ಫೈಟರ್ ಪೈಲಟ್ ಗಳಾಗಿ ಮಹಿಳೆಯರ ನೇಮಕ: ವಾಯುಪಡೆ ಮುಖ್ಯಸ್ಥ ಅರೂಪ್ ರಹಾ

ನವದೆಹಲಿ: ಶೀಘ್ರವೇ ಮಹಿಳೆಯರನ್ನು ಫೈಟರ್ ಪೈಲಟ್ ಗಳನ್ನಾಗಿ ನೇಮಕ ಮಾಡಿಕೊಳ್ಳಲಾಗುವುದು ಎಂದು ಭಾರತೀಯ ವಾಯುಪಡೆ ಮುಖ್ಯಸ್ಥ ಅರೂಪ್ ರಹಾ ಹೇಳಿದ್ದಾರೆ.
83 ನೇ ವಾಯುಪಡೆ ದಿನಾಚರಣೆಯಲ್ಲಿ ಭಾಗವಹಿಸಿ ಮಾತನಾಡಿದ ಸಾರಿಗೆ ವಿಮಾನ ಮತ್ತು ಹೆಲಿಕಾಪ್ಟರ್ ಗಳಲ್ಲಿ ಮಹಿಳಾ ಪೈಲಟ್ ಗಳನ್ನು ಹೊಂದಿದ್ದೇವೆ, ಅದೇ ಮಾದರಿಯಲ್ಲಿ ಮಹಿಳಾ ಫೈಟರ್ ಪೈಲಟ್ ಗಳನ್ನೂ ನೇಮಕ ಮಾಡಿಕೊಳ್ಳಲಾಗುವುದು ಎಂದು ಅರೂಪ್ ರಹಾ ತಿಳಿಸಿದ್ದಾರೆ. ಹಿಂದೊನ್ ವಾಯು ನೆಲೆಯಲ್ಲಿ ಅ.8 ರಂದು 83 ನೇ ವಾಯುಪಡೆ ದಿನವನ್ನು ಆಚರಿಸಲಾಯಿತು.
ವಾಯುಪಡೆ ಅಧಿಕಾರಿಗಳ ಪ್ರಕಾರ ವಾಯುಪಡೆಯಲ್ಲಿ 300 ಮಹಿಳಾ ಪೈಲಟ್ ಗಳು ಕಾರ್ಯನಿರ್ವಹಿಸುತ್ತಿದ್ದು ಇನ್ನು ಮುಂದೆ ಫೈಟರ್ ಸ್ಟ್ರೀಮ್ ನಲ್ಲಿಯೂ ಮಹಿಳಾ ಪೈಲಟ್ ಗಳ ನೇಮಕವಾಗಲಿದೆ.