ಬೈಕ್ ಗೆ ಬೆಂಕಿ, ಗಮನಿಸದೆ ವೇಗವಾಗಿ ಚಲಿಸುತ್ತಿದ್ದ ದಂಪತಿಯ ಚೇಸ್ ಮಾಡಿ ರಕ್ಷಿಸಿದ ಪೊಲೀಸರು, ವಿಡಿಯೋ ವೈರಲ್!
ಬೈಕಿಗೆ ಬೆಂಕಿ ಹೊತ್ತಿರುವುದನ್ನೂ ಗಮನಿಸದೇ ವೇಗವಾಗಿ ಚಲಿಸುತ್ತಿದ್ದ ದಂಪತಿಯನ್ನು ಹಿಂಬಾಲಿಸಿದ ಪೊಲೀಸರು ಅವರನ್ನು ಹರಸಾಹಸ ಪಟ್ಟು ರಕ್ಷಿಸಿದ್ದಾರೆ. ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ವೈರಲ್ ಆಗುತ್ತಿದೆ.
Published On :
ಲಖನೌ: ಬೈಕಿಗೆ ಬೆಂಕಿ ಹೊತ್ತಿರುವುದನ್ನೂ ಗಮನಿಸದೇ ವೇಗವಾಗಿ ಚಲಿಸುತ್ತಿದ್ದ ದಂಪತಿಯನ್ನು ಹಿಂಬಾಲಿಸಿದ ಪೊಲೀಸರು ಅವರನ್ನು ಹರಸಾಹಸ ಪಟ್ಟು ರಕ್ಷಿಸಿದ್ದಾರೆ. ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ವೈರಲ್ ಆಗುತ್ತಿದೆ.
ಇದೇ ಏಪ್ರಿಲ್ 14ರಂದು ಈ ಘಟನೆ ನಡೆದಿದ್ದು, ಉತ್ತರ ಪ್ರದೇಶದ ಇಟಾವಾ ಜಿಲ್ಲೆಯ ಹೊರವಲಯದ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಈ ಘಟನೆ ನಡೆದಿದ್ದು, ಪೊಲೀಸರು ಹೆದ್ದಾರಿಯಲ್ಲಿ ಕರ್ತವ್ಯನಿರತರಾಗಿದ್ದ ಸಂದರ್ಭದಲ್ಲಿ ಅಪಾಚೆ ಬೈಕ್ ಒಂದು ವೇಗವಾಗಿ ಅವರ ಮುಂದೆ ಹೋಗಿದೆ. ಈ ವೇಳೆ ಬೈಕ್ ಗಮನಿಸಿದ ಪೊಲೀಸರಿದೆ ಬೈಕ್ ಹಿಂದೆ ಬೆಂಕಿ ಹೊತ್ತಿರುವುದು ತಿಳಿದಿದೆ.
ಕೂಡಲೇ ಕ್ಷಣಮಾತ್ರವೂ ತಡಮಾಡದ ಪೊಲೀಸರು ಬೈಕ್ ನ ಬೆನ್ನು ಬಿದ್ದಿದ್ದಾರೆ. ಸುಮಾರು 4 ಕಿ.ಮೀ ವರೆಗೂ ಬೈಕ್ ಅನ್ನು ಹಿಂಬಾಲಿಸಿದ್ದಾರೆ. ಬೈಕ್ ಸವಾರ ತುಂಬಾ ವೇಗವಾಗಿ ಬೈಕ್ ಚಲಾಯಿಸುತ್ತಿದ್ದ. ಹೀಗಾಗಿ ಪೊಲೀಸರು ಕೂಡ ಆ ಬೈಕ್ ಹಿಡಿಯಲು ಪ್ರತೀ ಗಂಟೆಗೆ 108ರಿಂದ 112 ಕಿಮೀ ವೇಗದಲ್ಲಿ ತಮ್ಮ ಗಾಡಿಯನ್ನು ಚಲಾಯಿಸಿ ಕೊನೆಗೂ ಬೈಕ್ ಸವಾರನನ್ನು ಹಿಡಿಯುವಲ್ಲಿ ಯಶಸ್ವಿಯಾಗಿದ್ದಾರೆ.
ಬೈಕ್ ಸಮೀಪ ಬರುತ್ತಿದ್ದಂತೆಯೇ ಕೂಗಿದ ಪೊಲೀಸರು ಬೈಕ್ ಗೆ ಬೆಂಕಿ ಹೊತ್ತಿರುವುದನ್ನು ಬೈಕ್ ಚಾಲಕರ ಗಮನಕ್ಕೆ ತಂದಿದ್ದು, ಆತ ಕೂಡಲೇ ಬೈಕ್ ನಿಲ್ಲಿಸಿದ್ದಾನೆ. ಬಳಿಕ ಪೊಲೀಸರೇ ಅವರನ್ನು ಇಳಿಸಿ ಬೆಂಕಿಯನ್ನು ನಂದಿಸಿದ್ದಾರೆ. ಅದೃಷ್ಟವಶಾತ್ ಘಟನೆಯಲ್ಲಿ ಯಾರಿಗೂ ತೊಂದರೆಯಾಗಿಲ್ಲ. ಅಲ್ಲದೆ ಬೈಕ್ ನಲ್ಲಿ ದಂಪತಿ ಮಾತ್ರವಲ್ಲದೇ ಸುಮಾರು 7 ವರ್ಷದ ಪುಟ್ಟ ಮಗು ಕೂಡ ಜೊತೆಯಲ್ಲಿತ್ತು. ಮಗುವಿಗೂ ಯಾವುದೇ ರೀತಿಯ ಅಪಾಯವಾಗಿಲ್ಲ.
ಈ ರೋಚಕ ವಿಡಿಯೋವನ್ನು ಯುಪಿ ಪೊಲೀಸರು ತಮ್ಮ ಟ್ವಿಟರ್ ಖಾತೆ (@UP100)ಯಲ್ಲಿ ಅಪ್ಲೋಡ್ ಮಾಡಿದ್ದು, ಪೊಲೀಸರ ಸಾಹಸಕ್ಕೆ ಎಲ್ಲಡೆ ವ್ಯಾಪಕ ಶ್ಲಾಘನೆ ವ್ಯಕ್ತವಾಗುತ್ತಿದೆ. ಅಲ್ಲದೆ ಈ ವಿಡಿಯೋ ವ್ಯಾಪಕ ವೈರಲ್ ಆಗುತ್ತಿದ್ದು, ಈ ವಿಡಿಯೋವನ್ನು 20 ಸಾವಿರಕ್ಕೂ ಅಧಿಕ ಮಂದಿ ಲೈಕ್ ಮಾಡಿದ್ದು, 6 ಸಾವಿರಕ್ಕೂ ಅಧಿಕ ಮಂದಿ ರಿಟ್ವೀಟ್ ಮಾಡಿದ್ದಾರೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Policeಪೊಲೀಸ್Uttar pradeshಉತ್ತರ ಪ್ರದೇಶಲಖನೌLucknowViral Videoವೈರಲ್ ವಿಡಿಯೋBurning Bikeಬೆಂಕಿ ಹೊತ್ತಿದ್ದ ಬೈಕ್
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.