ಬೆಂಗಳೂರಿನ ಕೆಎಸ್ಆರ್, ಕಂಟೋನ್ಮೆಂಟ್ ರೈಲು ನಿಲ್ದಾಣಗಳಲ್ಲಿ ಡಿಜಿಟಲ್ ಸ್ಮಾರ್ಟ್ ಲಾಕರ್‌ ಸೌಲಭ್ಯ

ಬೆಂಗಳೂರು: ಬೆಂಗಳೂರು ರೈಲ್ವೆ ವಿಭಾಗವು ಕ್ರಾಂತಿ ವೀರ ಸಂಗೊಳ್ಳಿ ರಾಯಣ್ಣ ಮತ್ತು ಬೆಂಗಳೂರು ಕಂಟೋನ್ಮೆಂಟ್ ರೈಲು ನಿಲ್ದಾಣಗಳಲ್ಲಿ ಡಿಜಿಟಲ್ ಸ್ಮಾರ್ಟ್ ಕ್ಲೋಕ್ ರೂಮ್‌ಗಳನ್ನು (ಡಿಜಿಲಾಕರ್‌ಗಳು) ಪ್ರಾರಂಭಿಸಿದೆ.

ಈ ಕುರಿತು ಹೆಚ್ಚುವರಿ ವಿಭಾಗೀಯ ರೈಲ್ವೆ ವ್ಯವಸ್ಥಾಪಕಿ ಕುಸುಮಾ ಹರಿಪ್ರಸಾದ್ ಮಾಹಿತಿ ನೀಡಿದ್ದು, “ಪ್ರಯಾಣಿಕರು KLOAK ಅಪ್ಲಿಕೇಶನ್ ಬಳಸಿ ಲಾಕರ್‌ಗಳನ್ನು ನಿರ್ವಹಿಸಬಹುದು ಮತ್ತು ಪಾವತಿಗಳು ಸೇರಿದಂತೆ ಎಲ್ಲಾ ಕಾರ್ಯಾಚರಣೆಗಳನ್ನು ಆನ್‌ಲೈನ್‌ನಲ್ಲಿ ಮಾಡಲಾಗುತ್ತದೆ. ಆರಂಭಿಕ ಹಂತದಲ್ಲಿ, ಸ್ಮಾರ್ಟ್‌ಫೋನ್‌ಗಳಿಲ್ಲದ ಪ್ರಯಾಣಿಕರಿಗೆ ಸಹಾಯ ಮಾಡಲು ಲಾಕರ್‌ಗಳ ಬಳಿ ನಿರ್ವಾಹಕರನ್ನು ಇರಿಸಲಾಗುತ್ತದೆ ಎಂದು ಹೇಳಿದರು.

ಇದನ್ನೂ ಓದಿ: ಜಿಆರ್ ಪಿ ಕ್ಷಿಪ್ರ ಕಾರ್ಯಾಚರಣೆ: ರೈಲ್ವೆ ನಿಲ್ದಾಣದಲ್ಲಿ ಮರೆತಿದ್ದ ದಂಪತಿಗಳಿಗೆ ಮರಳಿ ಸಿಕ್ಕಿತು 13 ಲಕ್ಷ ರೂ. ಮೌಲ್ಯದ  ವಸ್ತುಗಳು!

ಡಿಜಿಟಲ್ ಲಾಕರ್ ಅನ್ನು ಪಡೆಯಲು 12 ಗಂಟೆಗಳ ಅವಧಿಗೆ ರೂ 100 ಮತ್ತು ಪೂರ್ಣ ದಿನಕ್ಕೆ ರೂ 150 ರೂ ನಿಗದಿಪಡಿಸಲಾಗಿರುತ್ತದೆ. ಸಾಮಾನ್ಯ ಕ್ಲೋಕ್ ರೂಮ್‌ಗಳಲ್ಲಿ ಅನುಗುಣವಾದ ಶುಲ್ಕಗಳು ರೂ 30 ಮತ್ತು ರೂ 50 ಆಗಿರಲಿದೆ ಎಂದು ಹೇಳಿದರು. ಡಿಜಿಟಲ್ ಕ್ಲೋಕ್ ರೂಂ ಗಳ ವೈಶಿಷ್ಟ್ಯಗಳನ್ನು ವಿವರಿಸುತ್ತಾ, ಪ್ರತಿ ಲಾಕರ್ ಐಟಂಗೆ ಪೂರ್ವನಿಯೋಜಿತವಾಗಿ ರೂ 5,000 ವರೆಗೆ ವಿಮೆ ಮಾಡಲಾಗುವುದು. ಪ್ರತಿ ಲಾಕರ್ ಎರಡರಿಂದ ಮೂರು ಏರ್ ಬ್ಯಾಗ್ ಗಳನ್ನು ತೆಗೆದುಕೊಳ್ಳಬಹುದು. ಪ್ರತಿ ಬ್ಯಾಗ್‌ಗೆ ಬದಲಾಗಿ ಲಾಕರ್‌ಗೆ ಬೆಲೆ ಇರುತ್ತದೆ ಎಂದು ಕುಸುಮಾ ಹರಿಪ್ರಸಾದ್ ಹೇಳಿದರು.