ಮನೆಯಲ್ಲಿ ಶೌಚಾಲಯ ಕಟ್ಟಲು ಪೋಷಕರ ನಿರಾಕರಣೆ: ಬಾಲಕಿ ಆತ್ಮಹತ್ಯೆ

ಡುಮ್ಕಾ: ಪೋಷಕರು ಮನೆಯಲ್ಲಿ ಶೌಚಾಲಯ ಕಟ್ಟಿಸಲು ನಿರಾಕರಿಸಿರಿಂದ ಮನನೊಂದ 17 ವರ್ಷದ ಬಾಲಕಿ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ.

ಬರ್ಹಿದೆಸೆಗೆ ಹೋಗುವ ಅವಮಾನ ತಾಳಲಾರದೆ ಡುಮ್ಕಾದ ಎಎನ್‌ ಕಾಲೇಜಿನ ಮೊದಲ ವರ್ಷದ ಬಿಎ ವಿದ್ಯಾರ್ಥಿನಿ ಖುಷ್ಬು ಕುಮಾರಿ ಖುಷ್ಬು ಕುಮಾರಿ ಮನೆಯಲ್ಲಿ ಶೌಚಾಲಯ ಕಟ್ಟಿಸುವಂತೆ ನಾನಾ ರೀತಿಯಲ್ಲಿ ಪೋಷಕರನ್ನು ಕಾಡಿ ಬೇಡಿದ್ದಾಳೆ. ಆದರೆ ಪೋಷಕರು ಈ ಬಗ್ಗೆ ಆಸಕ್ತಿ ತೋರದ್ದರಿಂದ ಟುಮ್ಕಾದ ಗೋಶಾಲಾ ರಸ್ತೆಯಲ್ಲಿರುವ ಮನೆಯಲ್ಲಿ ನೇಣು ಬಿಗಿದುಕೊಂಡಿದ್ದಾಳೆ.

ಖುಷ್ಟುಳಾ ಮನೆ ನಾಲ್ಕು ಕೊಠಡಿಯಿಂದ ಸುಸಜ್ಜಿತವಾಗಿತ್ತು. ಇದರಿಂದಾಗಿ ಕುಟುಂಬ ಸದಸ್ಯರಿಗೆ ಮನೆಯಲ್ಲಿ ಶೌಚಾಲಯ ನಿರ್ಮಾಣ ಮಾಡುವುದು ಅಗತ್ಯ ಎನಿಸಿಲ್ಲ. 'ಮನೆಯಲ್ಲೇ ಶೌಚಾಲಯ ನಿರ್ಮಿಸುವ ಬದಲು ಅದೇ ಹಣವನ್ನು ಆಕೆಯ ಮದುವೆಗೆ ಖರ್ಚು ಮಾಡಲು ಉಳಿತಾಯ ಮಾಡುತ್ತಿದ್ದೆ,'ಎಂದು ಆಕೆಯ ತಂದೆ ತ್ರಿಪಾಠಿ ಯಾದವ್‌ ಹೇಳಿದ್ದಾರೆ.

'ಮನೆಯಲ್ಲೇ ಶೌಚಾಲಯ ನಿರ್ಮಾಣ ಮಾಡಲು ಖುಷ್ಬು ಒತ್ತಾಯಿಸಿದ್ದಳು. ಆದರೆ, ನಾಲ್ಕು ಗೋಡೆ ನಿರ್ಮಿಸುವುದಾಗಿ ಹೇಳಿದ್ದೆವು. ಇದೇ ವಿಚಾರವಾಗಿ ವಾಗ್ವಾದ ನಡೆದಿತ್ತು, ಬಹಿರ್ದೆಸೆಗಾಗಿ ಆಗಾಗ ತಾತನ ಮನೆಗೆ ಹೋಗುತ್ತಿದ್ದಳು,' ಎಂದು ಖುಷ್ಬು ತಾಯಿ ಸಂಜು ದೇವಿ ಹೇಳಿದ್ದಾರೆ.