಮುಖರಾದ ವಿಶ್ವದ ಅತಿ ಹಿರಿಯ ಮಹಿಳೆ ಎನ್ನುವ ಕೀರ್ತಿಗೆ ಅವರು ಪಾತ್ರರಾಗಿದ್ದರು.

ಇದನ್ನೂ ಓದಿ: ಕೈಯಿಂದ 84 ಟೈಲ್ಸ್ ಮುರಿದ ಹೈದ್ರಾಬಾದ್ ಬಾಲೆ; ಗಿನ್ನಿಸ್ ವಿಶ್ವ ದಾಖಲೆ ಸೃಷ್ಟಿ!

ಇದೀಗ ಕೊರೊನಾದಿಂದ ಗುಣಮುಖರಾದ ವಿಶ್ವದ 2ನೇ ಹಿರಿಯ ಮಹಿಳೆ ಎನ್ನುವ ಕೀರ್ತಿಗೆ ಆಯ್ಸೆ ಕರಾಟೆ ಪಾತ್ರರಾಗಿದ್ದಾರೆ.