ಮಚ್ಛಾರ್ ಆರೋಗ್ಯಯಲ್ಲಿ 'ಸ್ಥಿರ ಸುಧಾರಣೆ': ಭಾರತೀಯ ರಾಯಭಾರ ಕಚೇರಿ

ಯುಎಇ: ಭಾರತೀಯ ವಿಮಾನಯಾನ ಕ್ಯಾಪ್ಟನ್ ಸ್ಮಿತ್ ಮಚ್ಚಾರ್ ಅವರು "ಸ್ಥಿರ ಪ್ರಗತಿ" ಸಾಧಿಸುತ್ತಿದ್ದಾರೆ ಮತ್ತು ಆರೋಗ್ಯ "ಚೇತರಿಸುತ್ತಿದೆ" ಎಂದು ಯುಎಇಯಲ್ಲಿರುವ ಭಾರತೀಯ ರಾಯಭಾರ ಕಚೇರಿ ಮಂಗಳವಾರ ತಿಳಿಸಿದೆ.

ಬುಧವಾರ ನಡೆದ ಘಟನೆಯಲ್ಲಿ, 'ಫ್ಲೈದುಬೈ' (flydubai) ವಿಮಾನ FZ1073 ರಲ್ಲಿದ್ದಾಗ, ಮಚ್ಛಾರ್ ಅವರ ಸಹ-ಪೈಲಟ್ (ಓಮನ್ ಪ್ರಜೆ) ಅವರೆ ಮೇಲೆ 'ಕ್ರಾಶ್ ಆಕ್ಸ್'ನಿಂದ (ತುರ್ತು ಸಂದರ್ಭಗಳಲ್ಲಿ ಬಳಸಲು ಕಾಕ್‌ಪಿಟ್‌ನಲ್ಲಿ ಇರಿಸಲಾದ ಕೊಡಲಿ) ದಾಳಿ ನಡೆಸಿದ್ದರು; ಓಮನ್ ಪ್ರಜೆಗೆ ವಿಮಾನವನ್ನು ಪತನಗೊಳಿಸುವ ಉದ್ದೇಶವಿತ್ತು ಎಂಬುದು ಪ್ರಾರ್ಥಮಿಕ ವರದಿಗಳಿಂದ ತಿಳಿದುಬಂದಿದೆ. ಈ ಘಟನೆಯಲ್ಲಿ ಮಚ್ಛಾರ್ ತೀವ್ರವಾಗಿ ಗಾಯಗೊಂಡಿದ್ದರು.

"ಕ್ಯಾಪ್ಟನ್ ಸ್ಮಿತ್ ಆರೊಗ್ಯದಲ್ಲಿ ಸುಧಾರಣೆ ಕಂಡುಬರುತ್ತಿದೆ ಅವರು ಚೇತರಿಸಿಕೊಳ್ಳುತ್ತಿದ್ದಾರೆ. ರಾಯಭಾರ ಕಚೇರಿಯು ಅವರ ಕುಟುಂಬ, ವೈದ್ಯರು ಮತ್ತು ಸ್ಥಳೀಯ ಅಧಿಕಾರಿಗಳೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದು, ಸಾಧ್ಯವಿರುವ ಎಲ್ಲ ನೆರವನ್ನೂ ನೀಡುತ್ತಿದೆ," ಎಂದು ರಾಯಭಾರ ಕಚೇರಿಯು 'ಎಕ್ಸ್' (X) ನಲ್ಲಿ ಪೋಸ್ಟ್ ಮಾಡಿದೆ.

"ಅವರಿಗಾಗಿ ಪ್ರಾರ್ಥಿಸಿದ ಎಲ್ಲರಿಗೂ ನಾವು ಧನ್ಯವಾದ ಅರ್ಪಿಸುತ್ತೇವೆ ಮತ್ತು ಅವರು ಶೀಘ್ರವಾಗಿ ಗುಣಮುಖರಾಗಲಿ ಎಂದು ಹಾರೈಸುತ್ತೇವೆ," ಎಂದು ಅದು ಹೇಳಿದೆ.

174 ಪ್ರಯಾಣಿಕರನ್ನು ಹೊತ್ತಿದ್ದ ಆ ವಿಮಾನ ತುರ್ತು ಸಂಕೇತಗಳನ್ನು ರವಾನಿಸಿತ್ತು ಮತ್ತು 34,000 ಅಡಿ ಎತ್ತರದಿಂದ 17,000 ಅಡಿಗಳಿಗಿಂತಲೂ ಹೆಚ್ಚು ಕೆಳಗೆ ವೇಗವಾಗಿ ಇಳಿಯಿತು. ವಿಮಾನ ಕೆಳಗೆ ಇಳಿಯುತ್ತಿರುವುದನ್ನು ಗಮನಿಸಿದಾಗ, ಕಾಕ್‌ಪಿಟ್‌ನ ನೆಲದ ಮೇಲೆ ಗಾಯಗೊಂಡು ಬಿದ್ದಿದ್ದ ಕ್ಯಾಪ್ಟನ್, ಕಾಕ್‌ಪಿಟ್ ಬಾಗಿಲನ್ನು ತೆರೆಯಲು "ಅಂತಿಮ ಪ್ರಯತ್ನ" ಮಾಡಿದ್ದರು.