ಲೋಕಸಭಾ ಚುನಾವಣೆ 2024: ಮೇ 7ಕ್ಕೆ 2ನೇ ಹಂತದ ಚುನಾವಣೆ, 2.5 ಕೋಟಿ ಮತದಾರರು ಅರ್ಹರು

ಬೆಂಗಳೂರು: ಮೇ.7 ರಂದು ರಾಜ್ಯದ 14 ಲೋಕಸಭಾ ಕ್ಷೇತ್ರಗಳಲ್ಲಿ ನಡೆಯುವ 2ನೇ ಹಂತದ ಚುನಾವಣೆಯಲ್ಲಿ 2.5 ಕೋಟಿಗೂ ಹೆಚ್ಚು ಮತದಾರರು ತಮ್ಮ ಮತ ಹಕ್ಕು ಚಲಾಯಿಸಲಿದ್ದಾರೆ.

ಎರಡನೇ ಹಂತದಲ್ಲಿ ಚಿಕ್ಕೋಡಿ, ಬೆಳಗಾವಿ, ಬಾಗಲಕೋಟೆ, ಬಿಜಾಪುರ ( ಎಸ್​ಸಿ ), ಕಲಬುರಗಿ ( ಎಸ್​ಟಿ ), ರಾಯಚೂರು (ಎಸ್​ಟಿ) ಬೀದರ್​, ಕೊಪ್ಪಳ, ಬಳ್ಳಾರಿ (ಎಸ್​ಟಿ), ಹಾವೇರಿ, ಧಾರವಾಡ, ಉತ್ತರ ಕನ್ನಡ, ದಾವಣಗೆರೆ, ಶಿವಮೊಗ್ಗ ಕ್ಷೇತ್ರಗಳಿಗೆ ಮತದಾನ ನಡೆಯಲಿದೆ.

ಈ ಕ್ಷೇತ್ರಗಳಲ್ಲಿ 1,29,83,406 ಪುರುಷರು, 1,29,67,607 ಮಹಿಳೆಯರು, 1,945 ತೃತೀಯಲಿಂಗಿಗಳು, 3,43,966 ವಿಕಲಚೇತನರು, 2,29,263 ಮತದಾರರು 85 ವರ್ಷಕ್ಕಿಂತ ಮೇಲ್ಪಟ್ಟವರು. 6,90,929 ಮೊದಲ ಬಾರಿಗೆ ಮತದಾರರು ಇದ್ದಾರೆ. ಈ ಚುನಾವಣೆಯಲ್ಲಿ ಪುರುಷ ಮತದಾರರಿಗಿಂತ ಮಹಿಳಾ ಮತದಾರರ ಸಂಖ್ಯೆ ಹೆಚ್ಚಾಗಿದೆ. ಗುಲ್ಬರ್ಗ ಲೋಕಸಭಾ ಕ್ಷೇತ್ರದಲ್ಲಿ ಅತಿ ಹೆಚ್ಚು ಅಂದರೆ 20,98,202 ಮತದಾರರಿದ್ದರೆ, ಉತ್ತರ ಕನ್ನಡದಲ್ಲಿ ಅತಿ ಕಡಿಮೆ ಅಂದರೆ 16,41,156 ಮತದಾರರಿದ್ದಾರೆ.

ಹಂತ-1 ಮತ್ತು ಹಂತ-2 ಎರಡರಲ್ಲೂ ಒಟ್ಟು ಮತದಾರರ ಸಂಖ್ಯೆ 5,47,72,300 ಆಗಿದ್ದು, 58,871 ಮತಗಟ್ಟೆಗಳಲ್ಲಿ ಮತ ಚಲಾಯಿಸಲಿದ್ದಾರೆ. ಇಡೀ ರಾಜ್ಯದಲ್ಲಿ 2,74,11,505 ಪುರುಷ ಮತದಾರರು, 2,73,55,783 ಮಹಿಳೆಯರು ಮತ್ತು 5,012 ತೃತೀಯಲಿಂಗಿ ಮತದಾರರಿದ್ದಾರೆ.

ಶೋರಾಪುರ ವಿಧಾನಸಭಾ ಕ್ಷೇತ್ರದ ಉಪಚುನಾವಣೆಯಲ್ಲಿ ಒಟ್ಟು 2,83,148 ಮತದಾರರಿದ್ದು, 6,714 ಮೊದಲ ಬಾರಿ ಮತಹಕ್ಕು ಚಲಾಯಿಸುತ್ತಿರುವ ಮತದಾರರು, 2,383 ಜನರು 85 ವರ್ಷಕ್ಕಿಂತ ಮೇಲ್ಪಟ್ಟವರು ಮತ್ತು 3,819 ವಿಕಲಚೇತನರಿದ್ದಾರೆಂದು ಚುನಾವಣಾಧಿಕಾರಿಗಳು ಮಾಹಿತಿ ನೀಡಿದ್ದಾರೆ.