ಛತ್ತೀಸ್ ಗಢ: ಕೊಡಲಿಯಿಂದ ಹೊಡೆದು ಒಂದೇ ಕುಟುಂಬದ ನಾಲ್ವರ ಬರ್ಬರ ಹತ್ಯೆ!

ದುರ್ಗ್: ಆತಂಕಕಾರಿ ಘಟನೆಯೊಂದರಲ್ಲಿ ಛತ್ತೀಸ್ ಗಢದ ದುರ್ಗ್ ಜಿಲ್ಲೆಯಲ್ಲಿ ಒಂದೇ ಕುಟುಂಬದ ನಾಲ್ವರನ್ನು ಬರ್ಬರವಾಗಿ ಹತ್ಯೆ ಮಾಡಲಾಗಿದೆ. ಪತಿ, ಪತ್ನಿ ಹಾಗೂ ಇಬ್ಬರು ಮಕ್ಕಳನ್ನು ಕೊಡಲಿಯಿಂದ ಹೊಡೆದು ಹತ್ಯೆ ಮಾಡಲಾಗಿದೆ.

ಸುದ್ದಿ ತಿಳಿಯುತ್ತಿದ್ದಂತೆಯೇ  ಅಶ್ವದಳದೊಂದಿಗೆ  ಸ್ಥಳಕ್ಕೆ ಧಾವಿಸಿದ ಪೊಲೀಸರು ತನಿಖೆ ಆರಂಭಿಸಿದ್ದಾರೆ. ಹತ್ಯೆ ಮಾಡಲು ಬಳಸಲಾದ ಕೊಡಲಿಯನ್ನು ವಶಕ್ಕೆ ಪಡೆದ್ದು, ಮೃತನ ಸಹೋದರ ಮೇಲೆ ಅನುಮಾನ ವ್ಯಕ್ತವಾಗಿರುವುದಾಗಿ ಪೊಲೀಸರು ಹೇಳಿದ್ದಾರೆ.

ಮೃತರನ್ನು ಬೋಲನಾಥ ಯಾದವ್ (34) ಪತ್ನಿ ನೈಲಾ ಯಾದವ್ (30) ಪುತ್ರ ಪರ್ಮೋದಾ ಯಾದವ್ (8) ಹಾಗೂ ಪುತ್ರಿ ಮುಕ್ತ ಯಾದವ್ (13) ಎಂದು ಗುರುತಿಸಲಾಗಿದೆ. ಓಡಿಶಾ ಮೂಲದ ಮೃತರು ದುರ್ಗ್ ಜಿಲ್ಲೆಯ ಕುಮ್ಹಾರಿ ಗ್ರಾಮದ ಬಾಡಿಗೆ ಮನೆಯೊಂದರಲ್ಲಿ ವಾಸಿಸುತ್ತಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.

ಕೊಡಲಿಯಿಂದ ಹೊಡೆದು ಪತಿ, ಪತ್ನಿ ಹಾಗೂ ಇಬ್ಬರು ಮಕ್ಕಳನ್ನು ಬರ್ಬರವಾಗಿ ಹತ್ಯೆ ಮಾಡಲಾಗಿದ್ದು, ಮೃತನ ಸಹೋದರ ಮೇಲೆ ಅನುಮಾನವಿದೆ. ಮೃತರ ದೇಹದ ಮೇಲೆ ಗಾಯದ ಗುರುತಿದೆ. ಭೂ ವಿವಾದ ಸಂಬಂಧ ಈ ಹತ್ಯೆ ನಡೆದಿರಬಹುದು. ಫಿಂಂಗರ್ ಫ್ರಿಂಟ್ಸ್ ತೆಗೆದುಕೊಳ್ಳಲಾಗಿದೆ ಎಂದು ಎಸ್ ಪಿ ಅಭಿಷೇಕ್ ಪಲ್ಲವ ಹೇಳಿದ್ದಾರೆ.