'ನಾ ನಾಯಕಿ' ಸಮಾವೇಶದಲ್ಲಿ ವೇದಿಕೆ ಏರಲು ಅನುಮತಿ ನೀಡದ್ದು ನಾನು ಮುಸ್ಲಿಂ ಮಹಿಳೆ ಎಂಬ ಕಾರಣಕ್ಕಾ? 'ಕೈ' ನಾಯಕರ ವಿರುದ್ಧ ನಫೀಸಾ ಫಸಲ್ ಕಿಡಿ!

ಬೆಂಗಳೂರು: ಬೆಂಗಳೂರಿನಲ್ಲಿ ಸೋಮವಾರ ನಡೆದ ಪಕ್ಷದ ಕಾರ್ಯಕ್ರಮದ ವೇಳೆ ಕಾಂಗ್ರೆಸ್ ಕಾರ್ಯಕರ್ತರು ಮತ್ತು ಪೊಲೀಸ್ ಅಧಿಕಾರಿಗಳು ತಮ್ಮೊಂದಿಗೆ ನಡೆದುಕೊಂಡ ರೀತಿಗೆ ಮಾಜಿ ಸಚಿವ ನಫೀಸ್ ಫಜಲ್ ಅಸಮಾಧಾನ ವ್ಯಕ್ತಪಡಿಸಿದ್ದು, ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಅವರ ಗಮನಕ್ಕೆ ತರಲು ನಿರ್ಧರಿಸಿದ್ದಾರೆ.

ಎಐಸಿಸಿ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ಗಾಂಧಿ ಭಾಗವಹಿಸಿದ್ದ ಕಾರ್ಯಕ್ರಮದಲ್ಲಿ ಪಕ್ಷದ ಇತರ ಮಾಜಿ ಸಚಿವೆಯರೊಂದಿಗೆ ಕುಳಿತುಕೊಳ್ಳಲು ವೇದಿಕೆಗೆ ತೆರಳಿದಾಗ ಮಹಿಳಾ ಪೊಲೀಸ್ ಅಧಿಕಾರಿಗಳು ತಮ್ಮ ಮೇಲೆ ಹಲ್ಲೆ ನಡೆಸಿ ಅಲ್ಲಿಂದ ಎಳೆದು ಕೆಳಗೆ ತಳ್ಳಿದರು ಎಂದು ಮಾಜಿ ಸಚಿವೆ ಆರೋಪಿಸಿದ್ದಾರೆ.

ನಾ ನಾಯಕಿ ಕಾರ್ಯಕ್ರಮದಲ್ಲಿ ವೇದಿಕೆ ಹತ್ತಲು ಹೋದಾಗ ನಿಮಗೆ ವೇದಿಕೆ ಹತ್ತಲು ಅನುಮತಿ ನೀಡಿಲ್ಲ, ನಡೆಯಿರಿ ಎಂದು ಪೊಲೀಸರು ಕೈ ಹಿಡಿದು ಕೆಳಗೆ ಎಳೆದೊಯ್ದರು ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.

ನಾನು ಬಿಜೆಪಿ ಸೇರಿದ್ದೇನೆ ಎಂದು ಪಕ್ಷದಲ್ಲೇ ಕೆಲವರು ಅಪಪ್ರಚಾರ ಮಾಡಿದ್ದಾರೆ. ನಾನು ಈಗಲೂ ಕಾಂಗ್ರೆಸ್‌ ಪಕ್ಷದ ಪ್ರಾಥಮಿಕ ಸದಸ್ಯತ್ವ ಹೊಂದಿದ್ದೇನೆ” ಎಂದಿದ್ದಾರೆ. ಮಹಿಳಾ ಸಮಾವೇಶ ಆಗಿದ್ದರಿಂದ ಎಲ್ಲರಿಗೂ ಒಂದೇ ರೀತಿಯ ಪಾಸ್‌ ಕೊಟ್ಟಿದ್ದೇವೆ, ಬರಬಹುದು ಎಂದು ಉಮಾಶ್ರೀ ಅವರು ಹೇಳಿದ್ದರು. ಹೀಗಾಗಿ ವೇದಿಕೆ ಹತ್ತಲು ಹೋದೆ. ಆದರೆ, ವೇದಿಕೆ ಹತ್ತಲು ವಿಶೇಷ ಪಾಸ್‌ ಮಾಡಿದ್ದರು ಎಂಬ ಮಾಹಿತಿ ಗೊತ್ತಿರಲಿಲ್ಲ. ಆ ವಿಷಯ ಗೊತ್ತಿದ್ದರೆ ನಾನು ವೇದಿಕೆ ಹತ್ತಲು ಹೋಗುತ್ತಿರಲಿಲ್ಲ” ಎಂದರು.

ಇದನ್ನೂ ಓದಿ: 'ನಾ ನಾಯಕಿ' ಎಂದು ಸ್ವಯಂ ಘೋಷಣೆ ಮಾಡಿಕೊಳ್ಳುತ್ತಿರುವುದು ವಿಪರ್ಯಾಸ: ಕಾಂಗ್ರೆಸ್ ಕಾರ್ಯಕ್ರಮಕ್ಕೆ ಸಿಎಂ ವ್ಯಂಗ್ಯ

ಪಕ್ಷದ ಎಲ್ಲಾ ಮಾಜಿ ಮಹಿಳಾ ಮಂತ್ರಿಗಳು ವೇದಿಕೆಯಲ್ಲಿದ್ದರು, ಆದರೆ ನನ್ನನ್ನು ಮಾತ್ರ ಏಕೆ ಕೈಬಿಡಲಾಗಿದೆ ಎಂದು ಫಜಲ್ ಪಕ್ಷದ ನಾಯಕರನ್ನು ಪ್ರಶ್ನಿಸಿದರು. “ನನ್ನನ್ನು ಏಕೆ ಗುರಿಯಾಗಿಸಲಾಗುತ್ತಿದೆ ಮತ್ತು ಹೊರಗಿಡಲಾಗಿದೆ? ಯಾಕೆಂದರೆ ನಾನು ಮುಸ್ಲಿಂ ಮಹಿಳೆ?” ಎಂಬ ಕಾರಣಕ್ಕಾ ಎಂದು ಪ್ರಶ್ನಿಸಿದ್ದಾರೆ.

ಈ ಸಂಬಂಧ ಬೆಂಗಳೂರು ನಗರ ಪೊಲೀಸ್ ಕಮಿಷನರ್‌ಗೆ ಪತ್ರ ಬರೆದಿದ್ದು, ನನ್ನನ್ನು ಹಿಂಸಿಸಿ ವೇದಿಕೆಯಿಂದ ಕೆಳಕ್ಕೆ ಎಳೆಯಲು ಯಾರು ಆದೇಶಿಸಿದ್ದರು  ಎಂಬುದನ್ನು ವಿಚಾರಿಸುವಂತೆ ಮನವಿ ಮಾಡಿದ್ದಾರೆ.

ನಾನು ಹೊರಡಲು ಸಿದ್ಧನಿದ್ದೇನೆ ಮತ್ತು ನಾನು ಹಿರಿಯ ನಾಗರಿಕ ಮತ್ತು ಹೃದಯದ ಸಮಸ್ಯೆಯಿರುವ ಬಿಪಿ ರೋಗಿಯಾಗಿರುವುದರಿಂದ ನನ್ನನ್ನು ನೋಯಿಸಬೇಡಿ ಎಂದು ಅವರನ್ನು ವಿನಂತಿಸಿದೆ. ನಾಗರಿಕರೊಂದಿಗೆ, ವಿಶೇಷವಾಗಿ ಮಾಜಿ ಸಚಿವರೊಂದಿಗೆ ವರ್ತಿಸುವ ರೀತಿ ಇದು ಅಲ್ಲ ಎಂದು ಅವರು ಪೊಲೀಸ್ ಆಯುಕ್ತರಿಗೆ ಬರೆದ ಪತ್ರದಲ್ಲಿ ತಿಳಿಸಿದ್ದಾರೆ.