ಸಂಜೆ ಹೊತ್ತಿಗೆ ಏನಾದರೂ ಸ್ಪೆಷಲ್ ಬೇಕಾ? ಪನೀರ್ ಫಿಂಗರ್ಸ್ ಮಾಡಿ ನೋಡಿ..!

ಸಂಜೆ ಸಮಯದಲ್ಲಿ ಏನಾದರೂ ಗರಿಗರಿಯಾದ, ರುಚಿಕರವಾದ ತಿಂಡಿ ತಿನ್ನಬೇಕು ಅನಿಸುತ್ತಿದೆಯಾ? ಹಾಗಾದರೆ ಮನೆಯಲ್ಲೇ ಸುಲಭವಾಗಿ ತಯಾರಿಸಬಹುದಾದ ಪನೀರ್ ಫಿಂಗರ್ಸ್ ಒಮ್ಮೆ ಮಾಡಿ ನೋಡಿ.

ಹೊರಗೆ ಗರಿಗರಿಯಾಗಿ, ಒಳಗೆ ಮೃದುವಾಗಿರುವ ಈ ಸ್ನ್ಯಾಕ್‌ ಮಕ್ಕಳಿಂದ ದೊಡ್ಡವರವರೆಗೂ ಎಲ್ಲರಿಗೂ ಇಷ್ಟವಾಗುತ್ತದೆ. ಪಾರ್ಟಿ, ಗೆಟ್‌ಟುಗೆದರ್‌ ಅಥವಾ ಸಂಜೆ ಚಹಾ ಜೊತೆ ಸವಿಯಲು ಇದು ಸೂಕ್ತ. ಹಾಗಾದರೆ, ಪನೀರ್ ಫಿಂಗರ್ಸ್ ಮಾಡುವ ಸರಳ ವಿಧಾನ ಇಲ್ಲಿದೆ...

ಬೇಕಾಗುವ ಪದಾರ್ಥಗಳು...

ಪನೀರ್ ಮ್ಯಾರಿನೇಟ್ ಮಾಡಲು...

• ಪನೀರ್ – 250 ಗ್ರಾಂ

• ಅಚ್ಚಖಾರದ ಪುಡಿ – ½ ಚಮಚ

• ಅರಿಶಿನ – ¼ ಚಮಚ

• ಗರಂ ಮಸಾಲೆ – ½ ಚಮಚ

• ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ – 1 ಚಮಚ

• ಉಪ್ಪು – ರುಚಿಗೆ ತಕ್ಕಷ್ಟು

• ನಿಂಬೆ ರಸ – 1 ಚಮಚ

ಮಾಡುವ ವಿಧಾನ...

• ಪನೀರ್ ಅನ್ನು ಉದ್ದನೆಯ ಬೆರಳಿನಾಕಾರದ ತುಂಡುಗಳಾಗಿ ಕತ್ತರಿಸಿಕೊಳ್ಳಿ.

• ಒಂದು ಪಾತ್ರೆಯಲ್ಲಿ ಪನೀರ್ ತುಂಡುಗಳಿಗೆ ಮೆಣಸಿನ ಪುಡಿ, ಅರಿಶಿನ, ಗರಂ ಮಸಾಲೆ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಉಪ್ಪು ಮತ್ತು ನಿಂಬೆ ರಸ ಸೇರಿಸಿ ನಿಧಾನವಾಗಿ ಮಿಶ್ರಣ ಮಾಡಿ. 10–15 ನಿಮಿಷ ಮ್ಯಾರಿನೇಟ್ ಮಾಡಲು ಬಿಡಿ.

• ಮತ್ತೊಂದು ಪಾತ್ರೆಯಲ್ಲಿ ಮೈದಾ, ಕಾರ್ನ್‌ಫ್ಲೋರ್, ಅಚ್ಚಖಾರದ ಪುಡಿ, ಕರಿಮೆಣಸಿನ ಪುಡಿ ಮತ್ತು ಉಪ್ಪು ಸೇರಿಸಿ. ಸ್ವಲ್ಪ ನೀರು ಹಾಕಿ ಗಟ್ಟಿಯಾದ ಹಿಟ್ಟಿನ ಹದಕ್ಕೆ ಕಲಸಿಕೊಳ್ಳಿ.

• ಮ್ಯಾರಿನೇಟ್ ಮಾಡಿದ ಪನೀರ್ ತುಂಡನ್ನು ಮೊದಲು ಮೈದಾ ಮಿಶ್ರಣದಲ್ಲಿ ಅದ್ದಿ, ನಂತರ ಬ್ರೆಡ್ ಕ್ರಂಬ್ಸ್‌ನಲ್ಲಿ ಚೆನ್ನಾಗಿ ಉರುಳಿಸಿ.

• ಎಲ್ಲಾ ಪನೀರ್ ತುಂಡುಗಳಿಗೂ ಇದೇ ರೀತಿ ಕೋಟಿಂಗ್ ಮಾಡಿಕೊಳ್ಳಿ.

• ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ, ಮಧ್ಯಮ ಉರಿಯಲ್ಲಿ ಪನೀರ್ ಫಿಂಗರ್ಸ್‌ಗಳನ್ನು ಹಾಕಿ ಹೊಂಬಣ್ಣ ಬರುವವರೆಗೆ ಗರಿಗರಿಯಾಗಿ ಕರಿಯಿರಿ.

• ಕರಿದ ಪನೀರ್ ಫಿಂಗರ್ಸ್‌ಗಳನ್ನು ಟಿಶ್ಯೂ ಪೇಪರ್ ಮೇಲೆ ತೆಗೆದು ಹೆಚ್ಚುವರಿ ಎಣ್ಣೆ ಹೀರಿಕೊಳ್ಳಲು ಬಿಡಿ.

ಟಿಪ್ಸ್...

• ಇನ್ನಷ್ಟು ಗರಿಗರಿಯಾಗಲು ಪನೀರ್‌ಗೆ ಡಬಲ್ ಕೋಟಿಂಗ್ ಮಾಡಬಹುದು.

• ಹೆಚ್ಚು ಎಣ್ಣೆ ಹೀರಿಕೊಳ್ಳದಂತೆ ಎಣ್ಣೆ ಚೆನ್ನಾಗಿ ಬಿಸಿಯಾದ ನಂತರವೇ ಫಿಂಗರ್ಸ್‌ಗಳನ್ನು ಕರಿಯಿರಿ.

• ಬೇಕಾದರೆ ಕರಿಯುವ ಬದಲು ಏರ್ ಫ್ರೈಯರ್‌ನಲ್ಲೂ ತಯಾರಿಸಬಹುದು.