ಅಲಹಾಬಾದ್ : ಕುಂಭ ಮೇಳಕ್ಕಾಗಿ 1 ಲಕ್ಷದ 22 ಸಾವಿರ ಶೌಚಗೃಹಗಳ ನಿರ್ಮಾಣ- ಯೋಗಿ ಆದಿತ್ಯನಾಥ್

ಅಲಹಾಬಾದ್ :  ಮುಂದಿನ ವರ್ಷ ನಡೆಯಲಿರುವ ಗಂಗಾ- ಯುಮುನಾ ನದಿಯ ಪವಿತ್ರ ಸಂಗಮ ಸ್ಥಳದಲ್ಲಿ ನಡೆಯಲಿರುವ  ಮಹಾ ಕುಂಭ ಮೇಳದ ಸಿದ್ದತಾ ಕಾರ್ಯಗಳು ಭರದಿಂದ ಸಾಗಿದೆ ಎಂದು ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ತಿಳಿಸಿದ್ದಾರೆ.

ಮಹಾಕುಂಭ ಸಿದ್ದತೆ ಕುರಿತಂತೆ ಸುದ್ದಿಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ಯೋಗಿ ಆದಿತ್ಯನಾಥ್, ದೇಶದ 6  ಲಕ್ಷ ಹಳ್ಳಿಗಳು ಕೊಡುಗೆ ನೀಡುತ್ತಿದ್ದು, ವಿಶ್ವದ ಎಲ್ಲಾ ರಾಷ್ಟ್ರಗಳ  ರಾಯಬಾರಿಗಳು  ಪಾಲ್ಗೊಳ್ಳುತ್ತಿದ್ದಾರೆ. ಕೇಂದ್ರಸರ್ಕಾರದಿಂದ   ಅಗತ್ಯ ಅನುದಾನ ಪಡೆಯಲಾಗುತ್ತಿದೆ  ಎಂದು ಯೋಗಿ ಆದಿತ್ಯನಾಥ್ ಹೇಳಿದರು.

ಜನರ ಅನುಕೂಲಕ್ಕಾಗಿ  ಹಾಲಿನಿ ಮಳಿಗೆ, ನೀರು, ಎಟಿಎಂ, ಹ್ಯಾಂಡ್ ಪಂಪ್ಸ್,  ಬ್ಯಾಂಕುಗಳ, ಹಾಗೂ ಮೊಬೈಲ್ ಟವರ್ ಗಳನ್ನು ಅಳವಡಿಸಲಾಗುತ್ತಿದೆ. ಡಿಸೆಂಬರ್ 15 ರೊಳಗೆ ಗಂಗಾ ನದಿಯನ್ನು ಸ್ವಚ್ಛಗೊಳಿಸಲಾಗುವುದು ಡಿಸೆಂಬರ್ 30 ರೊಳಗೆ ಎಲ್ಲಾ ಸಿದ್ದತಾ ಕಾರ್ಯಗಳನ್ನು ಪೂರ್ಣಗೊಳಿಸಲಾಗುವುದು  ಸ್ಚಚ್ಛತೆ  ಕಾಪಾಡುವ ನಿಟ್ಟಿನಲ್ಲಿ ಸುಮಾರು 1, 22, 000 ಶೌಚ ಗೃಹಗಳನ್ನು ನಿರ್ಮಾಣ ಮಾಡುತ್ತಿರುವುದಾಗಿ  ತಿಳಿಸಿದರು.

ಕುಂಭ ಮೇಳದ ಹಿನ್ನೆಲೆಯಲ್ಲಿ ಅಲಹಾಬಾದ್ ಜಿಲ್ಲೆಗೆ  ಪ್ರಯಾಗ್ ರಾಜ್ ಎಂದು ಮರು ನಾಮಕರಣ ಮಾಡುವ ಪ್ರಸ್ತಾವಕ್ಕೆ ರಾಜ್ಯಪಾಲ ರಾಮ್ ನಾಯಕ್ ಕೂಡಾ ಅನುಮೋದನೆ ನೀಡಿದ್ದು, ಶೀಘ್ರದಲ್ಲಿಯೇ ಹೆಸರು ಬದಲಾಯಿಸುವುದಾಗಿ ಹೇಳಿದರು.

ಮೂಲಗಳ  ಪ್ರಕಾರ ಮುಂದಿನ ಸಚಿವ ಸಂಪುಟ ಸಭೆಯಲ್ಲಿ ಹೆಸರು ಬದಲಾಯಿಸುವ ಪ್ರಸ್ತಾವಕ್ಕೆ ಅನುಮೋದನೆ ದೊರೆಯುವ ಸಾಧ್ಯತೆ ಇದೆ.