ರಾಜ್ಯಾದ್ಯಂತ ರಸಗೊಬ್ಬರದ ಕೊರತೆ, ರೈತರ ದೂರು

ಬೆಂಗಳೂರು: ಇದು ಮುಂಗಾರು ಹಂಗಾಮಿನ ಕಾಲವಾಗಿದ್ದು, ಬಿತ್ತನೆ ಕಾರ್ಯ ಆರಂಭವಾಗಿದೆ. ರಸಗೊಬ್ಬರಗಳು ಹೆಚ್ಚು ಅಗತ್ಯವಿರುವ ಸಮಯ ಇದು. ಆದರೆ, ರಸಗೊಬ್ಬರ ಪೂರೈಕೆಯಲ್ಲಿ ತೀವ್ರ ಕೊರತೆಯಾಗಿದೆ. ಇಂತಹ ಸಂದರ್ಭದಲ್ಲಿ ರೈತರ ಕೃಷಿ ಚಟುವಟಿಕೆಗಳಿಗೆ ಕಾಳ ಸಂತೆ ಮಾರುಕಟ್ಟೆಗಳು ನಿರ್ಣಾಯಕವಾಗಿವೆ ಎಂದು ರಾಜ್ಯಾದ್ಯಂತ ರೈತರು ದೂರುತ್ತಿದ್ದಾರೆ.

ಜೂನ್ ಮತ್ತು ಜುಲೈನಲ್ಲಿ ಬೇಡಿಕೆಯು ಅತ್ಯಧಿಕವಾಗಿರುತ್ತದೆ. ಯಾವುದೇ ಕೊರತೆಯು ಪೂರೈಕೆಯ ಕೊರತೆ ಅಥವಾ ನಿರ್ಲಜ್ಜ ವ್ಯಾಪಾರಿಗಳಿಂದ ಸಂಗ್ರಹಣೆಯಿಂದಾಗಿ ಕೃಷಿ ಉತ್ಪಾದನೆಯಲ್ಲಿ ದೊಡ್ಡ ಕೊರತೆಗೆ ಕಾರಣವಾಗುತ್ತಿದೆ.

'ವ್ಯಾಪಾರಿಗಳು ವಾಸ್ತವಿಕ ಬೆಲೆಗಿಂತ ಹೆಚ್ಚಿನ ದರ ವಸೂಲಿ ಮಾಡುತ್ತಿದ್ದಾರೆ. ಬಡ ರೈತರು ಅದನ್ನು ಹೇಗೆ ಭರಿಸುತ್ತಾರೆ? ಇಂದು ಕಲಬುರಗಿಯ ಅಫಜಲಪುರದ ತಹಶೀಲ್ದಾರ್ ಕಚೇರಿ ಎದುರು 200 ರೈತರ ಗುಂಪು ನಮ್ಮ ಉತ್ಪನ್ನಗಳನ್ನು ಹೊತ್ತುಕೊಂಡು ಪ್ರತಿಭಟನೆ ನಡೆಸಲಿದ್ದೇವೆ  ಎಂದು ರೈತ ಮುಖಂಡ ರಮೇಶ ಹೂಗಾರ ಹೇಳಿದರು.

ಅಫಜಲಪುರದ ರೈತ ಬಾಗಣ್ಣ ಕುಂಬಾರ ಮಾತನಾಡಿ, ‘‘ಡಿಎಪಿ ನಿಗದಿತ ಬೆಲೆಗಿಂತ 300 ರೂ.ಗೆ ಮಾರಾಟವಾಗುತ್ತಿದೆ. ಈ ಕುರಿತು ಕೃಷಿ ಅಧಿಕಾರಿಗಳಿಗೆ ದೂರು ನೀಡಿದ್ದೇವೆ.’’ ರಾಜ್ಯಾದ್ಯಂತ ಪ್ರತಿಭಟನೆಗಳು ನಡೆಯುತ್ತಿವೆ. ಕೆಲವು ವಾರಗಳ ಹಿಂದೆ ಕುರುಬೂರು ಶಾಂತಕುಮಾರ್ ನೇತೃತ್ವದಲ್ಲಿ ಮೈಸೂರು ಜಿಲ್ಲೆಯಲ್ಲಿ ರೈತರು ಪ್ರತಿಭಟನೆ ನಡೆಸಿದ್ದರು ಎಂದು ಹೇಳಿದರು.

ಸರ್ಕಾರದ ನಿರ್ಲಕ್ಷ್ಯದಿಂದ ರಸಗೊಬ್ಬರ ಕೊರತೆ: ಸಿದ್ದರಾಮಯ್ಯ:  ಕೊಡಗು, ಹಾಸನ ಜಿಲ್ಲೆಗಳಲ್ಲೂ ರಸಗೊಬ್ಬರದ ಕೊರತೆ ಇದೆ. ಕಾಳಸಂತೆ ಹಾಗೂ ಸರಬರಾಜಿನ ಕೊರತೆಯಲ್ಲದೆ, ಕೋಲಾರದ ರೈತರಿಗೆ ನಕಲಿ ಬ್ರಾಂಡ್‌ನ ರಸಗೊಬ್ಬರಗಳನ್ನು ಸರಬರಾಜು ಮಾಡಲಾಗುತ್ತಿದೆ ಎಂದು ರೈತರು ದೂರಿದ್ದಾರೆ. ಜೆಡಿಎಸ್ ಮುಖಂಡ, ಮಾಜಿ ಮುಖ್ಯಮಂತ್ರಿ ಹೆಚ್.ಡಿ.ಕುಮಾರಸ್ವಾಮಿ ಮಾತನಾಡಿ, ''ರಾಜ್ಯದಾದ್ಯಂತ ರಸಗೊಬ್ಬರ ಕೊರತೆ ಹಾಗೂ ಕಾಳಸಂತೆ ಕುರಿತು ಸಾಕಷ್ಟು ದೂರುಗಳು ಬಂದಿರುವುದಾಗಿ ತಿಳಿಸಿದರು.

ಇದನ್ನೂ ಓದಿ: ಕೊಡಗಿನಲ್ಲಿ ರಸಗೊಬ್ಬರಗಳ ತೀವ್ರ ಕೊರತೆ: ಕೃಷಿ ಚಟುವಟಿಕೆಗಳ ಮೇಲೆ ಗಂಭೀರ ಪರಿಣಾಮ

ಮಾಜಿ ಸಿಎಂ ಸಿದ್ದರಾಮಯ್ಯ ಮಾತನಾಡಿ, ''ರಾಜ್ಯದ ಬಹುತೇಕ ಕಡೆ ರಸಗೊಬ್ಬರದ ಕೊರತೆ ಇದೆ. ಕೃಷಿ ಚಟುವಟಿಕೆಗಳು ಪ್ರಾರಂಭವಾಗುವ ಮೊದಲೇ ಸರ್ಕಾರವು ಬೀಜಗಳು ಮತ್ತು ರಸಗೊಬ್ಬರಗಳನ್ನು ಸಂಗ್ರಹಿಸಿ ಅಗತ್ಯಕ್ಕೆ ಅನುಗುಣವಾಗಿ ಪೂರೈಸಬೇಕು. ಸರಕಾರದ ನಿರ್ಲಕ್ಷ್ಯವೇ ಈಗ ಕೊರತೆಗೆ ಕಾರಣವಾಗಿದೆ. ಈಗಲಾದರೂ ಎಚ್ಚೆತ್ತುಕೊಳ್ಳಬೇಕು. ಈ ಬಗ್ಗೆ ಕೃಷಿ ಸಚಿವರೊಂದಿಗೆ ದೂರವಾಣಿ ಮೂಲಕ ಮಾತನಾಡಿದ್ದೇನೆ ಎಂದರು.

 ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ್ ಮಾತನಾಡಿ, ರಸಗೊಬ್ಬರಗಳ ಕೊರತೆ ಹಾಗೂ ಕಾಳ ಸಂತೆ ಅವ್ಯವಹಾರ ಅವ್ಯಾಹತವಾಗಿ ನಡೆಯುತ್ತಿದೆ. ಸರ್ಕಾರಕ್ಕೆ ರೈತರ ಕಷ್ಟಗಳನ್ನು ನೋಡುವ ಕಣ್ಣುಗಳಾಗಲೀ, ಅರ್ಥಮಾಡಿಕೊಳ್ಳುವ ಹೃದಯವಾಗಲೀ ಇಲ್ಲ ಎಂದರು. ಅರ್ಥಶಾಸ್ತ್ರಜ್ಞ ಆರ್.ಎಸ್.ದೇಶಪಾಂಡೆ ಮಾತನಾಡಿ, ''ಗೊಬ್ಬರದ ಕೊರತೆಯಾದರೆ ಅದು ಕೃಷಿ ಇಲಾಖೆ ಮತ್ತು ರಾಜ್ಯ ಸರಕಾರದ ವೈಫಲ್ಯ ಎಂದು ತಿಳಿಸಿದರು.

ರಾಜ್ಯದಲ್ಲಿ ರಸಗೊಬ್ಬರ ಕೊರತೆಯಿಲ್ಲ ಎಂಬ ಸಚಿವ ಬಿ.ಸಿ. ಪಾಟೀಲ್ ವಿರುದ್ಧ ವಾಗ್ದಾಳಿ ನಡೆಸಿದ ಮಾಜಿ ಕೃಷಿ ಸಚಿವ ಹಾಗೂ ಕಾಂಗ್ರೆಸ್ ಮುಖಂಡ ಕೃಷ್ಣ ಬೈರೇಗೌಡ, ರಸಗೊಬ್ಬರಗಳು ಕೆಟ್ಟು ಹೋಗದ ಕಾರಣ ನಮ್ಮಲ್ಲಿ ಏಕೆ ಹೆಚ್ಚುವರಿ ದಾಸ್ತಾನುಗಳನ್ನು ಹೊಂದಲು ಸಾಧ್ಯವಿಲ್ಲ? ಹಲವು ವರ್ಷಗಳಿಂದ ರಸಗೊಬ್ಬರ ಕೊರತೆಯ ಬಗ್ಗೆ ಕೇಳಿದ್ದೇವೆ. ಇರುವೆಗಳು ಕೂಡ ಮಳೆಗಾಲಕ್ಕೆ ಯೋಜನೆ ರೂಪಿಸುತ್ತವೆ. ನಮಗೆ ಸಾಧ್ಯವಿಲ್ಲವೇ? ಯಾವುದೇ ಸಮಸ್ಯೆ ಇಲ್ಲ, ‘ಸರ್ಕಾರ ಸಮಸ್ಯೆ ಬಗೆಹರಿಸುವ ಬದಲು ಅದನ್ನು ನಿರಾಕರಿಸುತ್ತಿದೆ ಎಂದು ಟೀಕಿಸಿದರು. 

 ಕೃಷಿ ಇಲಾಖೆಯ ಅಧಿಕಾರಿಯೊಬ್ಬರು ಮಾತನಾಡಿ ''ಯಾವುದೇ ಕೊರತೆ ಇಲ್ಲ. ಸಮಸ್ಯೆಯಿದ್ದರೆ, ಅದು ಕೇವಲ ಲಾಜಿಸ್ಟಿಕ್ಸ್ ಸಮಸ್ಯೆಗಳಿಂದಾಗಿರುತ್ತದೆ ಮತ್ತು ನಾವು ಅವುಗಳನ್ನು ತಕ್ಷಣವೇ ಪರಿಹರಿಸುತ್ತೇವೆ. ಸೋಮವಾರ ಕೊಡಗು ಮತ್ತು ಹಾಸನಕ್ಕೆ ರಸಗೊಬ್ಬರ ದಾಸ್ತಾನು ಕಳುಹಿಸುತ್ತೇವೆ ಎಂದು ಹೇಳಿದರು.