ಕಾರವಾರದಲ್ಲಿ ಕ್ಯಾಸಿನೊ ಸ್ಥಾಪನೆ: ಶಿವರಾಮ ಹೆಬ್ಬಾರ್ ಹೇಳಿಕೆಗೆ ಸಾರ್ವಜನಿಕರು, ಬುದ್ಧಿಜೀವಿಗಳ ಆಕ್ರೋಶ

ಕಾರವಾರ: ಉತ್ತರ ಕರ್ನಾಟಕ ಜಿಲ್ಲೆಯಲ್ಲಿ ಪ್ರವಾಸಿಗರು, ನಿವಾಸಿಗಳನ್ನು ಆಕರ್ಷಿಸಲು ಕ್ಯಾಸಿನೋಗಳನ್ನು ತೆರೆಯುವ ಅಗತ್ಯವಿದೆ ಎಂದು ಕಾರ್ಮಿಕ ಸಚಿವ ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವ ಶಿವರಾಂ ಹೆಬ್ಬಾರ್ ಹೇಳಿಕೆಗೆ ತೀವ್ರ ವಿರೋಧ ವ್ಯಕ್ತವಾಗಿದೆ.

ಸಚಿವ ಶಿವರಾಮ್ ಹೆಬ್ಬಾರ್ ಅವರ ಹೇಳಿಕೆಗೆ ಸಾಮಾಜಿಕ ಕಾರ್ಯಕರ್ತರು ಮತ್ತು ಸಾರ್ವಜನಿಕರು ತೀವ್ರ ಆಕ್ರೋಶ ವ್ಯಕ್ತ ಪಡಿಸಿದ್ದಾರೆ.

ಗೋವಾ ಮಾದರಿ ಪ್ರವಾಸೋದ್ಯಮ ಕಾರವಾರಕ್ಕೆ ಪರಿಚಯಿಸಿದ್ರೆ ಪ್ರವಾಸೋದ್ಯಮ ಬೆಳೆಯಲು ಸಾದ್ಯ ಎಂದರು. ಉತ್ತರ ಕನ್ನಡ ಜಿಲ್ಲೆಯ ಕಾರವಾರಕ್ಕೆ ಗೋವಾ ಮಾದರಿ ಪ್ರವಾಸೋದ್ಯಮ ಪರಿಚಯಿಸುವ ಅವಶ್ಯಕತೆ ಇದೆ ಗೋವಾ ಮಾದರಿ ಪ್ರವಾಸೋದ್ಯಮ ಪರಿಚಯಿಸಿದ್ದಲ್ಲಿ ಮಾತ್ರ ಕಾರವಾರ ಪ್ರವಾಸೋದ್ಯಮ ಬೆಳಿಯಲು ಸಾದ್ಯ ಎಂದು ಸಚಿವ ಶಿವರಾಮ್ ಹೆಬ್ಬಾರ್ ಹೇಳಿದ್ದರು.

ನೆರೆಯ ಗೋವಾ, ಉತ್ತರ ಕನ್ನಡ ಜಿಲ್ಲೆಗೆ ಹೋಲಿಸಿದರೆ ತೀರಾ ಚಿಕ್ಕ ಭೌಗೋಳಿಕ ಪ್ರದೇಶ ಹಾಗೂ ಕಡಿಮೆ ಜನಸಂಖ್ಯೆಯನ್ನು ಹೊಂದಿದ್ದರೂ, ಜಗತ್ತಿನಾದ್ಯಂತ ಎಲ್ಲಾ ಕಡೆಯಿಂದ ಭಾರಿ ಸಂಖ್ಯೆಯ ಪ್ರವಾಸಿಗರನ್ನು ಆಕರ್ಷಿಸುತ್ತಿದೆ ಎಂದು ಹೇಳಿದ್ದಾರೆ.  'ಆ ರಾಜ್ಯದ ಮುಖ್ಯ ಆದಾಯವೇ ಪ್ರವಾಸೋದ್ಯಮ. ಹೀಗಾಗಿ ಅವರೊಂದಿಗೆ ಸ್ಪರ್ಧಿಸುವ ಮಟ್ಟಕ್ಕೆ ನಾವೂ ಕೂಡ ಬೆಳೆಯಬೇಕು' ಎಂದು ಅಭಿಪ್ರಾಯಪಟ್ಟಿದ್ದಾರೆ.

ಗೋವಾದಲ್ಲಿ ಇರುವ ಕ್ಯಾಸಿನೊದಲ್ಲಿ ಕಾರವಾರದ ಜನ ಹೋಗಿ ಎಂಜಾಯ್ ಮಾಡುವ ಬದಲು ಕಾರವಾರದಲ್ಲೆ ಎಂಜಾಯ್ ಮಾಡಲಿ. ಗೋವಾ ಸಮುದ್ರ ದಲ್ಲಿ ಕ್ಯಾಸಿನೊ ಇರತ್ತೆ ಕಾರವಾರ ರವೀಂದ್ರನಾಥ ಕಡಲತೀರ ವ್ಯಾಪ್ತಿಯಲ್ಲಿ ಇದ್ರೆ ಏನು ತಪ್ಪು? ಎಂದು ಪ್ರವಾಸೋದ್ಯಮ ಕ್ಕೆ ಅಡ್ಡಗಾಲು ಹಾಕುವವರನ್ನ ಪ್ರಶ್ನಿಸಿದ್ದಾರೆ.

ಇದನ್ನೂ ಓದಿ: ದಿ.ಇಂದಿರಾಗಾಂಧಿ ಅವರ ಮೇಲೆ ನಮಗೆ ಮಮತೆಯೂ ಇಲ್ಲ, ದ್ವೇಷವೂ ಇಲ್ಲ: ಶಿವರಾಮ್ ಹೆಬ್ಬಾರ್

ಸಚಿವರ ಹೇಳಿಕೆಗೆ ಹಲವಾರು ಬುದ್ಧಿಜೀವಿಗಳು ಕಳವಳ ವ್ಯಕ್ತಪಡಿಸಿದ್ದಾರೆ. ಅವರು ಕ್ಯಾಸಿನೋಗಳನ್ನು ತೆರೆಯುವ ಬಗ್ಗೆ ಮಾತನಾಡಬಾರದಿತ್ತು. ಇದು ಅನೇಕ ಜನರಿಗೆ ಕೋಪವನ್ನು ತರುತ್ತದೆ, ಕ್ಯಾಸಿನೊ ಇಲ್ಲದೆಯೂ ಪ್ರವಾಸೋದ್ಯಮವನ್ನು ಅಭಿವೃದ್ಧಿಪಡಿಸಲು ಮಾರ್ಗಗಳು ಮತ್ತು ವಿಧಾನಗಳಿವೆ ಕಾರ್ಯಕರ್ತ ಮಾರುತಿ ಹೇಳಿದ್ದಾರೆ.

ಗೋವಾ ಮಾದರಿಯಲ್ಲಿ ಪ್ರವಾಸೋದ್ಯಮವನ್ನು ಅಭಿವೃದ್ಧಿಪಡಿಸುವುದು ಸ್ವಾಗತಾರ್ಹ, ಆದರೆ ಕ್ಯಾಸಿನೊ ನಮ್ಮ ಸಂಸ್ಕೃತಿಯಲ್ಲಿಲ್ಲ, ಇದನ್ನು ನಾವು ವಿರೋಧಿಸುತ್ತೇವೆ ಎಂದು ಕನ್ನಡ ಸಾಹಿತ್ಯ ಪರಿಷತ್ತಿನ ಕಾರವಾರ ತಾಲೂಕು ಮಾಜಿ ಅಧ್ಯಕ್ಷ ರಾಮ ನಾಯ್ಕ ಹೇಳಿದರು.

ಪ್ರವಾಸೋದ್ಯಮಕ್ಕೆ ಉತ್ತೇಜನ ನೀಡುವುದು ಒಳ್ಳೆಯದು. ಕಡಲತೀರಗಳಲ್ಲಿ ಸಾಕಷ್ಟು ಸೌಕರ್ಯಗಳು ಮತ್ತು ಅಗತ್ಯ ಮೂಲಸೌಕರ್ಯಗಳನ್ನು ರಚಿಸಿ, ಆಗ ಜನರು ಹೆಚ್ಚಿನ ಸಂಖ್ಯೆಯಲ್ಲಿ ಬರುತ್ತಾರೆ. ನಂತರ, ಕ್ಯಾಸಿನೊಗಳು ಕಾರ್ಯಸಾಧ್ಯವೋ ಇಲ್ಲವೋ ಎಂದು ಯೋಚಿಸಿ. ನಿರ್ದಿಷ್ಟ ವರ್ಗದ ಜನರನ್ನು ಓಲೈಸುವುದನ್ನು ನಿಲ್ಲಿಸಿ. ರೈತರು ಮತ್ತು ಬಡವರ ಜೀವನವನ್ನು ಸುಧಾರಿಸುವತ್ತ ಗಮನಹರಿಸಿ. ಕೃಷಿ ಸವಲತ್ತುಗಳನ್ನು ಒದಗಿಸುವ ಮೂಲಕ ಮತ್ತು ಅಂಗನವಾಡಿಗಳನ್ನು ಸುಧಾರಿಸುವ ಮೂಲಕ ಮಕ್ಕಳಿಗೆ ಸೌಲಭ್ಯಗಳನ್ನು ನೀಡಿ ಎಂದು ಕೆಪಿಸಿಸಿ ಕಾರ್ಯದರ್ಶಿ ಗೋಪಾಲಕೃಷ್ಣ ನಾಯ್ಕ್,  ಶಿವರಾಮ್ಮ ಹೆಬ್ಬಾರ್  ಅವರಿಗೆ ಸಲಹೆ ನೀಡಿದ್ದಾರೆ.