ಮಲಯಾಳಂ ನಟಿಗೆ ಲೈಂಗಿಕ ಕಿರುಕುಳ: ಇಂದು ಶಂಕಿತರ ಗುರುತು ಪರೇಡ್

ಕೊಚ್ಚಿ: ಮಲಯಾಳಂ ಚಿತ್ರನಟಿಯ ಅಪಹರಣ ಮತ್ತು ಲೈಂಗಿಕ ದೌರ್ಜನ್ಯ ಪ್ರಕರಣಕ್ಕೆ ಸಂಬಂಧಿಸಿ ಶಂಕಿತ ಆರೋಪಿಗಳನ್ನು ಪತ್ತೆ ಹಚ್ಚಲು ಪರೇಡ್ ಇಂದು ಅಪರಾಹ್ನ ಜಿಲ್ಲಾ ಕಾರಾಗೃಹ ಕಕ್ಕನಾಡ್ ನಲ್ಲಿ  ನಡೆಯಲಿದೆ.

ಆರೋಪಿಯನ್ನು ತಮ್ಮ ಕಸ್ಟಡಿಗೊಪ್ಪಿಸುವಂತೆ ಪೊಲೀಸರು ಸಲ್ಲಿಸಿದ ಅರ್ಜಿಯನ್ನು ಕೂಡ ಅಳುವ ಜ್ಯುಡಿಶಿಯಲ್ ಪ್ರಥಮ ದರ್ಜೆ ಮ್ಯಾಜಿಸ್ಟ್ರೇಟ್ ಪರಿಗಣಿಸಲಿದೆ.ಈ ಮಧ್ಯೆ ತಮ್ಮ ಹೊಸ ಚಿತ್ರದ ಶೂಟಿಂಗ್ ಲೊಕೇಶನ್ ನಲ್ಲಿ ಮಾಧ್ಯಮ ಪ್ರತಿನಿಧಿಗಳನ್ನುದ್ದೇಶಿಸಿ ಮಾತನಾಡಬೇಕೆಂದುಕೊಂಡಿದ್ದ ಯೋಜನೆಯನ್ನು ನಟಿ ಕೈ ಬಿಟ್ಟಿದ್ದಾರೆ. ಇಂದು ಬೆಳಗ್ಗೆ ಮಾಧ್ಯಮದವರನ್ನುದ್ದೇಶಿಸಿ ನಟಿ ಮಾತನಾಡಲಿದ್ದಾರೆ ಎಂಬ ವರದಿಯಾಗಿತ್ತು. ಆದರೆ ಪೊಲೀಸರ ಸಲಹೆಯಂತೆ ಇದನ್ನು ಕೈಬಿಟ್ಟಿದ್ದಾರೆ. ಆರೋಪಿಗಳನ್ನು ಗುರುತನ್ನು ಪತ್ತೆಹಚ್ಚುವ ಮೊದಲು ಮಾಧ್ಯಮದವರನ್ನು ಭೇಟಿಯಾಗುವುದು ತಾರ್ಕಿಕ ಅಂಶವಲ್ಲ ಎಂದು ಪೊಲೀಸರು ಸಂತ್ರಸ್ತೆ ನಟಿಗೆ ಸೂಚಿಸಿದ್ದಾರೆ.

ಪೊಲೀಸರು ಆರೋಪಿಗಳಾದ ಪಲ್ಸರ್ ಸುನಿ ಮತ್ತು ವಿಜೀಶ್ ನನ್ನು ಜ್ಯುಡಿಶಿಯಲ್ ಪ್ರಥಮ ದರ್ಜೆ ನ್ಯಾಯಾಂಗದ ಮುಂದೆ ಇಂದು ಹಾಜರುಪಡಿಸಲಿದ್ದಾರೆ.

ನಟಿಯನ್ನು ಕಳೆದ 17ರಂದು ಕಾರಿನಲ್ಲಿ ಅಪಹರಿಸಿ ಲೈಂಗಿಕ ಕಿರುಕುಳ ನೀಡಲಾಗಿತ್ತು.