ಹಬ್ಬ-ಉತ್ಸವಗಳ ಬದಲು ಶಿಕ್ಷಣಕ್ಕೆ ಹಣ ಖರ್ಚು ಮಾಡಿ:ದೇವಾಲಯಗಳಿಗೆ ಆರ್ ಎಸ್ ಎಸ್ ಸಲಹೆ

ನವದೆಹಲಿ: ಮಹಿಳೆಯರ ದೇಗುಲ ಪ್ರವೇಶಕ್ಕೆ ಹೋರಾಡಿದ ನಂತರ ಆರ್ ಎಸ್ ಎಸ್, ದುಂದುಗಾರಿಕೆ ಬಿಟ್ಟು ದಾನ ಧರ್ಮಗಳಿಗೆ ದೇಗುಲಗಳು ಹಣ ನೀಡಲಿ ಎಂದು ಸಲಹೆ ನೀಡಿದೆ.

ಹಬ್ಬದ ಸಂದರ್ಭಗಳಲ್ಲಿ ನಡೆಸುವ ಉತ್ಸವ, ಮಿಮಿಕ್ರಿ, ಸುಡುಮದ್ದು, ಚಿತ್ರ ಪ್ರದರ್ಶನ ಹಾಗೂ ಪ್ರಾಣಿಗಳ ಮೆರವಣಿಗೆಗೆ ಹಣ ವ್ಯರ್ಥ ಮಾಡುವ ಬದಲು, ಶಿಕ್ಷಣ ಹಾಗೂ ಆರೋಗ್ಯ ಕ್ಷೇತ್ರಗಳಿಗೆ ಆರ್ಥಿಕ ಸಹಾಯ ನೀಡಿ ಎಂದು ದೇಗುಲ ಮಂಡಳಿಗಳಿಗೆ ಆರೆಸ್ಸೆಸ್‌ ಮನವಿ ಮಾಡಿದೆ.

ಸಾಂಸ್ಕೃತಿಕ ಕಾರ್ಯಕ್ರಮಗಳು ದೇಗುಲ ಸಂಸ್ಕೃತಿಗೆ ಒಗ್ಗುವಂಥದ್ದಲ್ಲ. ಇದಕ್ಕಾಗಿ ಲಕ್ಷಾಂತರ ರೂಪಾಯಿ ಸುರಿಯಲಾಗುತ್ತಿದೆ. ಇವೆಲ್ಲ ದುಂದುಗಾರಿಕೆ. ಸಾಂಸ್ಕೃತಿಕ ಕಾರ್ಯಕ್ರಮಗಳು, ದೇಗುಲ ಹಾಗೂ ಸ್ಥಳೀಯ ಸಂಪ್ರದಾಯಕ್ಕೆ ಬದ್ಧವಾಗಿರಬೇಕು. ಅಶ್ಲೀಲತೆಗೆ ಅವಕಾಶ ನೀಡಬಾರದು ಆರ್ ಎಸ್ ಎಸ್ ಹೇಳಿದೆ.