30 ನ್ಯಾನೊ ಉಪಗ್ರಹಗಳೊಂದಿಗೆ ಕಾರ್ಟೊಸಾಟ್ -2 ಉಡಾವಣೆಗೆ ಕ್ಷಣಗಣನೆ ಆರಂಭ
30 ಸಹ ಪ್ರಯಾಣಿಕ ಉಪಗ್ರಹಗಳೊಂದಿಗೆ ಪೋಲಾರ್ ಉಪಗ್ರಹ ಉಡಾವಣಾ ವಾಹನ ಬಳಸಿಕೊಂಡು ಭೂಮಿಯ...
Published On :
ನವದೆಹಲಿ: 30 ಸಹ ಪ್ರಯಾಣಿಕ ಉಪಗ್ರಹಗಳೊಂದಿಗೆ ಪೋಲಾರ್ ಉಪಗ್ರಹ ಉಡಾವಣಾ ವಾಹನ ಬಳಸಿಕೊಂಡು ಭೂಮಿಯ ವೀಕ್ಷಣೆ ಉಪಗ್ರಹ ಕಾರ್ಟೊಸಾಟ್ -2 ಸರಣಿ ಉಪಗ್ರಹಗಳ ಉಡಾವಣೆ ಕಾರ್ಯ ನಾಳೆ ಶ್ರೀಹರಿಕೋಟಾದಿಂದ ನಡೆಯಲಿದ್ದು ಅದಕ್ಕಾಗಿ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ಕ್ಷಣಗಣನೆ ಆರಂಭಿಸಿದೆ.
ಇಸ್ರೊ ಮೂಲಗಳ ಪ್ರಕಾರ, ಪಿಎಸ್ಎಲ್ ವಿ ರಾಕೆಟ್ ಗಳ ಎಕ್ಸ್ಎಲ್, 712 ಕೆಜಿ ತೂಕದ ಕಾರ್ಟೊಸ್ಯಾಟ್-2 ಸರಣಿ ಉಪಗ್ರಹಗಳನ್ನು ಮತ್ತು 30 ಸಹ ಪ್ರಯಾಣಿಕ ಸ್ಯಾಟಲೈಟ್ ಗಳನ್ನು ಒಟ್ಟಾಗಿ ಸುಮಾರು 243 ಕೆಜಿ ತೂಕದ ಉಪಗ್ರಹವನ್ನು ಹೊತ್ತೊಯ್ಯಲಿದೆ. ನಾಳೆ ಬೆಳಗ್ಗೆ 9.29ರ ಸುಮಾರಿಗೆ ಆಂಧ್ರ ಪ್ರದೇಶದ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದ ಶ್ರೀ ಹರಿಕೋಟಾದಿಂದ ಉಡಾವಣೆಗೊಳ್ಳಲಿದೆ.
31 ಉಪಗ್ರಹಗಳು (29 ವಿದೇಶಿ ಮತ್ತು ಒಂದು ಭಾರತೀಯ) ಸ್ಯಾಟಲೈಟ್ ಗಳು ನಾಳೆ ಉಡಾವಣೆಗೊಳ್ಳಲಿವೆ. ಅವುಗಳಲ್ಲಿ 30 ಉಪಗ್ರಹಗಳು ಒಟ್ಟಾಗಿ 243 ಕೆಜಿ ತೂಕವನ್ನು ಹೊಂದಿದ್ದರೆ, ಕಾರ್ಟೊಸ್ಯಾಟ್ ಸೇರಿದಂತೆ 31 ಉಪಗ್ರಹಗಳ ತೂಕ ಸುಮಾರು 955 ಕೆಜಿ ಇರಲಿದೆ.ರಾಕೆಟ್ 505 ಕಿಲೋ ಮೀಟರ್ ಧ್ರುವ ಸೂರ್ಯ ಸಿಂಕ್ರೊನಸ್ ಕಕ್ಷೆ (ಎಸ್ಎಸ್ಒ)ಗೆ ಉಪಗ್ರಹಗಳನ್ನು ಜೋಡಿಸಲಿದೆ.
ಸಹ ಪ್ರಯಾಣಿಕ ಸ್ಯಾಟಲೈಟ್ ಗಳೆಂದರೆ 29 ನ್ಯಾನೊ ಸ್ಯಾಟಲೈಟ್ ಗಳು ಸೇರಿವೆ. 14 ದೇಶಗಳಾದ ಆಸ್ಟ್ರಿಯಾ, ಬೆಲ್ಜಿಯಂ, ಬ್ರಿಟನ್, ಚಿಲೆ, ಝೆಕ್ ರಿಪಬ್ಲಿಕ್, ಫಿನ್ ಲ್ಯಾಂಡ್, ಫ್ರಾನ್ಸ್, ಜರ್ಮನಿ, ಇಟೆಲಿ, ಜಪಾನ್, ಲಟ್ವಿಯಾ, ಲಿಟುವೇನಿಯಾ, ಸ್ಲೊವಾಕಿಯಾ, ಅಮೆರಿಕಾ ಮತ್ತು ಭಾರತೀಯ ನ್ಯಾನೊ ಸ್ಯಾಟಲೈಟ್ ಗಳನ್ನು ಹೊಂದಿದೆ.
ಭಾರತೀಯ ನ್ಯಾನೊ ಸ್ಯಾಟಲೈಟ್ 15 ಕೆಜಿ ನಿಯುಸ್ಯಾಟ್ ಆಗಿದ್ದು ತಮಿಳು ನಾಡಿನ ನೂರಲ್ ಇಸ್ಲಾಂ ವಿಶ್ವವಿದ್ಯಾಲಯಕ್ಕೆ ಸೇರಿದೆ.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.