ಇನ್ನು ಬೆರಳ ಗುರುತಿಗೆ ಮಾರ್ಕರ್ ಪೆನ್ನು?
ಮತಗಟ್ಟೆಯಲ್ಲಿ ಸರತಿ ಸಾಲಲ್ಲಿ ನಿಂತು ಕೈಬೆರಳಿಗೆ ಶಾಯಿ ಹಾಕಿಸಿಕೊಳ್ಳುವ ಪದ್ಧತಿ ಸದ್ಯದಲ್ಲೇ ಬದಲಾಗಲಿದೆ...
Published On :
ನವದೆಹಲಿ: ಮತಗಟ್ಟೆಯಲ್ಲಿ ಸರತಿ ಸಾಲಲ್ಲಿ ನಿಂತು ಕೈಬೆರಳಿಗೆ ಶಾಯಿ ಹಾಕಿಸಿಕೊಳ್ಳುವ ಪದ್ಧತಿ ಸದ್ಯದಲ್ಲೇ ಬದಲಾಗಲಿದೆ. ಅಳಿಸಲಾಗದ ಶಾಯಿಯ ಬಾಟಲಿ ಮತ್ತು ಬ್ರಷ್‍ನ ಜಾಗವನ್ನು ಇನ್ನು ಮಾರ್ಕರ್ ಪೆನ್ನುಗಳು ಆಕ್ರಮಿಸಿಕೊಳ್ಳಲಿವೆ.
ಚುನಾವಣಾ ಆಯೋಗವು ಈ ಹೊಸ ಮಾರ್ಕರ್ ಪೆನ್ನುಗಳ ಪರೀಕ್ಷೆಯನ್ನು ನಡೆಸುತ್ತಿದ್ದು, ಎಲ್ಲವೂ ಅಂದುಕೊಂಡಂತೆ ನಡೆದರೆ ಮುಂದಿನ ಚುನಾವಣೆಗೆ ಶಾಯಿಯ ಬದಲು ಮಾರ್ಕರ್ ಪೆನ್ನುಗಳಿಂದ ಎಳೆದ ಗೆರೆಯು ಮತದಾರರ ಬೆರಳುಗಳಲ್ಲಿ ರಾರಾಜಿಸಲಿವೆ.
ವಿಶೇಷವೆಂದರೆ, ಈ ಪೆನ್ನುಗಳನ್ನು ಒದಗಿಸುವುದು ಕೂಡ ಮೈಸೂರು ಪೈಂಟ್ಸ್ ಆ್ಯಂಡ್ ವಾರ್ನಿಷಸ್ ಲಿಮಿಟೆಡ್ ಸಂಸ್ಥೆ. ಈವರೆಗೆ ದೇಶದಲ್ಲಿ ನಡೆಯುತ್ತಿದ್ದ ಎಲ್ಲ ವಿಧಾನಸಭೆ, ಲೋಕಸಭೆ ಚುನಾವಣೆಗಳಿಗಲ್ಲದೇ, ವಿದೇಶಗಳಲ್ಲಿ ಚುನಾವಣೆಗೂ ಕರ್ನಾಟಕ ಸರ್ಕಾರಿ ಸ್ವಾಮ್ಯದ ಇದೇ ಕಂಪನಿಯ ಅಳಿಸಲಾಗದ ಶಾಯಿಯನ್ನು ಬಳಸಲಾಗುತ್ತಿತ್ತು.
1962 ರಿಂದಲೂ ಅಳಿಸಲಾಗದ ಶಾಯಿಯು ಭಾರತದ ಚುನಾವಣೆಯ ಅವಿಭಾಜ್ಯ ಅಂಗವಾಗಿ ಬಳಕೆಯಾಗುತ್ತಾ ಬಂದಿದೆ.
ದೂರುಗಳು ಬಂದ ಹಿನ್ನೆಲೆಯಲ್ಲಿ: ಸದ್ಯಕ್ಕೆ ಮತಗಟ್ಟೆಗಳಲ್ಲಿ ಕೈಬೆರಳಿಗೆ ಬ್ರಷ್‍ನ ಮೂಲಕ ಶಾಯಿಯನ್ನು ಅಚ್ಚುಕಟ್ಟಾಗಿ ಹಾಕಲಾಗುತ್ತಿಲ್ಲ ಎಂದು ಮತದಾರರು ಅದರಲ್ಲೂ ಯುವಕರು ಚುನಾವಣಾ ಆಯೋಗಕ್ಕೆ ದೂರು ನೀಡಿದ್ದರು. ಅಲ್ಲದೆ, ಮಾರ್ಕರ್ ಪೆನ್ನುಗಳನ್ನು ಸಂಗ್ರಹಿಸಿಡುವುದು ಮತ್ತು ಸಾಗಿಸುವುದು ಸುಲಭ. ಹೀಗಾಗಿ, ಆಯೋಗವು ಶಾಯಿ ಬಾಟಲಿ, ಬ್ರಷ್‍ನ ಜಾಗಕ್ಕೆ ಪೆನ್ನುಗಳನ್ನು ತರುವುದಕ್ಕೆ ಆಸಕ್ತಿ ವಹಿಸಿದೆ.
ಆಫ್ಘಾನ್‍ನಲ್ಲಿ ಬಳಕೆ: ಇತ್ತೀಚೆಗೆ ಆಫ್ಘಾನಿಸ್ತಾನದಲ್ಲಿ ನಡೆದ ಚುನಾವಣೆಯಲ್ಲಿ ಈ ಮಾರ್ಕರ್ ಪೆನ್ನುಗಳನ್ನೇ ಬಳಸಲಾಗಿತ್ತು. ನಾವೀಗ ಮಾರ್ಕರ್ ಪೆನ್ನುಗಳನ್ನು ಪರೀಕ್ಷಿಸುತ್ತಿದ್ದೇವೆ. ಬೃಹತ್ ಪ್ರಮಾಣದ ಬಳಕೆ ಬಗ್ಗೆ ಇನ್ನೂ ನಿರ್ಧಾರ ಕೈಗೊಂಡಿಲ್ಲ. ಇದು ಫಲಿತಾಂಶದ ಮೇಲೆ ಅವಲಂಬಿಸಿದೆ ಎಂದಿದ್ದಾರೆ ಚುನಾವಣಾ ಆಯೋಗದ ಅಧಿಕಾರಿಗಳು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.