ಬೇವಿನಿಂದ ಬದುಕು ಬೆಲ್ಲ

'ಬೇಸಿಗೆಯಲ್ಲಿ ಬೇವಿನ ಮರ ತಂಪು' ಎಂಬ ಜಾನಪದ ಮಾತು ಬಹಳ ಫೇಮಸ್ಸು. ಬೇವು ಬಾಯಿಗೆ ಕಹಿಯಾಗಿದ್ದರೂ ದೇಹಕ್ಕೆ ಒಳಗೂ ಹೊರಗೂ ಆರೋಗ್ಯ ಪೂರ್ಣ ರಕ್ಷಣೆ ನೀಡುವ ಅಮೃತ. ಅಂಥ ಬೇವಿನ ಒಂದಿಷ್ಟು ವಿಶೇಷತೆಗಳು ಇಲ್ಲಿವೆ...
-    ಸಾವಿರಾರು ವರ್ಷ ಆಯುಷ್ಯವೃದ್ಧಿ ಸಿದ್ಧಿ ಪಡೆದುಕೊಂಡು ಜೀವಿಸಿದ ಋಷಿ ಮಹರ್ಷಿಗಳು ನಿತ್ಯ ಬೇವು ಸೇವಿಸುತ್ತಿದ್ದರು.
-    ನಿತ್ಯ ಬೇವು, ಎಲೆ-ರಸ ಸೇವಿಸಿದರೆ ವಿಷಪೂರಿತ ಕೀಟಗಳು ಕಚ್ಚಿದರೂ ವಿಷದ ಅಪಾಯವಾಗಲಾರದು.
-    ನಿತ್ಯ ಎಳೆ ಬೇವಿನ ಕಾಂಡದಿಂದ ಹಲ್ಲುಜ್ಜಿದರೆ, ದಂತಕ್ಷಯ, ಒಸಡು, ಹುಣ್ಣು, ಬಾಯಿ ದುರ್ಗಂಧ ನಾಶವಾಗುವುದು.
-    ನಿತ್ಯ ಬೇವಿನ ರಸ ಹಳೆ ಬೆಲ್ಲದೊಂದಿಗೆ ಸೇವಿಸಿದರೆ ಕುಷ್ಠ, ಕ್ಷಯ, ಕ್ಯಾನ್ಸರ್‌ಗಳು ಮಾಯವಾಗುತ್ತವೆ.
-    ಚರ್ಮ ಕಾಯಿಲೆ, ತಲೆ ಹೊಟ್ಟುಗಳನ್ನು ದೂರ ಮಾಡುವುದಕ್ಕೂ ಬೇವಿಗೆ ಗೊತ್ತು.
-    ಬೇವಿನ ರಸದಲ್ಲಿ ಅರಿಶಿನ ಪುಡಿ ಕಲಸಿ, ಮುಖಕ್ಕೆ ಲೇಪಿಸಿಕೊಂಡರೆ ಮೊಡವೆಗಳು ಮಾಯ.
-    ಮೈ ತುರಿಕೆ- ಅಲರ್ಜಿ ಆಗಿದ್ದರೆ ಬೇವಿನ ರಸದಲ್ಲಿ ಉಪ್ಪು- ಲಿಂಬೆ ರಸ ಬೆರೆಸಿ ಲೇಪಿಸಿಕೊಂಡು ನಂತರ ಸ್ನಾನ ಮಾಡಬೇಕು.
-    ತಲೆಹೊಟ್ಟು, ಶೀರು, ಹೇನು ಆಗಿದ್ದರೆ ಬೇವಿನೆಣ್ಣೆಯಲ್ಲಿ ಸೀಗೆಕಾಯಿ ಪುಡಿ ಬೆರೆಸಿ ರಾತ್ರಿ ತಲೆಗೆ ಮೆತ್ತಿಕೊಂಡು ಬೆಳಗ್ಗೆ ಸ್ನಾನ ಮಾಡಬೇಕು.
-    ಬೇವಿನ ರಸದಲ್ಲಿ ಶ್ರೀಗಂಧದ ಪುಡಿ ಬೆರೆಸಿ ಮುಲಾಮಿನಂತೆ ಹಚ್ಚಿಕೊಂಡರೆ ಹುಣ್ಣುಗಳು ಕಣ್ಮರೆಯಾಗುತ್ತವೆ.
-    ಕೀಟಗಳು ವಿಪರೀತವಾಗಿದ್ದರೆ ಹಸಿ ಬೇವಿನ ಎಲೆಗಳ ಹೊಗೆ ಹಾಕಬೇಕು.
-    ನೆಗಡಿ- ಫ್ಲ್ಯೂ ಆಗಿದ್ದರೆ ಹಸಿ ಬೇವಿನೆಲೆಗಳ ಬಿಸಿ ನೀರಿನ ಸ್ಟೀಮ್ ತೆಗೆದುಕೊಂಡರೆ ಶಮನವಾದೀತು.
-    ಚಳಿಗಾಲದಲ್ಲಿ ತುಟಿ- ಹಿಮ್ಮಡಿಗಳು ಬಿರುಕು ಬಿಟ್ಟಿದ್ದರೆ ಬೇವಿನ ರಸದಲ್ಲಿ ಗ್ಲಿಸರೀನ್ ಸೇರಿಸಿ ಲೇಪಿಸಿಕೊಳ್ಳಬೇಕು.ಟಿ


- ಶಂಕರ ಎಂ. ಮುತ್ತಣ್ಣವರ