ಕರ್ನಾಟಕ ಪೊಲೀಸ್ 'ಟೋಪಿ' ಮೇಲೆ ಲಖನೌ ಪೊಲೀಸರ ಕಣ್ಣು!
ಬಿಸಿಲಿನ ಜಳಕ್ಕೆ ಕಂಗಾಲಾಗಿರುವ ಉತ್ತರ ಪ್ರದೇಶದ ಲಖನೌ ಟ್ರಾಫಿಕ್ ಪೊಲೀಸರು ಇದೀಗ ಕರ್ನಾಟಕ ಪೊಲೀಸ್ ಟೋಪಿ ಮೇಲೆ ಕಣ್ಣಾಕಿದ್ದಾರೆ.
Published On :
ಬೆಂಗಳೂರು: ಬಿಸಿಲಿನ ಜಳಕ್ಕೆ ಕಂಗಾಲಾಗಿರುವ ಉತ್ತರ ಪ್ರದೇಶದ ಲಖನೌ ಟ್ರಾಫಿಕ್ ಪೊಲೀಸರು ಇದೀಗ ಕರ್ನಾಟಕ ಪೊಲೀಸ್ ಟೋಪಿ ಮೇಲೆ ಕಣ್ಣಾಕಿದ್ದಾರೆ.
ನಮ್ಮ ಕರ್ನಾಟಕ ಪೊಲೀಸರು ಕವ್ ಬಾಯ್ ಟೋಪಿಯನ್ನು ಬಳಸುತ್ತಿದ್ದಾರೆ. ಲಘು ತೂಕದ, ಗಾಳಿಯಾಡುವ ಮತ್ತು ಆರಾಮದಾಯಕವಾಗಿದ್ದು ಈ ರೀತಿಯ ಟೋಪಿಗಳನ್ನು ತಾವು ಬಳಸಲು ಲಖನೌ ಪೊಲೀಸರು ಮುಂದಾಗಿದ್ದಾರೆ.
ಸದ್ಯ ಲಖನೌ ಟ್ರಾಫಿಕ್ ಪೊಲೀಸರು ವುಲನ್ ಟೋಪಿಯನ್ನು ಬಳಸುತ್ತಿದ್ದು ಅದು ಬಿಸಿಲನ್ನು ತಡೆಯುತ್ತಿಲ್ಲ. ಹೀಗಾಗಿ ನಮ್ಮ ಸಿಬ್ಬಂದಿಗಳು ಹೈರಾಣಾಗಿದ್ದಾರೆ. ಅಲ್ಲದೆ ಈ ಟೋಪಿಗಳನ್ನು ಬದಲಿಸುವಂತೆ ಮನವಿ ಮಾಡಿದ್ದಾರೆ. ಇದರಿಂದಾಗಿ ನಾವು ಕರ್ನಾಟಕ ಟ್ರಾಫಿಕ್ ಪೋಲೀಸರು ಬಳಸುವ ಟೋಪಿಯನ್ನು ಬಳಸಲು ನಿರ್ಧರಿಸಿದ್ದೇವೆ ಎಂದು ಲಖನೌ ಹೆಚ್ಚುವರಿ ಆಯುಕ್ತ ಪುರ್ನೆಂದು ಸಿಂಗ್ ತಿಳಿಸಿದ್ದಾರೆ.
ನಮ್ಮ ಸಿಬ್ಬಂದಿಗಳು ಸಾಮಾಜಿಕ ಜಾಲತಾಣದಲ್ಲಿ ಇತರ ರಾಜ್ಯದ ಟ್ರಾಫಿಕ್ ಪೊಲೀಸರು ಬಳಸುವ ಟೋಫಿಗಳನ್ನು ನೋಡಿದ್ದಾರೆ. ಆಗ ಅವರಿಗೆ ಕರ್ನಾಟಕ ಪೊಲೀಸರು ಬಳಸುತ್ತಿರುವ ಟೋಪಿಗಳು ತಮ್ಮ ಉಡುಪಿಗೂ ಹೊಂದುತ್ತದೆ ಹಾಗೂ ಅವು ಹೆಚ್ಚು ಆರಾಮಾದಾಯವಾಗಿದೆ ಎಂದು ತಿಳಿಸಿದ್ದಾರೆ. ಈ ಸಂಬಂಧ ನಾವು ಸಮಿತಿಗೆ ಪ್ರಸ್ತಾವನೆಯನ್ನು ಸಲ್ಲಿಸಿದ್ದು ಇನ್ನು ಒಂದು ತಿಂಗಳೊಳಗೆ ಅದಕ್ಕೆ ಅನುಮೋದನೆ ಸಿಗುವ ಭರವಸೆ ಇದೆ ಎಂದು ಸಿಂಗ್ ಹೇಳಿದರು.
ಬೆಂಗಳೂರಿನಲ್ಲಿನ ಅಂಗಡಿಯೊಂದಕ್ಕೆ 50 ಬಿಳಿಯ ಟೋಪಿಯನ್ನು ನೀಡುವಂತೆ ಸೂಚಿಸಿದ್ದೇವೆ. ನಮಗೆ ಅನುಮೋದನೆ ಸಿಕ್ಕ ಕೂಡಲೇ ಕರ್ನಾಟಕ ಟೋಪಿಯನ್ನು ಬಳಸುತ್ತೇವೆ ಎಂದು ಹೇಳಿದರು.
Follow KannadaPrabha channel on WhatsApp
Subscribe to KannadaPrabha YouTube Channel and watch Videos
Download the KannadaPrabha News app to follow the latest news updates
Subscribe and Receive exclusive content and updates on your favorite topics
Disclaimer : ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ ಅಭಿಪ್ರಾಯಗಳು ಅವುಗಳನ್ನು ಪೋಸ್ಟ್ ಮಾಡುವ ವ್ಯಕ್ತಿಯ ಸಂಪೂರ್ಣ ಜವಾಬ್ದಾರಿಯಾಗಿದೆ; ಅವು kannadaprabha.com ನ ಅಭಿಪ್ರಾಯಗಳನ್ನು ಪ್ರತಿಬಿಂಬಿಸುವುದಿಲ್ಲ. ಒಬ್ಬ ವ್ಯಕ್ತಿ, ಸಮುದಾಯ, ಧರ್ಮ ಅಥವಾ ದೇಶದ ವಿರುದ್ಧ ಅವಹೇಳನಕಾರಿ ಅಥವಾ ಅಶ್ಲೀಲವಾದ ಯಾವುದೇ ಕಾಮೆಂಟ್‌ಗಳು ಭಾರತ ಸರ್ಕಾರದ ಮಾಹಿತಿ ತಂತ್ರಜ್ಞಾನ ನೀತಿಯ ಅಡಿಯಲ್ಲಿ ಶಿಕ್ಷಾರ್ಹವಾಗಿವೆ. ಅಂತಹ ಕಾಮೆಂಟ್‌ಗಳ ವಿರುದ್ಧ ಸೂಕ್ತ ಕಾನೂನು ಕ್ರಮ ಕೈಗೊಳ್ಳಲಾಗುವುದು.