ಚಿಕನ್ ಸೂಪ್ | Chicken Soup Recipe in Kannada

ಬೇಕಾಗುವ ಪದಾರ್ಥಗಳು...

• ಚಿಕನ್- 200-300 ಗ್ರಾಂ

• ಈರುಳ್ಳಿ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್- ಸ್ವಲ್ಪ

• ಹಸಿಮೆಣಸಿನಕಾಯಿ- 3-4

• ಕಾಳುಮೆಣಸು- ಸ್ವಲ್ಪ

• ಚಕ್ಕೆ- ಸಣ್ಣ ಪೀಸ್

• ಅರಿಶಿನ-ಸ್ವಲ್ಪ

• ಉಪ್ಪು - ರುಚಿಗೆ ತಕ್ಕಷ್ಟು

• ಕೊತ್ತಂಬರಿ ಸೊಪ್ಪು- ಸ್ವಲ್ಪ

• ಎಣ್ಣೆ- ಅಗತ್ಯಕ್ಕನುಗುಣವಾಗಿ

ಮಾಡುವ ವಿಧಾನ...

• ಒಲೆಯ ಮೇಲೆ ಕುಕ್ಕರ್ ಇಟ್ಟು, ಎಣ್ಣೆ ಹಾಕಿ. ಬಿಸಿ ಮಾಡಿ, ಇದಕ್ಕೆ ಬೆಳ್ಳುಳ್ಳಿ-ಈರುಳ್ಳಿ-ಶುಂಠಿ ಹಾಗೂ ಹಸಿ ಮೆಣಸಿನಕಾಯಿ, ಕಾಳು ಮೆಣಸು, ದಾಲ್ಚಿನ್ನಿ, ಚಿಕನ್ ಎಲ್ಲವನ್ನೂ ಹಾಕಿ ಕೆಲವು ನಿಮಿಷಗಳವರೆಗೆ ಕೈಯಾಡಿಸಿ ಚಿಕನ್ ಬಣ್ಣ ಬದಲಾದ ಮೇಲೆ ಅದಕ್ಕೆ ಉಪ್ಪು, ಅರಿಶಿಣ ಹಾಕಿ ತಿರುವಿ.

• ಈಗ ಬೇಕಾದಷ್ಟು ನೀರು ಸೇರಿಸಿ 3-4 ಸೀಟಿ ಬರುವವರೆಗೆ ಬೇಯಿಸಿ. ಕೊನೆಯಲ್ಲಿ ಕೊತ್ತಂಬರಿ ಸೊಪ್ಪು ಮತ್ತು ಸ್ವಲ್ಪ ನಿಂಬೆ ರಸ ಸೇರಿಸಿದರೆ ರುಚಿಕರವಾದ ಚಿಕನ್ ಸೂಪ್ ಸವಿಯಲು ಸಿದ್ಧ.

ಟಿಪ್ಸ್:

• ಇನ್ನೂ ಖಾರ ಬೇಕಂದ್ರೆ ಕಾಳು ಮೆಣಸಿನ ಪುಡಿ ಮೇಲೆ ಉದುರಿಸಿ.

• ಗಟ್ಟಿ ಸೂಪ್ ಬೇಕಾದರೆ 1 ಟೀ ಚಮಚ ಕಾರ್ನ್ ಫ್ಲೋರ್ ಅನ್ನು ನೀರಲ್ಲಿ ಕಲಸಿ ಕೊನೆಯಲ್ಲಿ ಸೇರಿಸಿ ಕುದಿಸಿ.

• ತರಕಾರಿ ಬೇಕೆಂದರೆ ಕ್ಯಾರೆಟ್, ಬೀನ್ಸ್ ಸಣ್ಣಗೆ ಹೆಚ್ಚಿ ಚಿಕನ್ ಜೊತೆ ಹಾಕಬಹುದು.