ಕಳ್ಳರ ಪಕ್ಷವನ್ನು ಆಳುತ್ತಿದ್ದಾರೆ ಮಮತಾ ಬ್ಯಾನರ್ಜಿ: ಅಧಿರ್ ಚೌಧರಿ

ಮಾಲ್ಡಾ: ತೃಣಮೂಲ ಕಾಂಗ್ರೆಸ್ ಪಕ್ಷದ ಅಧ್ಯಕ್ಷೆ ಮಮತಾ ಬ್ಯಾನರ್ಜಿಯವರು ಕಳ್ಳರ ಪಕ್ಷವನ್ನು ಆಳುತ್ತಿದ್ದಾರೆಂದು ಪಶ್ಚಿಮ ಬಂಗಾಳ ಕಾಂಗ್ರೆಸ್ ಮುಖ್ಯಸ್ಥ ಅಧಿರ್ ಚೌಧರಿ ಅವರು ಗುರುವಾರ ಹೇಳಿದ್ದಾರೆ.

ಪಶ್ಚಿಮ ಬಂಗಾಳ ವಿಧಾನಸಭಾ ಚುನಾವಣೆ ಹಿನ್ನೆಲೆಯಲ್ಲಿ ಕಾಂಗ್ರೆಸ್ ಹಾಗೂ ಮೈತ್ರಿ ಪಕ್ಷಗಳನ್ನು ಬೆಂಬಲಿಸಿ ರ್ಯಾಲಿಯೊಂದರಲ್ಲಿ ಮಾತನಾಡಿರುವ ಅವರು, ಕಳೆದ ಬಾರಿ ಮಾಲ್ಡಾಗೆ ಮಮತಾ ಅವರು ಬಂದು ಟಿಎಂಸಿಗೆ ಮತ ಹಾಕುವಂತೆ ಹೇಳಿದ್ದರು. ಮಮತಾ ಅವರು ಕಳ್ಳರ ಪಕ್ಷವನ್ನು ಆಳುತ್ತಿದ್ದಾರೆ. ಟಿಎಂಸಿ ಪಕ್ಷಕ್ಕೆ ಮತಹಾಕುವುದರಿಂದ ಮಾಲ್ಡಾಗೆ ಕಾಂಗ್ರೆಸ ನಾಯಕರು ನೀಡಿರುವ ಕೊಡುಗೆಗೆ ಅವಮಾನ ಮಾಡಿದಂತೆ ಎಂದು ಹೇಳಿದ್ದಾರೆ.

ಮಲ್ಡಾಗೆ ಕಾಂಗ್ರೆಸ್ ನಾಯಕ ಗಣಿ ಖಾನ್ ಚೌಧರಿ ಅವರು ಅಪಾರ ಕೊಡುಗೆಯನ್ನು ನೀಡಿದ್ದು, ಒಂದು ವೇಳೆ ಇಲ್ಲಿನ ಜನತೆ ಟಿಎಂಸಿಗೆ ಮತ ಹಾಕಿದರೆ, ಇದು ಚೌಧರಿ ಅವರಿಗೆ ಅಪಮಾನ ಮಾಡಿದಂತಾಗುತ್ತದೆ ಎಂದು ಹೇಳಿದ್ದಾರೆ.