ಬೆಂಗಳೂರಿನಲ್ಲಿ 1,106 ಕಾಲೇಜುಗಳು: ದೇಶದಲ್ಲೇ ಅತಿ ಹೆಚ್ಚು!

ಬೆಂಗಳೂರು: ಉನ್ನತ ಶಿಕ್ಷಣಕ್ಕೆ ಸಂಬಂಧಿಸಿದಂತೆ ಸಮೀಕ್ಷೆಯೊಂದು ಬಿಡುಗಡೆಯಾಗಿದ್ದು ಬೆಂಗಳೂರು ನಗರದ ಅತಿ ಹೆಚ್ಚು ಕಾಲೇಜುಗಳ ಸಾಂದ್ರತೆ ಹೊಂದಿರುವುದು ವರದಿಯಾಗಿದೆ.
 
ಉನ್ನತ ಶಿಕ್ಷಣದ ಕುರಿತು ಅಖಿಲ ಭಾರತ ಸಮೀಕ್ಷೆ (AISHE) ಪ್ರಕಟ ಮಾಡಿರುವ ಅಂಕಿ-ಅಂಶಗಳ ಪ್ರಕಾರ, ನಗರದಲ್ಲಿ 1,106 ಕಾಲೇಜುಗಳಿವೆ. ಈ ನಂತರದ ಸ್ಥಾನದಲ್ಲಿ 703 ಕಾಲೇಜುಗಳೊಂದಿಗೆ ಜೈಪುರ ಇದೆ. 3 ನೇ ಸ್ಥಾನದಲ್ಲಿ 419 ಕಾಲೇಜುಗಳಿರುವ ಹೈದರಾಬಾದ್ ಇದ್ದು, 475 ಕಾಲೇಜುಗಳಿರುವ ಪುಣೆ 4 ನೇ ಸ್ಥಾನದಲ್ಲಿದೆ. ಉತ್ತರ ಪ್ರದೇಶದ ಪ್ರಯಾಗ್ ರಾಜ್ ನಲ್ಲಿ 398 ಕಾಲೇಜುಗಳಿವೆ ಎಂದು ಎಐಎಸ್ ಹೆಚ್ಇ ಹೇಳಿದೆ. 

18-23 ನೇ ವಯಸ್ಸಿನ ಪ್ರತಿ ಲಕ್ಷದ ಜನಸಂಖ್ಯೆಗೆ ಅತಿ ಹೆಚ್ಚು ಸಾಂದ್ರತೆಯನ್ನು ಕರ್ನಾಟಕ ಹೊಂದಿದ್ದು ಅಗ್ರಸ್ಥಾನದಲ್ಲಿದೆ. 

"ಕರ್ನಾಟಕ (66), ತೆಲಂಗಾಣ (52), ಆಂಧ್ರಪ್ರದೇಶ (49), ಹಿಮಾಚಲ ಪ್ರದೇಶ (47), ಪುದುಚೇರಿ (53) ಮತ್ತು ಕೇರಳ (46) ಪ್ರತಿ ಲಕ್ಷ ಜನಸಂಖ್ಯೆಗೆ ಹೆಚ್ಚಿನ ಸಂಖ್ಯೆಯ ಕಾಲೇಜುಗಳನ್ನು ಹೊಂದಿರುವ ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳಾಗಿವೆ. ವರದಿ ಹೇಳಿದೆ. ಒಟ್ಟಾರೆಯಾಗಿ, ಕರ್ನಾಟಕ 4,430 ಕಾಲೇಜುಗಳನ್ನು ಹೊಂದಿದ್ದು, ಉತ್ತರ ಪ್ರದೇಶ ಮತ್ತು ಮಹಾರಾಷ್ಟ್ರದ ನಂತರ ಮೂರನೇ ಸ್ಥಾನವನ್ನು ಪಡೆದುಕೊಂಡಿದೆ. ಆದರೆ, ಕರ್ನಾಟಕದಲ್ಲಿ ಕೇವಲ 704 ಸರ್ಕಾರಿ ಕಾಲೇಜುಗಳಿವೆ.

ಇದನ್ನೂ ಓದಿ: ಬೆಂಗಳೂರು: ವಿಶ್ವವಿದ್ಯಾಲಯ ಸ್ಥಾನಮಾನ ಪಡೆಯಲು ಮೌಂಟ್ ಕಾರ್ಮೆಲ್ ಮುಂದು; ಕೋ-ಎಡ್ ಪದ್ಧತಿ ಅಳವಡಿಕೆಗೆ ನಿರ್ಧಾರ

ಕುತೂಹಲಕಾರಿಯಾಗಿ, ಒಬಿಸಿ ವರ್ಗದ ಶಿಕ್ಷಕರ ಸಂಖ್ಯೆಗೆ ಸಂಬಂಧಿಸಿದಂತೆ ರಾಜ್ಯದ ದಾಖಲೆ ಗಮನಾರ್ಹವಾಗಿದ್ದು 56,472 ವ್ಯಕ್ತಿಗಳೊಂದಿಗೆ ಎರಡನೇ ಸ್ಥಾನವನ್ನು ಪಡೆದುಕೊಂಡಿದೆ. ತಮಿಳುನಾಡಿನಲ್ಲಿ ಆ ವರ್ಗದಿಂದ 1,47,003 ಶಿಕ್ಷಕರಿದ್ದಾರೆ.

ಹೆಚ್ಚಿನ ಕಾಲೇಜು ಸಾಂದ್ರತೆಯನ್ನು ಹೊಂದಿದ್ದರೂ, ಕರ್ನಾಟಕದಲ್ಲಿ ಪುರುಷ-ಮಹಿಳೆಯರ ವಿದ್ಯಾರ್ಥಿಗಳ ದಾಖಲಾತಿ ಅನುಪಾತ ಕಡಿಮೆಯಾಗಿದೆ. ಟಾಪ್ 10 ರಾಜ್ಯಗಳ ಪೈಕಿ ಕರ್ನಾಟಕ 12,58,004 ಪುರುಷರು ಮತ್ತು 11,78,536 ವಿದ್ಯಾರ್ಥಿಗಳೊಂದಿಗೆ ಎಂಟನೇ ಸ್ಥಾನದಲ್ಲಿದೆ. ಉತ್ತರ ಪ್ರದೇಶ, ಮಹಾರಾಷ್ಟ್ರ ಮತ್ತು ತಮಿಳುನಾಡು ಉತ್ತಮ ಸ್ಥಾನದಲ್ಲಿವೆ.

ಕಳೆದ ಐದು ವರ್ಷಗಳಲ್ಲಿ ಸ್ನಾತಕೋತ್ತರ (ಪಿಜಿ), ಸ್ನಾತಕೋತ್ತರ, ಪಿಎಚ್‌ಡಿ ಮತ್ತು ಡಿಪ್ಲೊಮಾ ಕೋರ್ಸ್‌ಗಳಂತಹ ವಿವಿಧ ಹಂತಗಳಲ್ಲಿ ಅಂದಾಜು ವಿದ್ಯಾರ್ಥಿಗಳ ದಾಖಲಾತಿ 2020-21 ಶೈಕ್ಷಣಿಕ ವರ್ಷಕ್ಕೆ ಹೋಲಿಸಿದರೆ ಇಳಿಮುಖವಾಗಿದೆ. ಆದಾಗ್ಯೂ, ಇತರ ವಿಭಾಗಗಳ ಕಾರಣದಿಂದಾಗಿ, ರಾಜ್ಯದ ಒಟ್ಟು ದಾಖಲಾತಿ ಹಿಂದಿನ ವರ್ಷದಲ್ಲಿ 23.4% ರಿಂದ 25.8% ಕ್ಕೆ ಏರಿದೆ.

ದೇಶದ ಒಟ್ಟು ಶಿಕ್ಷಕರಲ್ಲಿ ಕರ್ನಾಟಕ ಶೇ.9.4ರಷ್ಟು ಶಿಕ್ಷಕರನ್ನು ಹೊಂದಿದೆ. ಮುಸ್ಲಿಂ ಸಮುದಾಯದ ಒಟ್ಟು ಶಿಕ್ಷಕರಲ್ಲಿ ಕರ್ನಾಟಕ 10.4% ರಷ್ಟನ್ನು ಹೊಂದಿದೆ. ದಾಖಲಾತಿಗೆ ಸಂಬಂಧಿಸಿದಂತೆ ಮೊದಲ 6 ರಾಜ್ಯಗಳ ಪೈಕಿ ತಮಿಳುನಾಡು ಮತ್ತು ಕರ್ನಾಟಕ ವಿಶ್ವವಿದ್ಯಾನಿಲಯಗಳು ಮತ್ತು ಕಾಲೇಜುಗಳು ಸೇರಿದಂತೆ ಎಲ್ಲಾ ಸಂಸ್ಥೆಗಳಲ್ಲಿ ತಲಾ 14 ಮತ್ತು 15 ರ ಅತ್ಯುತ್ತಮ ಶಿಷ್ಯ-ಶಿಕ್ಷಕರ ಅನುಪಾತವನ್ನು (ಪಿಟಿಆರ್) ಹೊಂದಿವೆ ಎಂದು ಸಮೀಕ್ಷೆ ಹೇಳಿದೆ.