ಅಶ್ಲೀಲ ಕೃತ್ಯ, ಅರೆನಗ್ನ ಉಡುಪು ಆಯ್ತು; ಇದೀಗ ಮೆಟ್ರೋದಲ್ಲಿ ಹೊಡೆದಾಡಿಕೊಂಡ ಪ್ರಯಾಣಿಕರು, ವೀಡಿಯೊ ವೈರಲ್!

ನವದೆಹಲಿ: ಅಸಭ್ಯ, ಅಶ್ಲೀಲ ವೈರಲ್ ವಿಡಿಯೊಗಳಿಂದಾಗಿ ದೆಹಲಿ ಮೆಟ್ರೋ ಕೆಲವು ತಿಂಗಳುಗಳಿಂದ ಚಾಲ್ತಿಯಲ್ಲಿದೆ. ಹಾಗಾಗ್ಗೆ ದೆಹಲಿ ಮೆಟ್ರೋಗೆ ಸಂಬಂಧಿಸಿದ ಹೊಸ ವೀಡಿಯೊಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತವೆ. ಮೆಟ್ರೋದಲ್ಲಿ ಕೆಲವೊಮ್ಮೆ ಅಶ್ಲೀಲ ಕೃತ್ಯಗಳು ಮತ್ತು ಕೆಲವೊಮ್ಮೆ ನೃತ್ಯದ ವೀಡಿಯೊಗಳು ವೈರಲ್ ಆಗಿವೆ.

ಇದರ ನಡುವೆ ಇದೀಗ ಇಬ್ಬರು ಪ್ರಯಾಣಿಕರು ಹೊಡೆದಾಡಿಕೊಂಡಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ವೈರಲ್ ಆಗುತ್ತಿರುವ ವೀಡಿಯೊದಲ್ಲಿ, ಇಬ್ಬರು ಪ್ರಯಾಣಿಕರು ಮೆಟ್ರೋದೊಳಗೆ ತೀವ್ರವಾಗಿ ಹೊಡೆದಾಡಿಕೊಂಡಿರುವುದನ್ನು ಕಾಣಬಹುದು. ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿರುವ ವಿಡಿಯೋ ದೆಹಲಿ ಮೆಟ್ರೋದ ವೈಲೆಟ್ ಲೈನ್ ಬಗ್ಗೆ ಹೇಳಲಾಗುತ್ತಿದೆ.

ಇದನ್ನೂ ಓದಿ: ಜೋಡಿಯ ಲಿಪ್‌ಲಾಕ್‌ ವಿಡಿಯೋ ವೈರಲ್; ಅಶ್ಲೀಲವಾಗಿ ವರ್ತಿಸದಂತೆ ದೆಹಲಿ ಮೆಟ್ರೋ ಮನವಿ

ರಾಜಾ ನಹರ್ ಸಿಂಗ್ ಮತ್ತು ಕಾಶ್ಮೀರ್ ಗೇಟ್ ವರೆಗಿನ ನೇರಳೆ ಮಾರ್ಗದ ದೆಹಲಿ ಮೆಟ್ರೋದಲ್ಲಿ ಇಬ್ಬರು ಯುವಕರು ಇದ್ದಕ್ಕಿದ್ದಂತೆ ಪರಸ್ಪರ ಘರ್ಷಣೆ ನಡೆಸಿದರು ಎಂದು ಹೇಳಲಾಗುತ್ತಿದೆ. ಈ ವೇಳೆ ಇಬ್ಬರ ನಡುವೆ ತೀವ್ರ ಮಾತಿನ ಚಕಮಕಿ ನಡೆದಿದೆ. ವ್ಯಕ್ತಿಯೊಬ್ಬ ಮತ್ತೊಬ್ಬನ ಬ್ಯಾಗ್‌ನಿಂದ ಏನನ್ನೋ ಕದಿಯುತ್ತಿದ್ದ ಎಂದು ವಿಡಿಯೋ ವೈರಲ್ ಆಗಿದೆ. ಆದರೆ, ಮೆಟ್ರೋದಲ್ಲಿದ್ದ ಕೆಲವರು ಇಬ್ಬರ ನಡುವಿನ ಜಗಳವನ್ನು ಸಮಾಧಾನ ಪಡಿಸಲು ಯತ್ನಿಸಿದ್ದು ಕಂಡುಬಂತು.

ದೆಹಲಿ ಮೆಟ್ರೋದಲ್ಲಿ ಇಬ್ಬರು ವ್ಯಕ್ತಿಗಳು ಜಗಳವಾಡುತ್ತಿರುವ ವಿಡಿಯೋ ವೈರಲ್ ಆದ ನಂತರ DMRC ಪ್ರತಿಕ್ರಿಯಿಸಿದೆ. ಟ್ವಿಟರ್‌ನಲ್ಲಿ ಬಳಕೆದಾರರಿಗೆ ಪ್ರತಿಕ್ರಿಯಿಸಿದ ಡಿಎಂಆರ್‌ಸಿ, ಅನಾನುಕೂಲತೆಗಾಗಿ ವಿಷಾದಿಸುತ್ತೇವೆ ಎಂದು ಹೇಳಿದೆ. ಹೆಚ್ಚಿನ ವಿಚಾರಣೆಗಾಗಿ ದಯವಿಟ್ಟು ಪ್ರಯಾಣದ ನಿಖರವಾದ ಸಮಯ ಮತ್ತು ದಿನಾಂಕವನ್ನು ಒದಗಿಸಿ ಎಂದು DMRC ಹೇಳಿದೆ. ಅಂತಹ ಯಾವುದೇ ದೂರಿಗೆ ತಕ್ಷಣವೇ DMRC ಸಹಾಯವಾಣಿ ಸಂಖ್ಯೆ 155370/155655 ಅನ್ನು ಸಂಪರ್ಕಿಸಿ ಎಂದು ತಿಳಿಸಿದೆ.