ಎಂಟು ವಲಯಗಳಲ್ಲಿ ಏರ್ ಸೆಲ್ 4ಜಿ ಸ್ಪೆಕ್ಟ್ರಮ್ ಖರೀದಿಸಿದ ಏರ್ ಟೆಲ್

ನವದೆಹಲಿ: ದೇಶದ ಎಂಟು ಟೆಲಿಕಾಂ ವಲಯಗಳಲ್ಲಿ ಏರ್ ಸೆಲ್ ನ 4ಜಿ ಸ್ಪೆಕ್ಟ್ರಮ್ ಹಕ್ಕುಗಳನ್ನು ಪಡೆದುಕೊಳ್ಳಲು ಭಾರ್ತಿ ಏರ್ ಟೆಲ್ 3 ಸಾವಿರದ 500 ಕೋಟಿ ರೂಪಾಯಿಗಳನ್ನು ಪಾವತಿಸಲಿದೆ.

ಮೊಬೈಲ್ ಸೇವೆಗಳನ್ನು ಅತ್ಯಂತ ವೇಗವಾಗಿ ಒದಗಿಸಲು ಇದರಿಂದ ಅನುಕೂಲವಾಗಲಿದೆ.
ಭಾರ್ತಿ ಏರ್ ಟೆಲ್ ಮತ್ತು ಅದರ ಅಂಗಸಂಸ್ಥೆಯಾದ ಭಾರ್ತಿ ಹೆಕ್ಸಕಾಮ್ ಲಿಮಿಟೆಡ್ ಏರೆಸೆಲ್ ಲಿಮಿಟೆಡ್ ಮತ್ತು ಅದರ ಅಂಗಸಂಸ್ಥೆಯಾದ ಡಿಶ್ ನೆಟ್ ವೈರ್ ಲೆಸ್ ಲಿಮಿಟೆಡ್ ಮತ್ತು ಏರ್ ಸೆಲ್ ಸೆಲ್ಯುಲಾರ್ ಲಿಮಿಟೆಡ್ ಜೊತೆಗೆ ಮುಖ್ಯ ಒಪ್ಪಂದಕ್ಕೆ ಸಹಿ ಹಾಕಿವೆ.
ತಮಿಳುನಾಡು, ಬಿಹಾರ, ಜಮ್ಮು ಮತ್ತು ಕಾಶ್ಮೀರ, ಪಶ್ಚಿಮ ಬಂಗಾಳ, ಅಸ್ಸಾಂ, ಈಶಾನ್ಯ, ಆಂಧ್ರ ಪ್ರದೇಶ ಮತ್ತು ಒರಿಸ್ಸಾಗಳೇ ಆ ಎಂಟು ವಲಯಗಳು.

ಈ ಮೂಲಕ ಇನ್ನು ಭಾರ್ತಿ ಏರ್ ಟೆಲ್ ತನ್ನ ಗ್ರಾಹಕರಿಗೆ 4ಜಿ ಸೇವೆ ಒದಗಿಸಲು ಸಾಧ್ಯವಾಗುತ್ತದೆ.