ಯುವತಿಗೆ ಬಲವಂತವಾಗಿ ತಾಳಿ ಕಟ್ಟಿ ಅತ್ಯಾಚಾರ ಮಾಡಿದ ದುಷ್ಕರ್ಮಿ!

ಬೆಂಗಳೂರು: ಪತ್ನಿ ಮತ್ತು ಇಬ್ಬರು ಮಕ್ಕಳಿಂದ ದೂರಾಗಿದ್ದ ಓರ್ವ ವ್ಯಕ್ತಿ 22ರೆ ಹರೆಯದ ಯುವತಿಯೋರ್ವಳನ್ನು ಅಪಹರಿಸಿ ಆಕೆಗೆ ಬಲವಂತವಾಗಿ ತಾಳಿಕಟ್ಟಿ ಅತ್ಯಾಚಾರ ಮಾಡಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ.

ಪೊಲೀಸ್ ಮೂಲಗಳ ಪ್ರಕಾರ ಮಾಗಡಿರಸ್ತೆಯ ದಾಸರಹಳ್ಳಿಯಲ್ಲಿ ಇಸ್ತ್ರೀ ಅಂಗಡಿ ನಡೆಸುತ್ತಿದ್ದ ಸಂತೋಷ್ ಎಂಬಾತನೇ ಯುವತಿಯನ್ನು ಅಪಹರಿಸಿ ಅಕೆಗೆ ಬಲವಂತವಾಗಿ ತಾಳಿಕಟ್ಟಿ ಬಳಿಕ ಅಕೆಯ ಮೇಲೆ ಅತ್ಯಾಚಾರ ಮಾಡಿ  ಇದೀಗ ಪೊಲೀಸರ ಅತಿಥಿಯಾಗಿದ್ದಾನೆ. ಮೂಲಗಳ ಪ್ರಕಾರ ಮಾಗಡಿರಸ್ತೆಯ ದಾಸರಹಳ್ಳಿಯ ನಿವಾಸಿಯಾಗಿದ್ದ ಸಂತೋಷ್ (34 ವರ್ಷ) ಎಂಬಾತ ತನ್ನ ಮನೆಯ ಪಕ್ಕದ ಬೀದಿಯ ಯುವತಿಯ ಹಿಂದೆ ಬಿದ್ದಿದ್ದನಂತೆ. ಅಲ್ಲದೆ ಆ  ಯುವತಿಯನ್ನು ಮದುವೆ ಮಾಡಿಕೊಂಡುವಂತೆ ಯುವತಿಯ ಪೋಷಕರಿಗೆ ಬಲವಂತ ಮಾಡಿದ್ದನಂತೆ.

ಸಂತೋಷ್ ಗೆ ಮದುವೆಯಾಗಿ ಮಕ್ಕಳಿದ್ದು, ಕೆಲ ವರ್ಷಗಳ ಹಿಂದೆ ಪತ್ನಿ ಮತ್ತು ಮಕ್ಕಳನ್ನು ತೊರೆದಿದ್ದು. ಇತ್ತೀಚೆಗೆ ಯುವತಿ ಪೋಷಕರನ್ನು ಭೇಟಿ ಮಾಡಿದ್ದ ಆತ ಆಕೆಯನ್ನು ಮದುವೆ ಮಾಡಿಕೊಡುವಂತೆ ದುಂಬಾಲು ಬಿದ್ದಿದ್ದನಂತೆ.  ಇದಕ್ಕೆ ಪೋಷಕರು ನಿರಾಕರಿಸಿ ಆತನಿದೆ ಬುದ್ಧಿಮಾತು ಹೇಳಿ ಕಳುಹಿಸಿದ್ದರಂತೆ. ಯುವತಿ ಪೋಷಕರ ಮಾತಿನಿಂದ ಸಿಟ್ಟಿಗೆದ್ದಿದ್ದ ಸಂತೋಷ್ ಸಮಯಕ್ಕಾಗಿ ಕಾದು ಕುಳಿತಿದ್ದ.

ಯುವತಿಯನ್ನು ವಿವಾಹವಾಗುವ ಹಠ ಬಿಡದ ಆತ ಕಳೆದ ಆಗಸ್ಟ್ 24ರ ರಾತ್ರಿ 10ರ ವೇಳೆ ಎಂದಿನಂತೆ ತನ್ನ ಅಜ್ಜಿಯ ಮನೆಗೆ ಮಲಗಲು ಹೋಗುತ್ತಿದ್ದ ಯುವತಿಯನ್ನು ಹಿಂಬಾಲಿಸಿ ಆಕೆಯನ್ನು ತನ್ನ  ಮನೆಗೆ ಹೊತ್ತೊಯ್ದು  ಬಲವಂತವಾಗಿ ಹಿತ್ತಾಳೆಯ ತಾಳಿ ಕಟ್ಟಿದ್ದಾನೆ. ಬಳಿಕ ಬಲವಂತವಾಗಿಯೇ ಅತ್ಯಾಚಾರ ಕೂಡ ಎಸಗಿದ್ದಾನೆ. ಇತ್ತ ಅಜ್ಜಿ ಮನೆಗೆ ಮಗಳು ಹೋಗಿಲ್ಲ..? ಎಲ್ಲಿಗೆ ಹೋದಳು..? ಅಂತಾ ಹುಡುಕಾಡಿದಾಗ ಮಾರನೇ ದಿನ ಮಧ್ಯಾಹ್ನದ  ವೇಳೆಗೆ ಸಂತೋಷನ ಮನೆಯಲ್ಲಿ ಅಕ್ರಮವಾಗಿ ಕೂಡಿ ಹಾಕಿದ್ದು ಬೆಳಕಿಗೆ ಬಂದಿದೆ.

ಕೂಡಲೇ ಪೊಲೀಸರಗೆ ಯುವತಿ ಪೋಷಕರು ಕರೆ ಮಾಡಿದ್ದಾರೆ. ಈ ಸಂಬಂಧ ಪ್ರಕರಣ ದಾಖಲಿಸಿದ ಮಾಗಡಿ ರಸ್ತೆ ಪೊಲೀಸರು ಆರೋಪಿ  ಸಂತೋಷನನ್ನ ಬಂಧಿಸಿ ಜೈಲಿಗಟ್ಟಿದ್ದಾರೆ.