ಉಗ್ರರ ಅಡಗುತಾಣದ ಮೇಲೆ ಸೇನಾ ಪಡೆ ದಾಳಿ: ಭಾರೀ ಶಸ್ತ್ರಾಸ್ತ್ರ ವಶ

ಶ್ರೀನಗರ: ಉತ್ತರ ಕಾಶ್ಮೀರದ ಕುಪ್ವಾರ ಜಿಲ್ಲೆಯ ಉಗ್ರರ ಅಡಗುತಾಣದ ಮೇಲೆ ದಾಳಿ ನಡೆಸಿದ ಭಾರತೀಯ ರಕ್ಷಣಾ ಪಡೆ ಭಾರೀ ಪ್ರಮಾಣದ ಶಸ್ತ್ರಾಸ್ತ್ರಗಳನ್ನು ವಶಪಡಿಸಿಕೊಂಡಿದೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.

ಶ್ರೀನಗರದಿಂದ 120 ಕಿ.ಮೀ ದೂರದಲ್ಲಿರುವ ಆವೂರಾ, ತ್ರೆಹ್ಗಾಮ್ ಮತ್ತು ಮಹ್ರಾಮಾ ಅರಣ್ಯ ಪ್ರದೇಶದಲ್ಲಿ ರಕ್ಷಣಾ ಪಡೆ ಶೋಧ ಕಾರ್ಯಾಚರಣೆ ನಡೆಸಿದಾಗ ಉಗ್ರರ ಅಡಗುತಾಣ ಪತ್ತೆಯಾಗಿದ್ದು, ದಾಳಿ ನಡೆಸಲಾಗಿದೆ.

ದಾಳಿ ನಡೆಸಲು ಬಳಸುವ 2 ಎಕೆ ಗನ್, 10 ಮ್ಯಾಗ್ ಝೀನ್, 248 ಸುತ್ತು ಹಾರಿಸಬಹುದಾದ 7.6 ಎಂ.ಎಂ ಮಲ್ಟಿ ಮೆಷಿನ್ ಗನ್, ಮತ್ತೆರಡು ನಿಯತಕಾಲಿಕ ಹಾಗೂ 2 ಪಿಸ್ತೂಲ್, ಗ್ರೆನೇಡ್ ಸೇರಿದಂತೆ ಅಪಾರ ಪ್ರಮಾಣದ ಶಸ್ತ್ರಾಸ್ತ್ರಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಆದರೆ ಇದುವರೆಗೂ ಯಾರೊಬ್ಬರನ್ನು ಬಂಧಿಸಿದ ವರದಿಯಾಗಿಲ್ಲ.