ಚರ್ಮಗೀತೆ

ಮಳೆಗಾಲ ಬಂತೆಂದರೆ ಒಂಥರಾ ಖುಷಿ. ಬೇಸಿಗೆಯ ಬೇಗೆಯಲ್ಲಿ ಬೆಂದ ಮನಸುಗಳಿಗೆ ಆಹ್ಲಾದ ತರುತ್ತದೆ ಈ ಮಳೆ. ಆದರೆ, ಆರೋಗ್ಯ ಮಾತ್ರ ಆತಂಕದಲ್ಲಿ ಕಂಪಿಸುತ್ತದೆ. ವಿಶೇಷವಾಗಿ ಮಳೆಗಾಲದಲ್ಲಿ ಚರ್ಮವನ್ನು ಹೇಗೆ ರಕ್ಷಿಸಿಕೊಳ್ಳುವುದೆಂಬ ಪ್ರಶ್ನೆಯೂ ಹುಟ್ಟುತ್ತದೆ. ಇದಕ್ಕಿದೆ ಸೌಂದರ್ಯದ ಸಿಂಪಲ್ ಸಲಹೆ...

ಏನು ಮಾಡಬೇಕು?

• ನಿಮ್ಮದು ಎಣ್ಣೆ ಚರ್ಮ ಆಗಿದ್ದರೆ ನೀರಿನಂಶದಿಂದ ಕೂಡಿರುವ ಮಾಯಿಸ್ಚುಲೈಸರ್ ಬಸಬೇಕು. ಮುಖಕ್ಕೆ ಲೇಪಿಸಿಕೊಂಡು 10 ನಿಮಿಷದ ಬಳಿಕ ತೊಳೆದುಕೊಳ್ಳಬೇಕು.  

• ಟೊಮೇಟೊವನ್ನು ಚೆನ್ನಾಗಿ ಕಿವುಚಿ ಅದರ ಜತೆ ಮುಲ್ತಾನ್ ಮಿಟ್ಟಿಯನ್ನು ಮಿಶ್ರಣ ಮಾಡಬೇಕು. ಅದನ್ನು ಪೇಸ್ಟ್ ಆಗಿ ಮಾಡಿಕೊಳ್ಳಬೇಕು. ಬಳಿಕ ಮುಖ ಕೈ, ಕಾಲುಗಳಿಗೆ ಲೇಪಿಸಿಕೊಳ್ಳಬೇಕು. 10 ನಿಮಿಷ ಬಿಟ್ಟು ತಣ್ಣೀರಿನಿಂದ ತೊಳೆದುಕೊಳ್ಳಿ. ಕಲೆಗಳೆಲ್ಲ ಮಾಯವಾಗುತ್ತವೆ.

• ಒಣ ಚರ್ಮ ಇದ್ದರೆ, ಬಾಳೆಹಣ್ಣು ಮತ್ತು ಜೇನುತುಪ್ಪದೊಂದಿಗೆ ಬೆರೆಸಿ ಪೇಸ್ಟ್ ಮಾಡಿ, ಅದನ್ನು ಚರ್ಮಕ್ಕೆ ಹಚ್ಚಿಕೊಳ್ಳಿ.

• ಕಲ್ಲಂಗಡಿ ಹಣ್ಣಿನೊಂದಿಗೆ ಹಾಲಿನ ಪೌಡರ್ ಮಿಶ್ರಣ ಮಾಡಿ, ಪೇಸ್ಟ್ ಮಾಡಿಕೊಳ್ಳಬೇಕು. ಬಳಿಕ ಅದನ್ನು ಚರ್ಮಕ್ಕೆ ಲೇಪಿಸಿಕೊಳ್ಳುವುದರಿಂದ ಕಾಂತಿ ಹೆಚ್ಚಾಗುತ್ತದೆ.

• ಆ್ಯಂಟಿ ಪಂಗಲ್ ಪೌಡರನ್ನು ಚರ್ಮಕ್ಕೆ ಹಚ್ಚುವುದರಿಂದ ಚರ್ಮದ ಸೋಂಕು ನಿವಾರಿಸಬಹುದು.

• ಚರ್ಮದ ಕಾಯಿಲೆ ಬರಲು ಮತ್ತೊಂದು ಕಾರಣವೆಂದರೆ ಒದ್ದೆಯಾದ ಬಟ್ಟೆ, ಶೂಗಳನ್ನು ಧರಿಸುವುದು. ಹಾಗಾಗಿ, ಇಂಥ ಪ್ರವೃತ್ತಿಯನ್ನು ಆದಷ್ಟು ಬಿಟ್ಟುಬಿಡಿ.