ಹೆಚ್ಚಿನ ಪರೀಕ್ಷೆಗೆ ಜಿಸ್ಯಾಟ್-11 ಉಪಗ್ರಹವನ್ನು ಹಿಂಪಡೆದ ಇಸ್ರೊ

ಚೆನ್ನೈ: ಭಾರತೀಯ ಬಾಹ್ಯಾಕಾಶ ಸಂಸ್ಥೆ(ಇಸ್ರೊ) ಫ್ರೆಂಚ್ ಗಯಾನಾದಲ್ಲಿನ ಕೋರೌದಲ್ಲಿನ ಏರಿಯನ್ ಸ್ಪೇಸ್ ನ ರಾಕೆಟ್ ಬಂದರಿನಿಂದ ಸಂವಹನ ಉಪಗ್ರಹ ಜಿಸ್ಯಾಟ್ -11ನ್ನು ಹಿಂಪಡೆದಿದೆ.

ಬೆಂಗಳೂರಿನಲ್ಲಿರುವ ಇಸ್ರೊ ಕೇಂದ್ರದಲ್ಲಿ ಜಿಸ್ಯಾಟ್-11 ಉಪಗ್ರಹದ ಹೆಚ್ಚುವರಿ ತಾಂತ್ರಿಕ ತಪಾಸಣೆಯಿಂದಾಗಿ ಆರಂಭದಲ್ಲಿ ಮೇ 25ರಂದು ಏರಿಯನ್ 5ನ್ನು ಉಡಾಯಿಸಲು ಯೋಜಿಸಲಾಗಿತ್ತು. ನಂತರ ವಿಎ243ಯ ಉಡಾವಣೆಯನ್ನು ಮುಂದೂಡಲಾಗಿದೆ ಎಂದು ಏರಿಯನ್ ಸ್ಪೇಸ್ ತಿಳಿಸಿದೆ.

ಜಿಸ್ಯಾಟ್-11ನ್ನು ಆರಂಭದಲ್ಲಿ ಮೇ ಮಧ್ಯಭಾಗದಲ್ಲಿ ಉಡಾಯಿಸಲು ಯೋಜಿಸಲಾಗಿತ್ತು. ಉಪಗ್ರಹ ಮಾರ್ಚ್ ತಿಂಗಳಲ್ಲಿ ಏರಿಯನ್ ಸ್ಪೇಸ್ ನ ರಾಕೆಟ್ ಬಂದರನ್ನು ಸೇರಿತ್ತು.
ಜಿಸ್ಯಾಟ್ -11ನ್ನು ಇಸ್ರೋ ಕೇಂದ್ರ ವಿನ್ಯಾಸಗೊಳಿಸಿ ಜೋಡಿಸಿ ಸಂಯೋಜಿಸಿದ್ದು ಇದರ ಭಾರ ಅಂದಾಜು ಸುಮಾರು 5,870 ಕೆಜಿ ತೂಕವಿದೆ.

ಈ ಪ್ರಮುಖ ಸಂವಹನ ಉಪಗ್ರಹವು ಭಾರತದ ಪ್ರಧಾನ ಭೂಭಾಗ ಮತ್ತು ಸಮೀಪದಲ್ಲಿರುವ ದ್ವೀಪಗಳ ಮೇಲೆ ಬಹು-ಕ್ರೀಡಾ ಕಿರಣಗಳ ಪ್ರಸಾರವನ್ನು ಒದಗಿಸುವುದು, ಈಗಿರುವ ಇನ್ಸ್ಯಾಟ್/ ಜಿಸ್ಯಾಟ್ ಉಪಗ್ರಹ ವ್ಯವಸ್ಥೆಗಳೊಂದಿಗೆ ಹೋಲಿಸಿದರೆ ಗಮನಾರ್ಹ ಪ್ರಯೋಜನಗಳನ್ನು ತರುತ್ತದೆ ಎಂದು ಏರಿಯಾನ್ಸ್ಪೇಸ್ ಹೇಳಿಕೆಯಲ್ಲಿ ತಿಳಿಸಿದೆ.

ಹೊಸ ವಿನ್ಯಾಸ ವ್ಯವಸ್ಥೆ ಮತ್ತು ಅತ್ಯಾಧುನಿಕ ತಂತ್ರಜ್ಞಾನದ ಅಂಶಗಳೊಂದಿಗೆ ಜಿಎಸ್ಎಟಿ -11 ಒಂದೇ ವೇದಿಕೆಯಡಿ ಬಳಕೆದಾರರಿಗೆ 12 ಜಿಬಿಪಿಎಸ್ ಸಾಮರ್ಥ್ಯವನ್ನು ಉತ್ಪಾದಿಸುತ್ತದೆ.

ಹೆಚ್ಚಿನ ತಂತ್ರಜ್ಞಾನ ತಪಾಸಣೆಗೆ 5.8 ಟನ್ ತೂಕದ ಜಿಸ್ಯಾಟ್-11ನ್ನು ಏಕೆ ಹಿಂಪಡೆದಿದೆ ಎಂಬುದಕ್ಕೆ ಪ್ರಮುಖ ಕಾರಣಗಳು ತಿಳಿದುಬಂದಿಲ್ಲ.