ದಾಹಕ್ಕೆ ಎಳನೀರು ದಾರಿ

ಅಧಿಕ ಜೀವಸತ್ವ, ಖನಿಜಾಂಶಗಳಿರುವ ಎಳನೀರು ಕುಡಿಯುವುದು ಆರೋಗ್ಯಕ್ಕೆ ಉತ್ತಮ. ನಿಸರ್ಗದತ್ತವಾಗಿ ಸುಲಭ ಬೆಲೆಗೆ ಸಿಗುವ ಎಳನೀರನ್ನು ಸೇವಿಸುವುದರ ಲಾಭಗಳು ಹಲವಾರು...
    ಉರಿಮೂತ್ರ ಕಡಿಮೆಯಾಗುತ್ತದೆ.
    ಹೃದಯ, ಪಿತ್ತಕೋಶ ಮತ್ತು ಮೂತ್ರ ಪಿಂಡಗಳಿಗೆ ಸಂಬಂಧಿಸಿದ ರೋಗಗಳಿಂದ ನರಳುವವರಿಗೆ ರಾಮಬಾಣ.
    ಒಂದು ಗ್ಲಾಸ್ ಎಳನೀರಿಗೆ ಎರಡು ಚಮಚ ಜೇನುತುಪ್ಪ ಸೇರಿಸಿ ನಿತ್ಯ ಸೇವಿಸಿದರೆ ನರದೌರ್ಬಲ್ಯ ನಿವಾರಣೆ.
    ಬೊಜ್ಜು ದೇಹವಿದ್ದರೆ ವಾರಕ್ಕೆ ಒಂದು ದಿನ ಎಳೆನೀರು ಕುಡಿದು ಉಪವಾಸ ಮಾಡಿದರೆ ದೇಹ ತೂಕ ಇಳಿಯುತ್ತದೆ.
    ಅತಿಸಾರ, ವಾಂತಿಯಾದಾಗ, ದೇಹದಲ್ಲಿ ನೀರಿನಂಶ ಕಡಿಮೆಯಾದಾಗ ಎಳನೀರು ಕುಡಿಯುವುದರಿಂದ ಬಳಲಿಕೆ ನಿವಾರಣೆಯಾಗುವುದು.
    ಅಂಗಾಲುಗಳು, ಅಂಗೈ ಉರಿಯುತ್ತಿದ್ದರೆ ಎಳನೀರು ಮತ್ತು ಸುಣ್ಣದ ತಿಳಿಯನ್ನು ಸಮಪ್ರಮಾಣದಲ್ಲಿ ಮಿಶ್ರಣ ಮಾಡಿ, ಒಂದು ಚಿಟಿಕೆ ಅರಿಶಿನ ಪುಡಿ ಸೇರಿಸಿ ಅಂಗಾಲು, ಅಂಗೈಗೆ ಹಚ್ಚಿದರೆ ನೋವು ನಿವಾರಣೆಯಗುತ್ತದೆ.
    ಗರ್ಭಿಣಿಯರಿಗೆ ಮೂತ್ರ ವಿಸರ್ಜನೆ ಸಮಯದಲ್ಲಿ ಉರಿ ಬರುತ್ತಿದ್ದರೆ ಎಳನೀರು ಕುಡಿಯಬೇಕು.



ಬಸವರಾಜ ಗಂ. ಪುರಾಣಿಕಮಠ