ಆಪಲ್, ಸ್ಯಾಮ್ ಸಂಗ್ ಸಂಸ್ಥೆಗಳಿಗೆ ಮಿಲಿಯನ್ ಗಟ್ಟಲೆ ದಂಡ!

ರೋಮ್: ಮೊಬೈಲ್ ಗಳಲ್ಲಿ ಸಾಫ್ಟ್ ವೇರ್ ಅಪ್ಡೇಟ್ ಮಾಡಲು ಪ್ರೇರೇಪಿಸಿ ಮೊಬೈಲ್ ನಿಧಾನಗೊಳಿಸುತ್ತಿದ್ದ ಆಪಲ್, ಸ್ಯಾಮ್ ಸಂಗ್ ಸಂಸ್ಥೆಗಳಿಗೆ ಇಟಾಲಿಯ ಸಂಸ್ಥೆಯೊಂದು ಮಿಲಿಯನ್ ಗಟ್ಟಲೆ ದಂಡ ವಿಧಿಸಿದೆ. 

ಎರಡೂ ಸಂಸ್ಥೆಗಳೂ ಅಪ್ರಾಮಾಣಿಕ ವಾಣಿಜ್ಯ ಆಚರಣೆಗಳಲ್ಲಿ ತೊಡಗಿವೆ ಎಂದು ಇಟಾಲಿಯ ಎಜಿಸಿಎಂ ಆರೋಪಿಸಿದ್ದು, ಆಪಲ್ ಹಾಗೂ ಸ್ಯಾಮ್ ಸಂಗ್ ಸಂಸ್ಥೆಗಳಿಗೆ ಅನುಕ್ರಮವಾಗಿ 10 ಮಿಲಿಯನ್ ಹಾಗೂ 5 ಮಿಲಿಯನ್ ಯುರೋಗಳ ದಂಡವನ್ನು ವಿಧಿಸಿದೆ.  ಆಪಲ್ ಹಾಗೂ ಸ್ಯಾಮ್ ಸಂಗ್ ಸಂಸ್ಥೆಗಳು ಗ್ರಾಹಕರಿಗೆ ಪದೇ ಪದೇ ಸಾಫ್ಟ್ ವೇರ್ ಅಪ್ ಡೇಟ್ ಮಾಡುವುದಕ್ಕೆ ಪ್ರೇರೇಪಿಸುತ್ತಿತ್ತು. ಇದರಿಂದಾಗಿ ಫೋನ್ ಚಟುವಟಿಕೆ ನಿಧಾನವಾಗಿ ಮೊಬೈಲ್ ಬದಲಾವಣೆ ಮಾಡುವ ಅನಿವಾರ್ಯತೆ ಸೃಷ್ಟಿಸುತ್ತಿತ್ತು. ಈ ಹಿನ್ನೆಲೆಯಲ್ಲಿ ದಂಡ ವಿಧಿಸಲಾಗಿದೆ.