ಅಚ್ಚರಿ: ಬೀದಿ ನಾಯಿ ಹಾಲು ಕುಡಿದು ಬೆಳೆದ ಬಾಲಕ!

ಜಾರ್ಖಂಡ್ :​ 2 ವರ್ಷದ ಬಾಲಕ ಬೀದಿ ನಾಯಿಯ ಬಳಿ ಹಾಲು ಕುಡಿದು ಬೆಳೆದಿರುವ ಘಟನೆ ಜಾರ್ಖಂಡ್ ನಲ್ಲಿ ವರದಿಯಾಗಿದೆ,

ಮೋಹಿತ್ ಕುಮಾರ್ (10) ಎಂಬ ಬಾಲಕ ತನ್ನ ಎರಡನೇ ವಯಸ್ಸಿನಿಂದ ಬೀದಿನಾಯಿಗಳ ಸಹವಾಸ ಆರಂಭಿಸಿ ನಾಯಿಗಳ ಬಳಿ ಹಾಲು ಕುಡಿದು ಬೆಳೆದಿದ್ದಾನೆ. ಬೀದಿನಾಯಿಗಳ ಜತೆ ಆಟವಾಡುತ್ತ ಒಂದು ದಿನ ಇದ್ದಕ್ಕಿದ್ದಂತೆ ನಾಯಿ ಮೊಲೆಗೆ ಬಾಯಿ ಹಾಕಿ ಹಾಲು ಹೀರಿದ್ದಾನೆ. ಶ್ವಾನವೂ ಸುಮ್ಮನೆ ಹಾಲುಣಿಸಿದೆ. ಅಂದಿನಿಂದ ನಿತ್ಯವೂ ನಾಯಿ ಬಳಿ ಹಾಲು ಕುಡಿಯುತ್ತಲೇ ಬೆಳೆದಿದ್ದಾನೆ.

ಕೆಲ ದಿನಗಳ ನಂತರ ನೆರೆಹೊರೆಯವರಿಂದ ಸುದ್ದಿ ತಿಳಿದ ಈತನ ಪಾಲಕರು ಮನೆಯಿಂದ ಹೊರಬಿಡದೆ ಹವ್ಯಾಸ ತಪ್ಪಿಸುವ ಪ್ರಯತ್ನ ಮಾಡಿದ್ದಾರೆ. ಆದರೆ ಅವಕಾಶ ಸಿಕ್ಕಾಗಲೆಲ್ಲ ಸೀದಾ ನಾಯಿಗಳೆಡೆಗೆ ತೆರಳುತ್ತಿದ್ದ ಮೋಹಿತ್ 10 ವರ್ಷದವನಾದರೂ ಈವರೆಗೂ ನಾಯಿ ಹಾಲು ಕುಡಿಯುವುದನ್ನು ಬಿಟ್ಟಿಲ್ಲ.

ಮೋಹಿತ್ ಕಳೆದ ವಾರ ಬೇರೆ ರಸ್ತೆಯ ನಾಯಿ ಹಾಲು ಕುಡಿಯಲು ಹೋಗಿ ನಾಯಿಯಿಂದ ಕಚ್ಚಿಸಿಕೊಂಡಿದ್ದಾನೆ.ಈತನನ್ನು ಕೂಡಲೇ ಆಸ್ಪತ್ರೆಗೆ ದಾಖಲಿಸಿ ಲಸಿಕೆ ಹಾಕಿಸಲಾಗಿದೆ. ವೈದ್ಯರ ಪ್ರಕಾರ ನಾಯಿ ಹಾಲು ಮಾನವನಿಗೆ ಹಾನಿಕಾರಕವಲ್ಲ, ಆದರೆ ರೇಬಿಸ್ ಹರಡುವ ಎಲ್ಲ ಸಾಧ್ಯತೆಗಳೂ ಇವೆ ಎಂದು ಹೇಳಿದ್ದಾರೆ. ಮೋಹಿತ್ ತಂದೆ ರಸ್ತೆ ಬದಿಯಲ್ಲಿ ಜ್ಯೂಸ್ ಮಾರುತ್ತಾರೆ. ತಾಯಿ ಮನೆಗೆಲಸ ಮಾಡಿ ಜೀವನ ಸಾಗಿಸುತ್ತಿದ್ದಾರೆ.