ಹೋಂಗಾಗಿ ಪೈಪೋಟಿ

ಈ ಜಗಳ ವಾಸಿಸುವ ಹೋಂ (ಮನೆ)ಗಾಗಿ ಅಲ್ಲ. ಮೊಬೈಲ್‌ನ ಹೋಂಗಾಗಿ!
ಎಲ್ಲ ಮೊಬೈಲ್‌ನಲ್ಲೂ ಹೋಂ ಸ್ಕ್ರೀನ್ ಇದ್ದೇ ಇರುತ್ತದೆ. ಆದರೆ ಫೇಸ್‌ಬುಕ್ ಸಂಸ್ಥೆ ಹೊಸದಾಗಿ ಫೇಸ್‌ಬುಕ್ ಹೋಂ ಎಂಬ ಅಪ್ಲಿಕೇಶನ್ ಒಂದನ್ನು ಬಿಡುಗಡೆ ಮಾಡಿದೆ. ಇದು ನಿಮ್ಮ ಮೊಬೈಲ್‌ನ ಹೋಂ ಸ್ಕ್ರೀನನ್ನು ನಿಯಂತ್ರಿಸಬಲ್ಲದು. ನಿಮಗೆ ಬೇಕಾದಂತೆ ಬದಲಾಯಿಸಬಲ್ಲದು.
ಕೆಲವು ಸಾಮಾಜಿಕ ತಾಣಗಳ ಗೊಂಚಲಿನಂತಿರುವ ಹೋಂ ಅಪ್ಲಿಕೇಶನ್, ಆ ಸಾಮಾಜಿಕ ತಾಣಗಳ ಮಾಹಿತಿಗಳನ್ನು ನಿಮ್ಮ ಹೋಂ ಸ್ಕ್ರೀನ್‌ನಲ್ಲಿ ತೋರಿಸುತ್ತದೆ. ಫೇಸ್‌ಬುಕ್ ಚಾಟ್ ಅಥವಾ ಫೋಟೋಗಳನ್ನು ಈ ಅಪ್ಲಿಕೇಶನ್ ಮೂಲಕ ನಿಮ್ಮ ಮೊಬೈಲ್ ಹೋಂ ಸ್ಕ್ರೀನ್‌ಗೆ ಸುಲಭವಾಗಿ ಅಳವಡಿಸಿಕೊಳ್ಳಬಹುದು. ಇದು ಮೊಬೈಲ್‌ನಲ್ಲಿರುವ ಸಾಫ್ಟ್‌ವೇರ್‌ನ ಹೋಂ ಸ್ಕ್ರೀನ್ ಬದಲಿಗೆ ಬೇರೊಂದು ಹೋಂ ಸ್ಕ್ರೀನ್ ಅಳವಡಿಸಲು ಅವಕಾಶ ನೀಡುತ್ತದೆ. ಸಾಮಾಜಿಕ ತಾಣಗಳ ಫೀಡ್‌ಗಳೇ ನಿಮ್ಮ ಹೋಂ ಸ್ಕ್ರೀನ್ ಆಗಿ ಪರಿವರ್ತನೆಯಾಗಬಲ್ಲದು.
ಇದು ಮೊಬೈಲ್ ಆಪರೇಟಿಂಗ್ ಸಿಸ್ಟಂ ಮತ್ತು ಹೋಂ ಅಪ್ಲಿಕೇಶನ್ ನಡುವೆ ಮೊಬೈಲ್ ಹೋಂ ಸ್ಕ್ರೀನ್‌ಗಾಗಿ ಪೈಪೋಟಿ ಹುಟ್ಟುಹಾಕಿದೆ.