ಇಸ್ರೋದ ಸ್ಪಾಡೆಕ್ಸ್ ಮಿಷನ್ ಬಾಹ್ಯಾಕಾಶ ನೌಕೆಯ ಅನ್‌ಡಾಕಿಂಗ್: ತಾಂತ್ರಿಕ ಸಮಸ್ಯೆಯಿಂದ ವಿಳಂಬ

ಬೆಂಗಳೂರು: ಇಸ್ರೋದ ಮೊದಲ ಬಾಹ್ಯಾಕಾಶ ಡಾಕಿಂಗ್ ಪ್ರಯೋಗ (SpaDeX) ಕಾರ್ಯಾಚರಣೆಯಲ್ಲಿ ತಾಂತ್ರಿಕ ಸಮಸ್ಯೆಗಳು ಉದ್ಭವಿಸಿದ್ದು, SDX-01 ಮತ್ತು SDX-02 ಎಂಬ ಎರಡು ಬಾಹ್ಯಾಕಾಶ ನೌಕೆಗಳನ್ನು ಅನ್‌ಡಾಕ್ ಮಾಡಲು ಸಾಧ್ಯವಾಗುತ್ತಿಲ್ಲ.

ಜನವರಿ 7 ರಂದು ಡಾಕಿಂಗ್ ಮಾಡುವ ಆರಂಭಿಕ ಯೋಜನೆಯ ಒಂಬತ್ತು ದಿನಗಳ ನಂತರ - ಜನವರಿ 16 ರಂದು ಎರಡೂ ಸ್ವಾಯತ್ತವಾಗಿ ಡಾಕ್ ಆಗಿದ್ದವು (ಒಂದಕ್ಕೊಂದು ಜೋಡಿಸಿಕೊಳ್ಳುವುದು). ಈಗ, ಜನವರಿ ಅಂತ್ಯ ಅಥವಾ ಫೆಬ್ರವರಿ ಮೊದಲ ವಾರದೊಳಗೆ ಯೋಜಿಸಲಾದ ಈ ಉಪಗ್ರಹಗಳ ಅನ್‌ಡಾಕಿಂಗ್ ಕೂಡ ತಾಂತ್ರಿಕ ಸಮಸ್ಯೆಗಳಿಂದಾಗಿ ವಿಳಂಬವಾಗುತ್ತಿದೆ. ಸ್ಪಾಡೆಕ್ಸ್ ಕಾರ್ಯಾಚರಣೆಯಲ್ಲಿ ಭಾಗಿಯಾಗಿರುವ ಹಿರಿಯ ಇಸ್ರೋ ವಿಜ್ಞಾನಿಯೊಬ್ಬರು ಇದು "ಮಾರ್ಚ್-ಏಪ್ರಿಲ್‌ ತಿಂಗಳಲ್ಲಿ ಅನ್ ಡಾಕಿಂಗ್ ಆಗಬಹುದು " ಎಂದು ಟಿಎನ್‌ಐಇಗೆ ತಿಳಿಸಿದರು.

ಅನ್ ಡಾಕಿಂಗ್ ಎಂದರೇನು?

ಅನ್‌ಡಾಕಿಂಗ್ ಎಂದರೆ ಎರಡು ಬಾಹ್ಯಾಕಾಶ ನೌಕೆಗಳ ಪ್ರತ್ಯೇಕತೆ. ಸ್ಪಾಡೆಕ್ಸ್ ಒಂದು ಪ್ರಾಯೋಗಿಕ ಡಾಕಿಂಗ್/ಅನ್‌ಡಾಕಿಂಗ್ ಕಾರ್ಯಾಚರಣೆಯಾಗಿದ್ದರೂ, ಅದರ ಉದ್ದೇಶಗಳನ್ನು ಯಶಸ್ವಿಯಾಗಿ ಪೂರೈಸಲು ಲೈವ್ ಮಿಷನ್‌ನಲ್ಲಿ ಎರಡನ್ನೂ ಬೇರ್ಪಡಿಸುವುದು ಅತ್ಯಂತ ನಿರ್ಣಾಯಕವಾಗಿದೆ. ಎರಡು ಬಾಹ್ಯಾಕಾಶ ನೌಕೆಗಳಲ್ಲಿ ವಿದ್ಯುತ್ ಉತ್ಪಾದನೆಯು ಅವಶ್ಯಕತೆಗಳನ್ನು ಪೂರೈಸುತ್ತಿಲ್ಲ ಮತ್ತು ಎರಡರ ಸಂಯೋಜಿತ ನಿಯಂತ್ರಣವು ಸಹ ಸಮಯ ತೆಗೆದುಕೊಳ್ಳುತ್ತಿದೆ, ಇದರಿಂದಾಗಿ ಅನ್‌ಡಾಕಿಂಗ್ ಮಾಡಲು ಸಾಧ್ಯವಿಲ್ಲ ಎಂದು ಹೇಳಿದರು.

ಜನವರಿ 16 ರಿಂದ ಡಾಕ್ ಮಾಡಲಾದ SDX-01 ಮತ್ತು SDX-02, ಡಾಕಿಂಗ್/ಅನ್‌ಲಾಕಿಂಗ್ ಕಾರ್ಯವಿಧಾನಗಳಿಗಾಗಿ ಕೆಲವು ಹೊಸ ತಂತ್ರಜ್ಞಾನಗಳನ್ನು ಹೊಂದಿವೆ. ಇವುಗಳಲ್ಲಿ ನಾಲ್ಕು ರೆಂಡೆಜ್ವಸ್ ಮತ್ತು ಡಾಕಿಂಗ್ ಸಂವೇದಕಗಳ ಸೂಟ್; ವಿದ್ಯುತ್ ವರ್ಗಾವಣೆ ತಂತ್ರಜ್ಞಾನ; ಎಸ್ ಡಿಎಕ್ಸ್-01 ಮತ್ತು ಎಸ್ ಡಿಎಕ್ಸ್-02 ನಡುವಿನ ಸ್ವಾಯತ್ತ ಸಂವಹನಕ್ಕಾಗಿ ಅಂತರ-ಉಪಗ್ರಹ ಸಂವಹನ ಲಿಂಕ್ (ISL), ಇತರ ಬಾಹ್ಯಾಕಾಶ ನೌಕೆಯ ಸ್ಥಿತಿಗಳನ್ನು ತಿಳಿಯಲು ಅಂತರ್ಗತ ಬುದ್ಧಿಮತ್ತೆಯೊಂದಿಗೆ ಸಂಯೋಜಿಸಲ್ಪಟ್ಟಿದೆ. ಇತರ ಬಾಹ್ಯಾಕಾಶ ನೌಕೆಯ ಸಾಪೇಕ್ಷ ಸ್ಥಾನ ಮತ್ತು ವೇಗವನ್ನು ನಿರ್ಧರಿಸಲು ಜಾಗತಿಕ ಸಂಚರಣೆ ಉಪಗ್ರಹ ವ್ಯವಸ್ಥೆ-ಆಧಾರಿತ ಸಾಪೇಕ್ಷ ಕಕ್ಷೆಯ ನಿರ್ಣಯ ಮತ್ತು ಪ್ರಸರಣ ಸಂಸ್ಕಾರಕ ಸೇರಿವೆ.

ನಿಗದಿತ ಸಮಯಮಿತಿ ಇಲ್ಲ

ಈ ಒಂದು ಅಥವಾ ಹೆಚ್ಚಿನ ವ್ಯವಸ್ಥೆಗಳಲ್ಲಿನ ವೈಪರೀತ್ಯಗಳು ಎರಡು ಬಾಹ್ಯಾಕಾಶ ನೌಕೆಗಳು ಸರಾಗವಾಗಿ ಅನ್‌ಡಾಕ್ ಆಗುವುದನ್ನು ತಡೆಯುವ ತಾಂತ್ರಿಕ ಸಮಸ್ಯೆಗಳನ್ನು ಉಂಟುಮಾಡುತ್ತಿರಬಹುದು. ಡಾಕಿಂಗ್ ಮತ್ತು ಅನ್‌ಡಾಕಿಂಗ್ ನ್ನು ಯಾವಾಗ ಮಾಡಬೇಕೆಂದು ಯಾವುದೇ ಸ್ಥಿರ ಸಮಯಮಿತಿ ಇಲ್ಲದಿದ್ದರೂ, ಈಗ ಎದುರಾಗಿರುವ ತಾಂತ್ರಿಕ ಸಮಸ್ಯೆಗಳು ಎರಡು ಬಾಹ್ಯಾಕಾಶ ನೌಕೆಗಳ ಮೇಲಿನ ಪೇಲೋಡ್ ಪ್ರಯೋಗಗಳ ಮೇಲೆ ಪರಿಣಾಮ ಬೀರಬಹುದು ಎಂದು ಹಿರಿಯ ವಿಜ್ಞಾನಿಗಳು ಹೇಳುತ್ತಾರೆ.

ಮಿಷನ್ ಯೋಜನೆಯ ಪ್ರಕಾರ, ಯಶಸ್ವಿ ಡಾಕಿಂಗ್ ನಂತರ, ಎರಡು ಬಾಹ್ಯಾಕಾಶ ನೌಕೆಗಳ ನಡುವಿನ ವಿದ್ಯುತ್ ವರ್ಗಾವಣೆಯನ್ನು ಬೇರ್ಪಡಿಸುವ ಮೊದಲು ಪ್ರದರ್ಶಿಸಬೇಕಾಗಿತ್ತು. ಬೇರ್ಪಟ್ಟ ನಂತರ, ಎಸ್ ಡಿಎಕ್ಸ್-01 ಮತ್ತು ಎಸ್ ಡಿಎಕ್ಸ್-02 ಎರಡು ವರ್ಷಗಳವರೆಗೆ ನಿರೀಕ್ಷಿತ ಮಿಷನ್ ಜೀವಿತಾವಧಿಗೆ ತಮ್ಮ ಪೇಲೋಡ್‌ಗಳನ್ನು ಕಾರ್ಯನಿರ್ವಹಿಸಲು ಪ್ರಾರಂಭಿಸಬೇಕಾಗಿತ್ತು.

ಎಸ್ ಡಿಎಕ್ಸ್-01 4.5 ಮೀ ತತ್‌ಕ್ಷಣದ ಜ್ಯಾಮಿತೀಯ ಕ್ಷೇತ್ರ ವೀಕ್ಷಣೆ (IGFOV) ಮತ್ತು 9.2 x 9.2 ಕಿಮೀ (ಸ್ನ್ಯಾಪ್‌ಶಾಟ್ ಮೋಡ್) ಮತ್ತು 9.2 x 4.6 ಕಿಮೀ (ವಿಡಿಯೋ ಮೋಡ್) ಹೊಂದಿರುವ ಹೈ-ರೆಸಲ್ಯೂಶನ್ ಕ್ಯಾಮೆರಾ (HRC) ನ್ನು 450 ಕಿಮೀ ಎತ್ತರದಿಂದ ಹೊಂದಿದೆ.

ಎಸ್ ಡಿಎಕ್ಸ್-02 ಎರಡು ಪೇಲೋಡ್‌ಗಳನ್ನು ಹೊತ್ತೊಯ್ಯುತ್ತಿದೆ - ಒಂದು ಮಿನಿಯೇಚರ್ ಮಲ್ಟಿ-ಸ್ಪೆಕ್ಟ್ರಲ್ ಪೇಲೋಡ್ (MMX), ಇದರ ಚಿತ್ರಣವು ನೈಸರ್ಗಿಕ ಸಂಪನ್ಮೂಲ ಮೇಲ್ವಿಚಾರಣೆ ಮತ್ತು ಸಸ್ಯವರ್ಗದ ಅಧ್ಯಯನಗಳಿಗೆ ಉಪಯುಕ್ತವಾಗಿದೆ. ಭಾರತದ ಮೊದಲ ಮಾನವಸಹಿತ ಬಾಹ್ಯಾಕಾಶ ಯಾನ ಗಗನ್ಯಾನ್‌ಗೆ ಸಂಬಂಧಿಸಿದ ಬಾಹ್ಯಾಕಾಶದಲ್ಲಿ ಎದುರಾಗುವ ವಿಕಿರಣ ಪ್ರಮಾಣವನ್ನು ಅಳೆಯಲು ಮತ್ತು ಡೇಟಾಬೇಸ್ ನ್ನು ಉತ್ಪಾದಿಸಲು ವಿಕಿರಣ ಮಾನಿಟರ್ ಪೇಲೋಡ್. ಇಸ್ರೋ ಡಿಸೆಂಬರ್ 30, 2024 ರಂದು ಶ್ರೀಹರಿಕೋಟದಿಂದ ಪಿಎಸ್ ಎಲ್ ವಿ-ಸಿ60 ಯೊಂದಿಗೆ ಸ್ಪೇಸ್ ಡೆಕ್ಸ್ ಮಿಷನ್ ನ್ನು ಪ್ರಾರಂಭಿಸಿತು.