ಛತ್ತೀಸ್‌ಗಢ: ಖೈರಾಗಢದಲ್ಲಿ ಸಿಎಎಫ್ ಯೋಧನಿಂದ ಸಹೋದ್ಯೋಗಿಗೆ ಗುಂಡಿಕ್ಕಿ ಹತ್ಯೆ

ರಾಯ್‌ಪುರ: ರಾಯ್‌ಪುರದಿಂದ ಪಶ್ಚಿಮಕ್ಕೆ ಸುಮಾರು 130 ಕಿ.ಮೀ ದೂರದಲ್ಲಿರುವ ಖೈರಾಗಢ ಜಿಲ್ಲೆಯ ಬ್ಯಾರಕ್ ಶಿಬಿರದೊಳಗೆ ಛತ್ತೀಸ್‌ಗಢ ಸಶಸ್ತ್ರ ಪಡೆ(ಸಿಎಎಫ್) ಕಾನ್‌ಸ್ಟೆಬಲ್ ಒಬ್ಬರು ಭಾನುವಾರ ಮಧ್ಯರಾತ್ರಿ ತನ್ನ ಸಹೋದ್ಯೋಗಿಯನ್ನು ಗುಂಡಿಕ್ಕಿ ಹತ್ಯೆ ಮಾಡಿದ್ದಾರೆ.

ಘಾಗ್ರಾ ಬೇಸ್ ಕ್ಯಾಂಪ್‌ನಲ್ಲಿರುವ 17 ಸಿಎಎಫ್ ಬೆಟಾಲಿಯನ್‌ನಲ್ಲಿ ಆರೋಪಿ ಜವಾನ್ ಮತ್ತು ಆತನ ಸಹೋದ್ಯೋಗಿ ನಡುವಿನ ವಾಗ್ವಾದದ ನಂತರ ಈ ಗುಂಡಿನ ದಾಳಿ ನಡೆದಿದೆ.

“ಆರೋಪಿ ಕಾನ್‌ಸ್ಟೆಬಲ್ ಅರವಿಂದ್ ಗೌತಮ್ ಮತ್ತು ಮೃತ ಮೆಸ್ ಕಮಾಂಡರ್ ಸೋನ್‌ಬೀರ್ ಜಾತ್ ನಡುವೆ ತಡರಾತ್ರಿ ಯಾವುದೋ ವಿಷಯದ ಕುರಿತು ಇಬ್ಬರ ನಡುವೆ ಜಗಳವಾಗಿದೆ.

"ನಂತರ, ಅರವಿಂದ್ ಗೌತಮ್ ಮಧ್ಯರಾತ್ರಿಯ ಸುಮಾರಿಗೆ ತಾನು ಗಸ್ತು ಕರ್ತವ್ಯದಲ್ಲಿದ್ದಾಗ, ಜಾಟ್ ಬ್ಯಾರಕ್ ಒಳಗೆ ಮಲಗಿದ್ದ ಸಹೋದ್ಯೋಗಿ ಸೋನ್‌ಬೀರ್ ಜಾತ್ ಅವರ ಮೇಲೆ ತಮ್ಮ ಐಎನ್‌ಎಸ್‌ಎಎಸ್ ರೈಫಲ್‌ನಿಂದ ಗುಂಡಿಕ್ಕಿ ಹತ್ಯೆ ಮಾಡಿದ್ದಾರೆ. ಸೋನ್‌ಬೀರ್ ಜಾತ್ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ ಎಂದು ಉಪ-ವಿಭಾಗೀಯ ಪೊಲೀಸ್ ಅಧಿಕಾರಿ ಖೈರಾಗಢ ಮಮತಾ ಅಲಿ ಶರ್ಮಾ ಟಿಎನ್‌ಐಇಗೆ ತಿಳಿಸಿದ್ದಾರೆ.

ಈ ಘಟನೆಯು ಬ್ಯಾರಕ್ ಒಳಗೆ ಭೀತಿ ಮತ್ತು ಆಘಾತವನ್ನು ಸೃಷ್ಟಿಸಿತು.

ಆರೋಪಿ ಸಿಎಎಫ್ ಕಾನ್‌ಸ್ಟೆಬಲ್‌ನನ್ನು ವಶಕ್ಕೆ ಪಡೆಯಲಾಗಿದೆ ಮತ್ತು ವಿಚಾರಣೆ ನಡೆಸಲಾಗುತ್ತಿದೆ. ಗೌತಮ್ ಮತ್ತು ಜಾಟ್ ಇಬ್ಬರೂ ಉತ್ತರ ಪ್ರದೇಶದ ನಿವಾಸಿಗಳು ಎಂದು ಶರ್ಮಾ ಹೇಳಿದ್ದಾರೆ.