ಕೆನಡಾ ಪ್ರಧಾನಿ ಪತ್ನಿಯೊಂದಿಗೆ ಖಲಿಸ್ತಾನ್ ಉಗ್ರ: ಫೋಟೋ ವೈರಲ್

ಕೆನಡಾ ಪ್ರಧಾನಮಂತ್ರಿ ಜಸ್ಟಿನ್ ಟ್ರುಡೋ ಅವರ ಯಾವುದೇ ಕಾರ್ಯಕ್ರಮಕ್ಕೂ ಖಾಲಿಸ್ತಾನ್ ಉಗ್ರನಿಗೆ ಆಹ್ವಾನ ನೀಡಿರಲಿಲ್ಲ ಎಂದು ಕೆನಡಾ ಪ್ರಧಾನಮಂತ್ರಿ ಕಚೇರಿ ಸ್ಪಷ್ಟನೆ ನೀಡಿದೆ. 

ಖಾಲಿಸ್ತಾನ್ ಉಗ್ರ ಜಸ್ಪಾಲ್ ಅತ್ವಾಲ್ ನನ್ನು ಯಾವುದೇ ಕಾರ್ಯಕ್ರಮಕ್ಕೂ ಆಹ್ವಾನ ನೀಡಿರಲಿಲ್ಲ. ಜಸ್ಪಾಲ್ ಗೆ ನೀಡಲಾಗಿದೆ ಎನ್ನಲಾಗಿರುವ ಆಹ್ವಾನವನ್ನೂ ರದ್ದುಪಡಿಸಲಾಗಿದೆ. ಈ ರೀತಿಯ ಅಚಾತುರ್ಯಗಳು ಹೇಗೆ ನಡೆಯಿತು ಎಂಬುದನ್ನು ನಾವೀಗ ಪರಿಶೀಲನೆ ನಡೆಸುತ್ತಿದ್ದಾರೆ. ಭಾರತ ಪ್ರವಾಸದಲ್ಲಿರುವ ಕೆನಡಾ ಪ್ರಧಾನಿಗಳ ಯಾವುದೇ ಕಾರ್ಯಕ್ರಮಕ್ಕೂ ಉಗ್ರನಿಗೆ ಆಹ್ವಾನ ನೀಡಿಲ್ಲ. ಅಂತರಾಷ್ಟ್ರ ಪ್ರವಾಸದ ಸಂದರ್ಭದಲ್ಲಿ ಕೆಲ ವ್ಯಕ್ತಿಗಳು ತಾವಾಗಿಯೇ ಕಾರ್ಯಕ್ರಮಗಳಲ್ಲಿ ಭಾಗವಹಿಸುತ್ತಿರುತ್ತಾರೆಂದು ಹೇಳಿಕೆಯಲ್ಲಿ ಕೆನಡಾ ಪ್ರಧಾನಮಂತ್ರಿಗಳ ಕಚೇರಿ ತಿಳಿಸಿದೆ.